سؤال للى ولدت قبل مو البجريه ؟؟؟

ابي اعرف الاحسن ان الوحده تكمل التاسع كله بالحمل والا عادى اذا ولدت بأوله او اخره لانى سمعت بنات يقولون احسن تخلص التاسع يعنى تدخل العاشر ونصهم يقولون العكس ؟؟؟ انا بجريه وابي من خبرتكم

بانتظار ردكم الطيب

حبيبتي الاحسن متى ما الله اراد

اذا يبتيه بالاول ولا بالاخير اهم شي يكون صحته زينه وزنه طبيعي

مو شرط اهم شي وزن البيبي وصحته انا ولدت بنتي البجر بنص الثامن ولان وزنها كان زين دخلت الشيشه جم يوم واطلعت

عادي انا ولدت بنتي الاخيره باول يوم بالتاسع والحمدلله لاشيشه ولاشي كان وزنها كيلوين و800 غرام بس يعطونج ابره للرئه قبل الولاده عشات تكتمل رئتها مع ان الدكتور يقول اهي مكتمله بس زيادة الخير خيرين عادي هالابره تنفع ماتضر ابره مره وحده
انا اززهق اول يوم اولد وبولدي قبل بنتي ولدت باول اسبوع موشرط تولدين بعد ماتخلصين التاسع انا اتعب حيل وينفتح عندي الرحم باول التاسع واجي لهم 4 سانتي يعني ولاده والحمدلله يارب والله يسهل عليج

عادي اول التاسع

شوفي حبيبتي ام ريلي الله يذكرها بالخير
كنت كل ما احن اقولها وااااااي بس ابي اولد
تقوليي
لاتقولين جذي
كل يوم الياهل يعيش فيه في بطن امه في فايدة كبيرة
وبطن امه اوسعله من هالعالم كله
وماتدرين شكثر الفايدة اللي ياخذها وهو فبطنج

ورب العالمين ماحط 9 شهور الا فيهم فايدة
وانا ولدت اول يوم بالعاشر بس تعبت حيييييييييل
والحمدلله على كل حال صج تعب بس البيبي استفاد

ونعم بالله كلنا ندرى ان ارادة الله فوق كل شي بس سؤالي علمي لاهل الخبره بعد ما سمعت وايد من الحريم ان البجر تدخل العاشر فخفت انى اولد قبل لانى كثيرة الحركه وسلامتك

الحمدلله يعنى الثامن ما فيه خطر مشكوره على التوضيح اما بالنسبه للوزن انا من دخلت الثامن ما صرت اشتهى الاكل بالمره حتى حركة البيبي قلة مو مثل قبل ما ادرى ليش ؟؟؟

الله يطمنج بالخير كأني فهمت من كلامك احسن لما يكمل التاسع عشان الوزن والرئه واذا ولدت مبكر هم عادى مافيه مشكله الله يعافيج

الله يفرج قلبك بعيالج ان شالله وعوضج خير مشكوره على التوضيح

انا توني داشة تاسع وابي اولد شسوي بس غير تمر والدارسين شنو تنصحوني؟؟

مافي وقت احسن من وقت

كل ياهل وايي بوقته

مشاءالله هالايام البنات صايرين دكااتره ويحددون بعد شنو اتسوين ومتى تولديين

مالج شغل فيهم

صح كلام عالم حواء ربج متى ما اراد اهو الافضل وبي يسهل عليج انشالله

هلا بوية الجنين لما يكمل الاسبوع 36 ويدخل 37 خلاص وقتها اي وقت ينولد عادي وطبيعي وطفل كامل مافيه الا العافيه انشاءالله انا ببجري ولدت تقريبا اول يوم في الاسبوع 37 وكان ماشاءالله وزنه 3 ونص تقريبا يعني هي سالفه تساهيل

انا مو عارفه انا اي اسبوع من الحمل الحين دخلت الثامن 20-9 ممكن تقولين لي باي اسبوع انا ؟؟؟!!