|
|
خواتى الله لا يوريكم أى شر أو مكروب
أنا حامل بآخر السادس و بدخل السابع بعد 6 أيام . اللى صار معاي و لأول مرة بحياتى و بهدا الحمل أنى أصبت بضعدم انتظام ضربات القلب و سرعته الضربات غير منتظمة و أحيانا أحس ضربة قوية غير طبيعية تجينى و تروح المهم بديت أبكى كل يوم و خايفة من الموت و أنا معلقة بالشهر السادس .
رحت مستشفى طيبة عند استشارى أمراض القلب و سوى لى تخطيط و لقى عدم انتظام الضربات للقلب و بعدين عطانى دواء لتنظيم ضربات القلب ، بس أنا لما قريت أعراضه الجانبية لقيت أنه مؤثر على حياة الجنين و هو فى الرحم و كذلك مؤثر على حياته بتدهور قلبه و رئته بعد الولادة . هذه الأسباب خلتنى ما أخد الدواء بالمرة و كلما رايحة لمستشفى الطوارى بالليل مستشفى العدان و طبيب الحوامل يقولى لا تاخدى هذا الدوا و طبيب الباطنية يقولى كيفج اخديه أوة ما تاخديه لكن ما شفنا أعراض واضحة اللى تسبب عدم انتظام ضربات القلب كل التحاليل سليمة و كلهم ما يبون يتحملون مسؤولية و أنا خايفة و الوسواس دابحنى و حالتى تزداد سوءا ثم تخف و الله ما اتمناها لأحد . كنت سليمة و صحتى قوية و امشى و العب رياضة لمن اصبت بهذا الكابوس اللى خلانى ما أنام لأنى خايفة يوقف قلبى و أموت أو يمكن أموت و أنا بالولادة
الله يجزاكم خير خواتى ساعدونى منو مرت بهذي المشكلة و هى حامل و هل خدت أدوية لتنظيم ضربات القلب و كيف حالة المولود بعد الولادة هل تأثر .
خواتى ارجوكم تدعون لى بالسلامة و ان الله يرفع عنى هذا البلاء ارجوكم دعواتكم لى يمكن تشفينى بإذن اله .
مامريت بهالتجربه بس الله يسهل عليييج وماتشوووفين شر ولا تحاتيييين حبيبتي واااايد
ويرفع عنج وإنشاااءالله مافيج إلا العافيه
وأمورج كلها إنشاااءالله تصير تمام
بس إنتي إدعي الله وتوكلي عليه
والله يقومج بالسلامه ياقلبي وتفرحين بالنونو وإنتي وإياه سالمين إنشااءالله ومعافين
وماتشوفين شر حبيبتي
نصيحه روحي حق دكتور ثاني وسالي لاتخلين
ماتشوفين شر ان شاءالله
حبيبتي اكثري من الدعاء والاستغفار واقري قرآن يبعد عنج الوسواس ويريح قلبج
واللي الله كاتبه بيصير بس اللي قاعده تسوينه في نفسج وتحاتين وتوسوسين مو زين لج ولا للبيبي
اهم شي راحتج النفسيه
حاولي تراجعين خاص وشوفي شنو رايهم وان شاء الله ربي يطمن قلبج ويشافيج
كثري من الاستغفار و الذكر و هذا احسن دوا و اقري على نفسج الرقية الشرعية
بالنسبة لمستشفى طيبة هذا افشل مستشفى مر علي بحياتي لا تاخذين منهم معلومة نصيحة مني
خلي وقتج كله استغفار وادعية وبصلاتج ادعي
وربج يسهل عليج لاتخلين ابليس يلعب براسج
بس مادري ليش ماعطيت اهمية للموضوع
كنت مرات احس ان قلبي يدق حيل و مرات طبيعي ووقت النوم اسمع دقات قلبي
سالت وحدة اعرفها صيدلانية و قالتلي مرات الحوامل يصير فيهم جذي و هذا شي طبيعي
ماعورت راسي و نسيت الموضوع و الحين الحمد لله انا بالتاسع وراحت اعراض قبل
الله يهون عليج يارب
بس اذا انتي قارية عن الاعراض الجانبية انها تضر الجنين و الله ما يسوى تاخذينه
و توكلي على رب العالمين ماكو إلا العافيه
مثل ما قالت شمعة حياته مع الحمل الحامل تتزايد دقات قلبها كلنا مرينا بهالمرحله
خلي عنج الوسواس و السترس
و عيشي حياتج و لا يتلج الرقعه شربي ماي وايد و غيري أنتي قاعده روحي
نظفي كبتج رتبي شقتج جابلي المنتدى لا تركزين على الموضوع ايجنور إت
وماعليج إلا العافيه
خواتى أنا أحاتى حياتى و حياة عيالى الصغرا مالهم أحد يهتم فيهم و أنا الحين جانى هذا الكابوس اللى نزل علي و قلب حياتى فوق تحت لا نوةم قاعدة نام و لا أكل قمت أكله و كله خايفة أنى أموت من هدى الصربات و اذا ما عالجتها الحين شلون بتصير للأسوء و اذا عالجتها راحت تأثر علي و على الياهل و الله كله أبكى لما اكون وحدى و ادعو الله دعاء و مناجاة بصوت عالى و أبكى و أقول يار بى خلينى حق عيالىا و شافينى من هذا البلاء و هذه الضربات و أقول ياربى مسنى الضر و انت أرحم الراحمين . خايفة على حياتى و خايفة على حياة البيبى أنه يصير فيه شي و أكون نا السبب
فى واحدة شفتها اليوم عند الدكتور أشرف مرسي بالهادي اللى هو قالى هدا دوا القلب ماله تأثير بس الحين خدى فيتامينات .
المراجعة اللى كانت معاي قلت لها قصتى و قالت لى أنا كنت ارجع بمستشفى طيبة و بالشهر الثامن عانيت من خنقة و ضيق التنفس و عطونى دوا و قالوا لى أنه ما يؤثر على البيبى عادى أخديه و تقول أخدته و حسيت براحة لكن لما ولدت الدوا آثر على بنتى و الحين هى فى العمر سنة ونصف بمستشفى الصباح للأطفال فى سكتة دماغية و لا تنطق و لا تتكلم و فى حالة غيبوبة بسبب الدوا اللى عطونى اياه مستشفى طيبة عشان أعالج الكحة و ضيق التنفس .
انا سمعت منها هدا الحجى و زادنى الخوف و قلت مانى مقربة لهدا الدوا لكن يا خواتى حالتى قامت تزيد سوءا و قلبى ضرباته مرة ترتفع و مرة تنزل يعنى غير منتظم و مانى عارفة شن آخرتها و شلون بكلم 3 شهور اللى جاية الله يخليكم وقفوا معاي و لو بالدعاء و الله يجزاكم ألف خير
ويقولج ان بالشهر الخامس تحس الأم بهذي العوارض الجسمانية
العـوارض الجسمانيـــــة
حركة الجنين.
ألم في أسفل البطن بسبب التمدد.
إمساك.
حرقة في المعدة وعسر في الهضم وانتفاخ وغازات .
دوار وصداع أحيانا .
احتقان في الأنف وانسداد في الأذن.
شهية مفتوحة للأكل.
شد في عضلات الأرجل.
انتفاخ معتدل في الأيدي والقدمين و الوجه.
ألم في الظهر.
زيادة في نبضات القلب.
انصباغ (تغير لون أو بقع) في جلد البطن والوجه.
يمكن انتي طولت معاج السالفة وصار زيادة في نبضات القلب ترى عادي
انا مرات نفسي يضيق واحس قلبي يدق بسرعة ويروح
اهم شي كل يوم عودي نفسج أذكار الصباح والمساء لا تهملينهم نصيحة واقري البقرة دايم تهدي نفسج
لأن مافي علاج للقلب غير القراءه والروحانية الي تحسينها بالصلاة بخشوع والتقرب من الله
اما على دكاترة هالايااام ماهم أحد وأظن الي نشوفه بالجرايد عن مصايب الدكاتره واضح
ماعندهم غير التخرع
الله قادر على كل شي سبحانه ويستحي يرد عبده إطلبيه صدقيني وبتشوفين بنفسج
والله يشفيج
عسى الله يشافيج وعافيج
سمعيني حبيبتي انا حامل الحين ولله الحمد ياتني هالرقعه اول الايام من الحمل وبعدين خفت وكنت مثلج خايفه بس انا اقولج كنت ما اخلي الدعاء والصلاة والرقيه الشرعيه على طول احط ايدي على بطني واقرى القرءان المعوذات والكرسي
وغير جذي قلت سالفتي حق دكتورتي جان تقولي هذا ولا شي راح تحسين فها اكثر بالخامس وطالع وانشالله ماكو الا العافيه وكلام اختنا مزيونه صح ميه بالميه وعسى الله يسلمها على هالحجي
وانا حزتها قمت الهي روحي اروح اطبخ ولا ازور رفيجاتي ولا اطلع وعلى طول ادعي وطلب ربي يمسح على قلبي ويريحني
ولاتحاتين وانشالله ماكو الا العافيه هذا شي طبيعي
بس ديربالج على اكلج على اعصابج ترى المحاتات اهي بروحها تأزم الواحد وروحي وطلعي وستانسي وانسي الموضوع وهذا كل شي بيد الله وخلي ايمانج بالله قوي والله مايسوي الا الزين
وعسى الله يمسح على قلبج وشافيج