ساعدونى حولونى للصباح لعمل اطفال الانابيب

مسالخير حبيباتى شحالكم جميع
انا حولنى مستشفى العدان لمستشفى الصباح عشان نسوي انا وزوجي اطفال انابيب
تكفون في احد سوا هناك ياليت تفيدونى وهل الاجراءات تطول ومن احسن دكتور هناك
الله يرزقها الجنه اللى تفيدنى والله احس انى ضايعه

حبيبتي عاادي لاتحاتين
والاجراءات شووي تطوول..
وهناك فيه الدكتور حازم الرميج والدكتوره رائده الفضلي اهم يسووون طفل الانبوب
واثنينهم نفس المستوي
وبالتووووفيق ياااارب

ما عندي فكره
بس حبيت اقولج
ان شاء الله يرزقج بالذريه الصالحه

بس على فكره ترا ماراح تسووين طفل الانبوب على طول
لان هنااك مواااااااااعيد طوويله
بس راح يسوويون لج تحاليل انتي وزووج
ويسوون معاكم مقابله
وبعدين يحدوون خطة العلاج

هلا حبيبتي والله مابي احبطج بس ترى موااعيـــــدهم بعيــــده حيل

يعني يمكن مايوصل دورج حق العمليه الا عقب سنتين و اذا مو اكثر بعد..

وعندهم دكتور حازم الرميح يمدحونه و عنده عياده خاصه بمركز الشعب التخصصي

الله يرزقج الذريه عاجل غير اجل يااارب

حبيبتي عندج الدكتوره رائده ممتازه ونفسيتها حلوه ومثل ما قالوا خواتي انه مواعيدهم تطول لان عليهم ضغط بس نصيحه مني استمري معاهم ولا تهدين لان شغلهم وايد زين ووايد حريم احملوا ماشاء الله وربي يسر امرج آمين

الله يرزقج يارب ويرزق كل محرومه

جربي دشي على قسم تاخر الانجاب في تجمع للي بيسوون طفل انابيب بالصباح واللي يراجعون هناك ممكن تستفيدين من تجاربهم اكثر