|
|
السلام عليكم اخواتي وحبيباتي بالمنتدى الغالي
حبيباتي اي وحده تشتغل بالشئون ممكن سؤاااااااااااااال انا ابي اقدم لمساعده الشئون للمطلقات
بس بغيت اعرف اقدر اطلع الشهادات اللي يبونها كلها من مكان واحد جني سمعت من برج التحرير
بدل من ما افتر على كل وزاره بروحها وبالنسبه لاثبات السكن هل تكفي البطاقه المدنيه وله لازم اروح
المختار واييب شهاده منه باثبات سكن وسؤال اخيررر انا ساكنه بفحيحيل تقريبا بالشقق اللي بسوق
الفحيحيل وين يكون الشؤن تبع هالمنطقه ولكم مني دعاء من القلب لك وحده ترد على وتفيدني
والله يعطيكم ااااااااااااالف عافيه
عن الموضوع ترد علي بليززززززززززززززز بنات وينكم معقوله مافي موضفات بالشئون بمنتدانا
اني مو موظفه بالشؤون والا جان خدمتج بماي عيوني والله
يم الجمعية الرئيسيه واستفسري منهم أكثـــر …. ودي افيدج بس ماأعرف
(بناتي حبيباتي) تسلمين يالغاليه وتسلم عيونج وما تقصرين فديتج
(الكادي) الله يجزاج الف خير
بس المشكله اني مو عارفه وين تصير الوحده تبع منطقتنا بس ادل الجمعيه الرئيسيه
باروح هناك بادوره عموما ما قصرتوا ويعطيكم ربي ااااااااالف عافيه
انت مطلقه عندج اعيال او بدون اعيال
عندج نفقة لهم اذا فية
في وحدة لشئون بمنطقة الفحيحل
الاوراق وايد
اذا تبين بالتفصيل
كلميني ع الخااااص
وبسبب الظروف الصعبه ما دخلت المنتدى من فتره طويله عموما
ولكل من ردت على لها ااااااااااالف شكررررررررر وما قصرتو ا والله يجزاكم كل خيرررررررررر
انا الحمدلله خلصت من اجراات الشؤن وقدمت اوراقي وناطره الفرج والله كريم دعواتكم
وللعلم ما اطلبو علي اثبات سكن قالولي كفايه العنوان اللي بتعطينا اياه لما تفتحين الملف لان الباحثه راح
اتييج عليه وتتاكد من السكن وكل اوراقي طلعتها من برج التحرير الا ورقه وحده من مؤسسه الهيكله للقوى
العامله بالضجيج وهاي كل شي حبيت احط تجربتي للافاده