سؤال عن يوم الخطبه–من باب الدعابه و الضحك

السلام عليكم بنات شلونكم
بسألكم عن يوم الخطبه او الملجه شنو صارتلكم مواقف مضحه؟؟؟؟
انا ببدي
يوم الخطبه : احنا كنا نعرف بعض من زمان بس جدام اهلنا مانعرف بعض و كان قايللي اذا ييت بيتكم بخطبج راح ادلدغج((طبعا غشمرا مو صج)) و لمن يا يخطبني انا ويا ميتين من الضحك لان مو قادرين نمثل ان مانعرف بعض و ابوي و اخوي قاعدين معانا ما عطونا فجه اخر شي ابوي حس على دمه و قال حق اخوي خل نروح نصلي و عقب ما راحوا كل ما يبي يقوللي شي اذكران قالللي بدلدغج و اضحك و اهوا يضحك حدي كنت افشل احس اهله قالوا شهالرقله لوووووووول بس لا الصج مساكين على ويههم قالوا اي من المستحه مو عارفه شتسوي
يوم الملجه : المصوره الا تبيه يلزق فيني و يسوي حركات و احنا تونا يدد تقوله لمها شوي اخر شي قالتله بوسها جان يبوسني على خدي و مو راضي يوخر بسرعه جان تضحك المصوره جان تقوله ((انت ما سدأت يا سيد)) لوول

يالله ابي تفاعلاتكم اللي عندها موقف طريف بيوم من هالأيام تقول

اما انا من كثر خطابي كان عندي خبره فكنت عاديه ولا هامني كلش

ويوم الملجه مستحي وحالته حاله يخاف غترته تطيح

واحلى موقف انه لمن دخل يوم الملجه وقف تستمت مايدري شيسوي .. جان يدي يوله بوس راسها

ههههههههههههه وبالفيديو مبين و الحين يموت قهر اذا وريته اللقطه

سمعو سمعو هالموقف

اول مره يي خطيبي
وقعدنا مع بعض

اهو اشلونج
انا الحمدلله

اهو تبين تتزوجين
انا سمعة هالجمله
طقتني البوهه

الاخخ تدون شنو عباله
وحاط فباله اني

مغصوبه

ومن يومها وانا اطفره
اقوله مغصوبه

رفع

رفع

ذكرتيني بيوم قصت المهر كانت يدت زوجي تطقني حيل على صدري …. ليل حين ما ادري ليش ؟؟؟ الظاهر حسبالها لابسه ستيان بو اسفنج ..لوووووووووووووووول

وزوجي مسكين كان حده متوهق لمى طلعنه على اساس بنروح المطعم واهو توه مطلع اجازه ومضيع وحالته حاله وانه ما ادري شالسالفه واقول ياربي شفيه يحوووووووووووووووووس ؟؟؟

بيوم خطبيتي اول سؤال سالته قتله انت تطق ؟؟؟ قال نعم ليش اطق لالالا لا تخافين ما اطق مسكين ان صدم مني ليل حين يعايرني يقولي ليش سالتيني هالسوال ؟؟؟

انا للحين اعزوبيه =)

اقتباس:

المشاركة الأصلية كتبت بواسطة miss.d&g انا لمن يو حق الخطبة و مع الحوار إلي كان بيني و بينه .. قالي انا الحين ابيج انتي شلون شرايج ( يعني تبيني ) ؟؟ امبيه جان اقوله مادري عادي .. ( يعني خو اكيد ماراح اقولك اي ابيك فشلة ) !! واي كان ويهي حده منقص كان ودي اقوله خو انطر يوم يومين انرد لكم خبرمو الحين وااي فشلة ..

لووووووووووووووووول يا حلييله واايد مندفع