سؤال لكل وحدة كتبت مشكلتها بهالقسم

السلام عليكم بنات
شلونكم ؟

عندي سؤال لكل وحدة كتبت مشكلتها بهالقسم
طبعا اغلب المواضيع بهالقسم عن المشاكل الزوجية واغلبية الردود اما حلول او ادعية لصاحبة الموضوع

سؤالي ….
شنو استفدتي لما كتبتي مشكلتج ؟
لقيتي حل وطبقتيه ؟
خففت ردود البنات على قلبج ؟
تغير حالج ؟

ومشكورين والله يعطيكم العافية

؛
؛

و الله ساعات القى النصايح الحلوه و ساعات القى هجوووم و هواش

؛
؛

صح في حريم ماشاءلله عليهم يطيبون الخاطر بكلامهم وصبرون الاحده ولاتنسين حلوو الانسان يذكر الواحد بالادعيه والقران
بس في حريم اللهم ياكافي يخربون الموضون وسببون المشاكل

مشكوره على الموضوع وتقبلي مروري

بصرااااااحه انا واااااااايد استفدتمن شغلات وطبقتهم

بس اللي يغث الهواااااااااااااااااااش

انا ما كتبت مشكلتي لنه ماعندي الحمدالله

بس واايد استفدنـآا بأشيـآأ ^^

وانصدمنـآا من عدد المهاوشجيـآات بمواضيع المشـآاكل !

الحمد لله استفدت وفدت ان شاء الله

والله حبيبتي لي سنه عندي مشكله عويصه وودي اكتبها هنا لاني اشوف ماشاء الله في ناس عاقله وكبيره وتنصح من قلب —لكن مااقدر اكتبها — اه ياليتني اقدر–المهم وفيه ناس يقلبون السالفه هواش ومشاكل والظاهر صاحبة الموضوع فوقتها تتحطم وتتمنى انها مافكرت تكتبه

استفدتي من النصايح ؟
مرات الانسان لما تواجهه مشكلة مايقدر يحلها مع ان الحل ممكن يكون بسيط وجدام عيونه .. بس بسبب الضغط النفسي من المشكلة ما يقدر يحلها …
لقيتي حل لمشكلة واجهتج ؟

العفو حبيبتي ….

معاج حق … الكلمة الطيبة صدقه ….
واللي يميز منتدى كويتيات … ان الاغلبية يخافون الله باللي يكتبونه ….
وفي حريم ماشاء الله عقولهم توزن بلد …
تاخذين منهم الحكمة و تحبين تقرين مواضيعهم وردودهم
ومافي احلى من ذكر الله اذا الواحد واجهته مشكلة … والاحلى لما تلقين احد يدعي لج …
وادري ان البنات اللي يقرون المواضيع وما يردون اغلبهم يدعون بظهر الغيب لصاحبة الموضوع

بس ماقلتي لي …
كتبتي عن مشكلة ولقيتي حل بالمنتدى ؟

اي والله معاج حق …. الهواش هو اللي يخرب الموضوع …

ودي تقولين لنا عن الاشياء اللي استفدتي منها في المنتدى

بعض ردود البنات تهدي الوحدة وبعضها تفقع الكبد

في مثل مصري يقول
العيار اللي مايصبش يدوش

بما معناه ( ان الطلقه اذا ماصابت احد عالاقل بتطلع صوت ويسمعونه الناس )

يعني طرح المشكله عالاقل بيجنب بنات وايد من الوقوع فيها

والوحده اول ما تكتب المشكله وقبل اي شي
تحس براحه انها فظفظت مع ناس مايعرفونها ولا تعرفهم (يعني محايدين )
بعدين قد تلاقي رد او اكثر يفيدونها بحل مشكلتها
بتلاقي من يحاورها بدون اي اعتبارات شخصيه ويسألأها بكل موضوعيه ويوريها حجم مشكلتها ( وهذا يفيدها انها تعرف اذا غلطانه ولا لأ )
اما اللي تدش وتدعي (الدعاء للناس بظهر الغيب مستجاب ) وقد الله يكتب اللي فيه الخير لها ونكون سبب لها

واللي غير هذا كله ان قرب ناس وايد من بعض (انا كونت صداقات حميمه من هالقسم )

والله يوفق الكل

الله يحفظج من كل شر … وان شاء الله ماتواجهين اي مشكلة لا بدنيتج ولا بآخرتج يارب

شنو الشغلات اللي استفدتي منها ؟

يمكن لما صاحبت المشكله تكتب مشكلتها تخفف عنها
او تكون ماعندها احد تشكيله
يمكن ليش لاء

والله مره نستفيد وان شالله في احد مره استفاد ..

والوحده يمكن تكتب عشان تفضفض بس ومو شرط تلقى حل او حتى اطبق

والله يبعدنا عن المشاااكل ياارب

اي والله معاج حق
انا مثل حالتج …
بس يمكن بيوم من الايام اتشجع واكتب مشكلتي
وان شاء الله تنحل قبل ما اكتبها

وعسى ربي يفرج همج …. وييسر دربج .. ويفرح قلبج يارب

بس الحمدلله … الاغلبية تهدي الوحدة وترفع معنوياتها

اتفق معاج بكل كلمة قلتيها
اغلبيتنا استفدنا من المشاكل المعروضة بالقسم وردود الخوات اللي تطيب الخاطر
ودايما الانسان اذا صارت له مشكلة يشوفها كبيرة وايد …. بس بعد ما يكتبها وياخذ راي اللي حواليه يعرف حجم المشكلة ساعتها
ومرات الانسان يكون غلطان وموشايف غلطته فيحتاج اللي ينبهه …
مشكورة لردج …
وودي اعرف
واجهتج مشكلة وكتبتيها ولقيتي حل لها من خلال احد الردود ؟

واجهتني مشكله وحماقه بنفس الوقت ولما البنات كلهم اتفقو ان اللي يصير معاي بسبب الحمل صدقت وبديت اخذ الموضوع بجديه واحاول اتجاهل وعدت على خير

هذا الرابط اذا حابه تشوفين
https://www.q8yat.net/showthread.php?t=475451