|
|
السلام عليكم بنات .gif "Eh S(8)")
اول شي انا سجلت بالمنتدى من فترة بس للحين ماتفعلت عضويتي لان الكود التفعيل مو قاعد يندز على الايميل ، بليز اللي تعرف شنو المشكلة وشلون تتفعل العضوية تقولي
اضطريت استخدم اكاونت وحدة اعرفها عشان اشارك
ثاني شي وهو الهدف من موضوعي ابي اعرف دكتور جلدية وايد زين وشاطر وتهمه مصلحة المريض قبل كل شي لان ابي اروحله اعالج ويههي من حب الشباب اللي صارلي سنين اعاني منه يعني تقريبا من ايام الثنوية وانا الحين بالجامعة ، انا كنت اعالج عند دكتورة بالحكومة بس للاسف مافادتني كلللش كانت تعطيني حبوب مضاد حيوي اختفت معاها الحبوب فترة وردت رجعتلي وسمعت منها عن علاج حبوب تتحكم بافراز الدهون وتنشف بس ماوصفتلي اياه لان قالتلي يسبب اكتئاب وخرعتني فيه ، على مااعتقد اهيا حبوب الروكتين لاني قريت مواضيع هني بالمنتدى عنه ، اهوا صج له سايد افكتس بس شنسوي لانه شكله اهوا العلاج الوحيد والنهائي حق هالمشكلة وانا تعبت نفسيا من الحبوب
، انا يطلعلي من النوع الكبار واللي تظل فترة طويلة ملتهبة وتعور وخصوصا فترة الدورة الشهرية، و رحت حق دكتورين خاص واثنينهم عطوني بس مضادات حيوية، وحدة دكتورة بمستشفى طيبة كلنك والثاني دكتور موسى سلامة ، الدكتورة خرعتني بالروكتين وتقول يسبب اكتئاب .gif "Eh S(2)")
ودكتور موسى مايابلي طاري عنه كلش، الصراحة انا جربت المضادات وكلش مانفعتني، فابي بليز اسم دكتور او دكتورة وايد زين ، لان سمعت انه حبوب الروكتين تنوخذ تحت اشراف طبيب وتحاليل شهرية يعني صج يبيله دكتور زين، لحد يقولي عيسى بشور لان كذا مرة دقيت عليهم ومااحصل مواعيد الا بعد جم شهر والعلاج بروحه ياخذ وقت، وانا مرة من المرات دقيت بشهر 2 وقالتلي الموظفة حصلتلج موعد بشهر 4 ولما قرب الموعد اتصلت عليهم عشان ااكد عليه قالتلي مافيه موعد بهاليوم ، عندج موعد اليوم اللي قبله ،يعني قاعدين يغيرون على كيفهم، مادري حسيت يتعمدون يسوون هالحركات عشان ينحشون الناس لان شكلها العيادة وايد ضغط على هالدكتور، وسعر الاستشارة الوحدة مع الدكتور غالي الصراحة
المهم ابي بليز دكتور ثاني اذا تعرفون وعن تجربة
واذا احد يعرف دكتور جلدية بالحكومة بمركز الزهراء التخصصي لا يبخل علينه .gif "Eh S(7)")
Up
Up
Up
والله انا ما انصحج بدكتور معين بس بالنسبه حق الروكتان من اعراضها الجانبيه الاكتآب بس موشرط يحوشج
الاعراض تختلف من شخص للثاني والدكاتره يخافون يكتبون الحبوب حق اي احد عشان مايتحملون المسؤوليه
لان اعراضها الجانبيه وايد بس انتي صري على العلاج وخليها تسويلج التحاليل اللازمه واذا جسمج يتحمل تكتبلج اياهم
بس شررررررررررط اذا متزوجه ماتفكرين بالحمل نهاااااااائى الا بعد ماتخلصين الكورس بشهرين وهما راح يوقعونج على تعهد
بعدم الحمل وبانج اذا تركتي العلاج من نفسج ماتطالبينهم باعادة الكورس لان العلاج مكلف
وسلامتج وماتشوفين شر ان شاء الله
جربي تروحين زيبا رفيق انا صراحه عالجت بشرتي عندها وايد تغيرت ولله الحمد وتقولج اذا تقدر تفيدج او لا بس ترا مواعيدهم مو ذاك الزود يعني حاولي انج تجيكين اكثر من مرة
انا بستخير واتوكل على الله واخذهم لان الصراحة مافي حل غيره
مشكورين على الردود (;
.gif "Eh S(15)")
انا فيني اكزيما وحساسية من يوم انا صغيرة وما انام الا المشط وياي وجسمي صار خشن يجيب المرض.gif "Eh S(16)")
بس والله من يوم رحتله وانا بخير حتى المشط ماقمت احك فية واختي الكبيرة فيه حبوب في البشرتها واللحين الحمدالله راحت ودكتور مؤادب ومحترم مشأالله علية
ترى الدكتور والله مايصيرلي وانا ما اسويلة دعايا
)))