|
|
بنات انا وايد نفسيتي تعبانه والسبب جسمي متينه وقصيره
طولي 150 بس
ووزني 68
وفوق هذا ويهي مو متين
ودي اصير حلوه ودي انخطب حالي حال خلق الله الحمدالله على كل حال بس والله دايم صديقاتي وخواني يعيبون علي يسموني سنفور وهالشي يجرحني
مع انه ملامحي حلوه
فأذا اي بنت حابه تساعدني وتوقف معاي خطوه بخطوه وتقولي شنو اسوي بالضبط علشا ن اصير 100 على100
ضروري تساعدني بعد عندي سؤال الرياييل يفضلون المرأه القصيره ولا الطويله؟
لأني احب ولد عمي وولد عمي طوييييييييييييييييييييييييييييييييييل وانا دقي دقي يمه
بس حب من طرف واحد وودي ينعجب فيني
ويتحقق حلمي وانتزوج الله ونجيب يهال حلوين مثل هذيلا,,,,,
انا ابي تغيرون لوكي من………..الى واذا سار اي تطور معاي راح
اقولكم اول بأول
الله ما كثر الكعابه بالسوق لا تعقدين عمرج وطولج عادي مو قصيرة ولا طويله وسط
اتبعي نظام غذائي يناسبج ابتعدي عن العيوش والنشويات واكلي سلطات وشربي عصاير وبتضعفين ان شاء الله
وبخصوص الريال اللي يحب قصيرة والا طويله يحبها اقصر منة بس مو واااااااااايد حيل يعني لبسي كعب
الحين عطلة شدي حيلج فيها
سوي رياضية شد المعدة سوي تمارين
امشي بالحوش دوري البيت اكثر من مرة
صدقيني اذا كانت عندج عزيمة وصادقة مع نفسج راح تتغرين 180 درجة
حتى انا قصيرونه وزوجي طويل
بس مومتينه
وعلى الطول كل ريال حسب مزاجه
ولاحظت اعلب الكويتين يحبون البنت القصيره
بس يبيلج تضعفين
حراام بعدج بنت لازم تضعفين
وان شالله يكون ولد عمج يبادلج نفس الشعور
امانه لاتزعلين مني
ولكن انتي بروحج معقده روحج يعني تقولين ان تجرحج كلمه سنفور ليش كاتبه اسمج بطوطه ؟!
باول يبيلج تثقين بنفسج و بشكلج يعني قعدي جابللي المنظرة و قولي انا حلوة ولكن لو اضعف اصير احلى لو اهتم اكثر بشكلي اصير احلى ….الخ
يعني اي شي تحبين تغيرينه بشكلج قولي لو اسويه اصير احلى عشان تقنعين عقلج الباطن بهالشي وتصير لج عزيمه انج تغيرين من شكلج
ثاني شي حبيبتي الغاليه يبيلج تسوين رجيم لانج متينه اشوي يعني اتوقع من10-18 كيلوات كافي
اذا تحبين عندج قسم الرجيم اختاري اي رجيم يعجبج ويناسبج او انج تروحين لاخصائي تغذيه
اما القصر مثل ما قالوا البنات الحلوين الله يسلم الكعب عاد الكعب بالسوق من 5-15 سم
ومحد متعذب غيري انا لووووول الا ادور ادوارة كعب بو 3سم وماالقى الا بطلعت الروح
وعلى فكرة طول الكويتيات بشكل عام من 150-165 هذي الاغلبيه نادر تلقين اطول من جذي
والله يوفقج