ساعدوني احتمال اتطلق والسبب امي

بنات خالتي طلبت مني اعرض لكم قصتها وانشالله تلاقي الحل عندكم تقول:
ياليت تساعدوني انا تزوجت في 2622009 وقعدت مع ريلي اسبوع بعدين سافر للدراسه انا احب زوجي وهو يموت علي هو واهله وعشت معاهم اجمل اسبوع بحياتي بس امي ما تحب زوجي واهله مع العلم اني كنت رافضه الزواج بس كذا مره اسمعها تكلم بالتليفون وتقول ابيها تزوج بافتك منها وانا من بعد ما سافر زوجي رديت لبيت اهلي وكل ما اقعد مع امي تقعد تسب وتغلط وتدعي عليهم وتحش فيهم وتقول انشالله تطلقين منه وتحاول تجبرني اخذ حبوب منع حمل بس انا ما اكلتهم ويوم الخميس اللي طاف رحت عندهم تقولي لا تاخرين عندهم ولا تعطينهم وجه ولا تسولفين وتضحكين معاهم والحين زوجي بيرجع يوم الخميس 3 ايام على شاني . اشرايكم اقعد على شان امي وما اردله ولا اروح لزوجي والله محتاره واللحين الفكره اللي شاغله بالي اني ما اردله عشان خاطر امي

انتي خرجتي عن سلطه امج رووحي لريلج وربي يوفقج زوجج اولى

انتي من صجج
طبعا تروحين حق ريلج

باجر لا تطلقتي ترا ماراح تفيدج امج
وكل حياتج بتتغير حتى بتصير غير عن حياتج اللي قبل الزواج
قضبي بيتج وريلج

واذا عندج شقه ابيت اهله روحي قعدي بشقتج وخلي روحتج حق امج بس زواره حتى لو ريلج مسافر قعدي ابيتج
لين الله يهديها وتفهم انج ما تبين تخربين بيتج ولا تسمحين حتى لها انها تخرب بيتج

شنو السبب ألي يخلي امها تدعي عليهم وماتحبهم ؟؟

لا خل اتروح الطلاق مو لعبه والوحده مو كل مره لها ريل
وامها كانت تبي تزوجها والحين تبيها تتطلق خل تعيش معاه احسن بدام مرتاحه معاه ومو مراتحه من اهلها

أنتي شوفي حياتش مع زوجش
لانه الحين دينتش وبعد جنتش ونارش
وامش حاولي ترضينها من غير ما تخربين حياتش

امبيه سورى بس شكلج تتقشمرين؟؟؟؟؟؟
يعني تحبينة وحبج امج شنو مشكلتها؟؟؟؟؟؟؟؟؟؟؟؟؟؟؟؟ غريبة سالفتج اكيد فياشياء ما ندري عنها ولا ليش امج كارهتهم؟؟؟

شنو المشكلة ليش امج ما تحبه ؟ بعدين ريلج يدرس ؟ شكثر باقي له انا من رايي اذا تبينه و شاريته سافري معاه لا تهدينه بروحه

ردي لزوجج والله يهدي امج ان شاء الله

حبيبتى انتى ليش محتارة اذاتبين زوجج وتحبينة اكيد ارجعيلة
واذا اهلة حلوين وياج والحمدللة ليش تزعلين عليهم
شوفى شنو السبب الى مزعل امج بالدرجة الاولى وليش اذا ماتبيهم وافقت على الزواج
الشئ بالدرجة الاولى يرجعلج انتى بحيث انج ماتزعلين الطرفين
صلى واستخيرى وناقشى امج بالموضوع قولى لها انا ابى زوجى ومقتنعة فية واذا فية اى خلاف بين الحريم مالنا شغل فية احنا
يرضيج انى اتطلق ترا قلب الام ماكو مثلة حتى لو كانت عصبية حنون على عيالة فوق التصور واللة يوفقج

حبيبتي الا في هذي الاموور ..الوحده مالها الاريلها

مادام ريلج يحبج وانتي تحبينه ..روحيله ….وامج انشالله راح تتقبل ريلج مع الوقت

ماتقدر تقعد عندهم لانها تدرس بالمعهد وما عندها احد يوديها غير ابوها وزوجها يتخرج شهر خمسه

طيب امج موتقول ابى ازوجها وافتك منها شنو اللى غير رايها والحين تبيج تتطلقين ؟؟؟

وليش كانت تبى تفتك مج شنو الاسباب ؟؟

وليش ماتحب زوجج شنو الاسباب ؟؟

فى امور غايبه عنا ومانقدر نعطيج رابنا الا لما تشرحين لنا القصه عدل!!!!!!!!!!!!!!!!!

مافي ام تتمنى ان بنتها تتطلق مافي سبب مقنع

يا حبيبتي الله يهديج ما يصير الطلاق على أي سبب و أسباب سخيفه بعد ، انتي ما مداج تعيشين مع زوجج و تعرفينه عدل و تعرفين أهله ، تعوذي من ابليس و لا تغلطين غلطه راح اتحسفين عليها طول عمرج ، ترى حواليني وايد نماين مكبرين مخادهم يم امهاتهم لا أحد يسأل عنهم و لا فيهم خسرو الريل و الونيس و البيت و بيخسرون العيال بعد ، الله يوفقج ان شاء الله و يسخرلج ريلج و يهدي أمج