سااعدوني . بنتي ذبحتها الكحه

السلام عليكم
شلونكم حبوبات

الله يتمم عليكم ويقومكم بالسلامه
بس حبيت تساعدوني بنتي باجيلها 10 ايام وتكمل 3 اشهر وحايشتها كحه قويه مع بلغم " عزكم الله "
رحت الطبيب كتبلي الدواء اللي بقرشه جنها قرشة ماي غريب اهو دوا حق البلغم بس ما فاد معاها وانا امس واليوم حطيتلها نص تحميله مالت البلغم" عزكم الله " بس للحين حالتها نفس ما اهيا …
وقاعده اعطيها بابونج بس ما كو فايده
الله يرزقها ان شاء الله اللي تقولي دواء زين
والله كاسره خاطري مو قادره حتى تشرب الحليب من الكحه
اللي تعرف دواء لا تبخل علي
ومشكورين حبايبي

حبيبتي شوفي… بنتج فديتها وايد صغيره… روحي سوق الادويه الشعبيه وخذي لبان عربي مادري تعرفينه ولا لا؟؟ المهم هوه يكثر في عمان.. وخذي بعد كركم نثاه يسمونه… ترا على فكره هناك نوعين عند العطارين.. كركمه نثاة وذكر…. المهم حطي كم حبة لبان عربي في دبة ماي وطحني ملعقة صغيره مالة الشاي كركمة نثاه… وخليه يتودّن فتره لا تقل عن الساعتين… وشربيها منه… كل شوي… ماشاء الله هذا ادواء معرووووف جدا جدا في الامارات…. محّد ما يستخدمه… انا عطيت كل بناتي وكل اهلي يذكروني فيه لما يشوفون حالة بناتي… والله الشافي يالغاليه

مشكووره حبيبتي
انا سويت اللي قلنلي عنه بس للحين الكحه ما خفت وان شاء الله تخف

وان شاءاالله اعطيها اليوم بعد وتخف عنها

انا اذكر امي لما كنا صغار مجرد ما تحوشنا كحه تشربنا زيت زيتون وااااااااايد زيين ,., وادهن صدرنا بكريم فكس .. الله يشفيها انشالله ..

والله حبيبتي ما عندي فكره بس .. انا اشوف انج ما تعطينها شي من دون موافقه الدكتور احسن لج واحسن لها

والله يشفيها ان شاء الله وترتاح من الكحه اذا نحن يا الكبار ما نستحمل

الفيكس يمكن يهيّج صدرها… حرام… بس واصلي في هالدوا… وبتشوفين كيف اللبان والكركم يذوّب البلغم ويخوز الكحه تدريجيا… بس على فكره مره بنتي يتها كحه كم يوم… فكان علاجها بهالدوا… وببخار عن الدكتور.. 3 مرات في اليوم

انا بنتي لما تصير فيها كحه احط لها
بالرضعه شوي زيت زيتون
وانقع شوي علك مر بماي واعطيها شوي منه
واعطيها ينسون
وإن شاء الله يشافي لك بنتك وادعي ربي يعافي لي بنتي

بنات زيت الزيتون
ماينشرب حااااااااااااااااااااار او مع ماي حااار
زيت الزيتووووووووووون مفيد مثل ماهوو ما ينحر ولا ينحط مع ماي حااااار
ديربااااااالكم انا مابي اخوف احد بس ينقلب مفعوله لشي يضرر واسئلوو الدكاتره

حبيبتي ودي بنتج لدكتووور شاااطر
لااااااااا تخلينهاااااااااااااااا
اخذى ادويتج ورووحي لدكتووووووووور شاطر هذى نصيحتى لج

اخذي بصله وفوحيها لين تستوي حطي مايها بالرضعه وزيدي عليه قفشه عسل اطفال من العويد ولا المرشد ورضعيها وان شاالله تصير زينه0

الله يخفف عليها و يهون عليها يا رب و ترتاحين … شوفي دكتور احسن
انا اعرف وحده اسمها ام محمد بالشاميه ساكنه يمكن تعرف حق بنتج

عطيها ورق الجوافه من العطار

انا توني من اول استخدام شفت الفرق وراحت الغمته بسبت البلغم عزكم الله

ورق الجوافة

البمبر

بس حليهم مع سكر نبات

أو الحلبة الورق من الشبرة

ممتازه

أحسن من الحلبه الحب اللي بالجمعية

وأن شاء الله

ما عليه

الا العافيييييييييييييييية

ياعمري سلامتها والله يكون بعونج حبيبتي انا ولدي باقيله 10 ايام ويصيرين شهرين وهم نفس حالت بنتج بس اهوا بعد عمري نوموه بالمستشفى الله يشافيهم يارب والله ضايق خلقي وبس ابجي الف الحمدلله على كل حاال والله يشافيهم لانهم صج ضغار ويكسرون الخاطر بعد قلبي
الكحه دايره على الكل هذا فايرس اعوذ بالله منتشر بالجو بصورة غريبه وموراحم احد لاكبير ولاصغير اغلب الناس مراضه الله يشافي الكل
وحده بيده الشفى ..

الله يشافيها لج يارب