|
|
واسعد الله صباحكم بكل خير
بنات ولدي اسم الله عليه عمره شهرين
اشوفه وهو نايم يمد بوزه كأنه زعلان ويبي يبكي ومرات اشوفه يبتسم
بس اللي خرعني قبل شوي نايم فديته وفجأه صاح كأنه متخرع وقعد يبكي الين ضميته وسميت عليه
صراحه خفت عليه
هل هالشي طبيعي ولا لا
تكفون طمنوني تكفووون
تراه وحيدي وعقب سنين حرمان الله رزقني اياه عسى الله مايحرمني منه ويخليلكم عيالكم ويرزق كل محرومه يارب
قبل لاينام انتي ضحكتيه وايد علشان جذي يتحلم اذكر جدتي تقول الطفل من المغرب موزين تضحكينه وايد علشان مايحلم
واتمنى اني فدتج
امي تقول دايم ينام يعني مافيه شي بس اذا يبجي وما سكت يعني فيه شيء
وانا اتوقع انه شي عادي بس انتي سمي وقري عليه
الله يخليه لج ان شالله
وان طول بالبجى امسحى على بطنه وراسه واقري المعوذات وسمى عليه واعوذ بالله وقدرته من شر ما أجد واحاذر سبع مرات وبسم الله اللذى لايضر مع اسمه شىء فى الارض ولا فى السماء وهو السميع العليم..والله ثم والله هالطريقه *** بسرعه تريح الجاهل حتى عيالي الكبار اذا عورهم شىء ويبجون منه يقولون ماما اقري على..والحمدلله يرتاحون.. ومافيه الا العافيه انشالله
بس اذا بجى واااااااااايد وما سكت يعني تعبان من شي الله لا يقوله
والله نفس عيالي
بس المضحك ان جدتي تقول ان اذا ابتسم الملائكه تقوله امك قريبه امك موجوده
واذا كشر تقوله الملائكه امك راحت امك بعيده
بس اذا فجائه بكى هذا معناته انه متخرع او مضحكينه واجد
اللله يخليه لك بارب ويحفظه وتقر عينك فيه وتشوفينه معرس وتشوفين عياله معاريس بعد
|
المشاركة الأصلية كتبت بواسطة سفيره الهم
 جحبيبتي البجي فجأه وهو عمره شهرين غازات وسالفة الضحك ومدة البوز عادي بهالعمر تشوفين العجايب وهم نايمين
|
بالضبط كل الياهال بهالعمر جذي