سؤال عن فاتح الشهيه

السلام عليكم خواتي شلونكم عساكم بخير ؟؟

الله يسلمكم انا ولدي عمره سنه و3 اشهر بس مشكلته ضعيف وماياكل والله لما ينسدح قفصه الصدري كله يبين بره

نوعت بالاكل وحاولت بس ماكوفايده

جربت المشهي جم يوم بس هديته لان سمعت انه يأثر عليه بالمراهقه يصير متين ويفتح شهيته

هل هالكلام صحيح ؟؟

وتنصحةني بالمشهي والا لا ؟؟

والله يااختي انا شريته لبنتي عمرها سنه ونص ومافادها خليج على الاشياء الطبيعيه
مثل العسل والحلبه والفواكه سمعت ان العسل زين على الريج انا احط لبنتي بالرضعه
شوي عسل وبمطارة الماي احط لها حلبه والله كريم

يزاج الله خير مشكوره عالرد

والله مافكرت بالحلبه انشا اللهصاجه بجرب

دايم يمدحون الحلبه تتفخ وتمتن الحلبه بس تحبس الماي بالجسم

والمشهي جربت ولا عشرين نوع كلهم خرطي مانفعوا

اذا جاااااااااااع اكل الي يسد جوعه تقولين توه قبل ساعه ماكل وجبه

والصدمه وزنه 17 وعمره ماشاء الله 6سنوات الله يخليه لي مايشتهي الاكل فلا تعبين عمرج مادام صغير عطيه منقوع التمر

الله يخليه لج في يهال هذي طبيعتهم لو شنو ياكلون

عيال اختي وعيال اخوي في بعضهم عطوهم مشهي طبعا مافاد معاهم لمن كانوا صغار بس بالمراهقه صاروا متااااااااااان بس الي ما اخذ العكس مامتن

وانا ولدي عمره 5 سنين هم نفس الشي من اول مايبته واهوه مايحب الأكل حاولت وايد اني اسويله الي يبيه بس مافي فايده

بس ماعطيته المشهي

يزاكم الله خير وماقصرتوا عالرد

الله يخلي عيالنا ويحببهم بالاكل شكله مو بس ولدي اللي كاره الالكل

الله يعيني ويعينكم

طول عمري اخاف من المشهيات

بنتي الكبيره 4ونص ماتحب الاكل وشهيتها نادرا تكون مفتوحه

وخواتها ماشالله تبارك الرحمن اكلهم زين ومرتاحه معاهم وحده تختوخه عمرها سنتين والي عمرها سنه عصله ونتفه بس الحمدلله تاكل

وديتها دكتور وقال كل طفل له قدره معينه على الاكل ولاتعطينها مشهيات وخرابيط وبالنسبه للنحف يمكن اهي قالبها جذي يعني بنيتها نسميها قالب فرنسي هههههههههههه

قال اهم شي عطيها حليب بدياشور مرتين باليوم لانه مفيد ومغذي ويكفيها ويعوضها عن الي ماتاكله

بس للاسف موحابته كلللللللللللللش ومارضت تشربه

يعطيج الف عافيه على معلومة بدياشور والله خوش فكره ياقلبي ماقصرتي واللهى يخليلج بناتج يارب

حبيبتي عمشة انا ماودي اخرعج بس سوي لودج تحليل دم احسن دام ماياكل لان ولدي جذي صار فيه ودلع نقص الحديد يكون الياهل ماله نفس و ماعنده شهيه

اللي اعرفه ان العسل مو زين حق اللي عمره اقل من سنة .. اهم شي تفتحين ريجه بماي دافي

صح بنت اختي جذي

حبيبتي….جربي الخروع مال الاكل….اخذي قفشه منه وخلطيه بالعصير…وعطيه على الريج…هذا ينظف الامعاء…اهو يحوشه اسهال طول اليوم… بس بتلاحظين بعد الاسبوع بياكل طبيعي…ها الحركه خذيتها من الوالده الله يطول بعمرها ويشفيها… الحمد الله عيالي اشهلاتهم وما اعاني من سالفه اكلوا او لا …الحمد الله…لازم الجسم يتنظف من السموم اول…تقبلي مروري

ملاحظه حليب البدياشور مايصير تعطينه الي اقل من سننننننننننننننننننننننه

لازم سنه وفوق

انا بنتي نفس الشي مالها علاقه بالاكل
وماتجوع نهاااااااائي معقدتني وماخليت اطباء تغذيه وغيره عالفااااااااضي
بس شنو حليب بدياشور؟؟؟؟؟؟