|
|
السلام عليكم يا بنات
الله يعافيكم الي عندها اجابة عن اسئلتي ترد علي
انا نسبتي 88.95% كنت ابي تربية بس ما كنت ادري انه رفعوا نسب قبول فما شديت حيلي وقدر الله وما شاء فعل
الحين انا افكر ان ادش اداب انقلش فحبيت اسأل هو سهل ولا صعب وفي فرق بين اداب انقلش وتربية انقلش؟
وانا مو ممتحنة قدرات فراح يقبلوني بس مع تمهيدي ولا شلون ؟ واذا ما يقبلون شنو الحل ؟
وابي نصيحة المجرب اداب انقلش سهل ولا صعب ؟
انا عن نفسي اوكي بانقلش و الله يعافيكم ردوا علي لان طول 9 سنين وانا احلم ان اصير مدرسة انقلش بليز ابي مساعده
ومشكورين ما قصرتوا
نسبتج تدخلج التربية
الحد الادنى للقبول في التربية 86
وانتي ما شاء الله 88
اما القبول الفوري فالنسبة 90 للأدبي و80 للعلمي
واتوقع الانجلش بالتربية اسهل اما الاداب فحيل يتعمقون بالانجلش
وبالتوفييييييييييييييييييق
حطي ببالج ماكو شي سهل بدون دراسة .. الأداب يتعمقون بالانجليزي و مستواهم اقوى من التربية و احسن .. صلي استخارة و شوفي شنو تبين ..
اذا ما سجلتي مواد و بغيتي كلية الاداب فأنصحج تسجلين مهارات اتصال عند أشرف حافظ و جماليات أدب عند مرسل العجمي أو أسماء السرحان و مدخل إعلام و مادة علوم أرض و كون أو بيولوجيا إنسان .. أو تاريخ حضارة اسلامية (حدج 4 مواد )
* ( على فكرة جماليات الادب و مهارات الاتصال و تاريخ الحضارة مشتركة بين التربيةو الاداب )
اما اذا تبين تربية فسجلي ..
اصول تربية عند زهاء الصويلان .. مهارات اتصال و جماليات ادب و تاريخ حضارة ..
أتمنى أكون وضحت لج كل شي
اذا تبين اي شي دزي على الخاص
اختي اعتقد ان نسبتج تدخلج تربيه بإذن الله بس اذا تبين نصيحتي وتبين تصيرين مدرسه بعديييييييييييييييي عن الانجلش لان بالواقع العملي مكروفين فلاتفكرين بيس بسنوات الدراسه فكري فبعدين ترى العربي والانجليزي مظلومين بالتدريس….وبالنسبه للانجليزي يشترط القسم انج تاخذين بامتحان القدرات 70 فما فوق مايصير تاخذين تمهيدي وتدشين تخصص هذاك اول بس الحين ممنوع لازم قدرات
اتمنى اكون فدتج والله يوفقج