سؤال عن تخصصات كلية التربية الاساسية

السلام عليكم بنات

آنا اختي آخر سنة في المقررات حابة تدخل تخصص رياض الاطفال

متى بالضبط تقدم أوراقها ووين تروح بالضبط العديلية أو الكلية ؟

وجم يبون معدل نقاط لهذا التخصص و غيره من التخصصات لو سمحتوا

هلا حبيبتي

موفقه ياارب

اقل نسبه للقبول في كل تخصصت كليه التربيه الاساسيه 75 %

فـ اذا جت تقدم خل تروح العديليه وتاخذ اوراق التسجيل ومعاها بطاقتها المدنيه

اما عن نسب قبول كل تخصص مادري

لان بس حاطين النسبه الدنيا لكل تخصص وهي 75 %

اليوم السبت وانا عندي اختبار بستفسر لج واردلج خبر

مشكورة أختي على تعاونج معانا

الله يوفقج بامتحانج ويسهله عليج يارب

وآنا في انتظارج

ما قصرت اختنه مطيريه ماركة

واذا تبين أي شي عن تخصص رياض الاطفال انا حااضره لانه تخصصي ولي 3 سنوات فيه

ونسبة القبول حبيبتي مادري بالضبط جم لانه نسبتي كانت عاليه وتدخلني كل التخصصات فما ركزت على النسبه وانا بعد كنت خريجه مقررات ..

وعلى التسجيل تروح العديليه تاخذ الظرف وفي كل المستندات المطلوبه وموفقين حبيبتي

للرفع

وينكم بنات كلية التربية الاساسية

بليييييييييييييييييييييييييييييييييييييييييييز ساعدوني

ولكم جزيل الشكر

حبيبتي اليوم بعد رحت سألتلج وقالوا لي نفس الكلام

ان اقل نسبه للقبول في جميع التخصصات 75 %

وهذا مو معناته اذا كانت اختج تبي رياض الاطفال وحاطتها رغبه اولى انها تنقبل بهالتخصص لا لأن كل قسم ياخذ النسب الأعلى ولها الأولويه

اما عن التسجيل راح يحطون لج اعلان تقديم الاوراق في الكليه بالجريده ان شاء الله وروحي قدمي بالعديليه

ومهم مهم مهم جدا ترتيب الرغبات اشكثر بنات ضاعوا من هالشغله

واي استفسار انا حاضره حياتي

ياقلبي الله يوفقج اولا,,,,

والقبول من 75%وطالع…

وعشان التخصصات اللي عليها طلب لازم 80% …

امنى اكون فدتج ….