سؤال للي ولدوا بالجناح الملكي بدار الشفا

شلونكم بنات
بغيت اسألكم عن خدمة الغرف للجناح الملكي, يعني يصير الشاي والقهوة منهم , لان الصراحه ابيهم دايما زاهبين والقهوة دايما حارة وخبري مافي جولة بالغرفة حتى نحرر القهوة , فياريت تفيدونا بتجاربكم

اتوقع يصير .. لما اختي ولدت كنا مودين مطاطيرنا و شغلنا و خذينا البورتر منهم و اهي تسوي الشاي تطلع بره و تروح تسوي الشاي و تيي .. و مطارتنا مالت القهوة ما تبرد .. دقي عليهم و تأكدي احسن ..

ايه وسؤال اضيفه لسؤالج !! اسمحي لي اختي الحبيبة

ان شاءالله ولادتي راح تكون بدار الشفا ،، عرفنا عن القهوة والشاي بس سؤالي ..

اذا ابي احج يسويلي شعري ،، سشوار ،، في عندهم هالخدمة ؟
ولا شلون ؟

انا حاجزة ملكى عشان التنظيفات مو ولادة وانا ادفع ماقالولى عن هالخدمة
بس باجر أتأكد واقولج اذا جذى زين يفكونة من القهوة والجاى

درقاء بروحهم الصالونات يفترون عليج و يسألونج تبين سشوار و الا مكياج و الا شيرة هههه
و كلش كلش تعاملي مع احد اييلج من صالون يسشورون لج شعرج

والله حبيبتي انا ولت بنتي سنه 2024 شهر 5 وكان المستشفى ماصارله 5 شهةر فاتح نظييييف ويديد وسعره ببلاش انا ولدت قيصرية عند دكتور عصام كمال وغرفه 701 هذي احسن غرفة ما دري ليش احسها اشرح وحدة طلعت علي الولاده 1050 بلااااااش بس كل هلالشياء ماقالولي عنها لاشاي ولاقهوة ولاشي ؟؟؟
انا الحين على وشك ولادة بدش العاشر بس مستحيل اولد بالشفا رحت السلام يا حبيبتي من الضغط الي عندهم يمكن تنامين بغرفة الولادة يوم مثل اختي قعدت بغرفة الولاده 23 ساعه ماكو ولا غرفه وقل الهتمام من الزحمهولا قبل دلعوني كل السسترات حوااالي الحين بالتفق تحصلينهم

امبيه خوفتوني لاني ناويه اولد اهناك والصراحه ابي اهتمام ورعايه ولا الوحده ليش تولد بخاص ..