سؤال عن الحبوب الفواره

السلام عليكم ..

السؤال باين من عنوانه.. منو استخدمت حبوب فواره ..؟؟
وشنو احسن نوع ؟؟
رفيجتي تقول انها كل يوم صبح تحط حبة فواره بقلاص ماي وتشربه
وان بشرتها صارت حلوه وفيها نظاره ..
اهي تاخذ الحبوب الفواره فيتامين سي c اللي بطعم البرتقال ..

انتي شرايكم تهقول كلامها صح والا تبالغ ؟؟
منو فيكم تستخدمها ونفع وياها ؟؟
ناطره ردودكم

كلمة لو جبر خاطر والا سلام من بعيد

بليز ردوا علي

هلا حبيبتي اي صاااجه رفيجتج انا جربتهم يمكن بس خمس او ست حبات خمس ايام ورى بعض وحسيت بشرتي تغيرت بسسس مااااااااا التزم بشي حتى لو شفت من فايده
اصلا معروف الفيتامينات خصوصا السي تعدل البشره وتعطيها نظاره وتفتيح
انا من ثاني يوم حسيت بشرتي احسن وان شاءالله ارد اكمل
والماركاات ترى عادي انتي بس روحي الصيدليه وقولي عطني فيتامين سي فوار
اللي خذيته انا فيتامين سي مع مضاد اكسده
ويله ادعيلي لووووووووووووووول

الله يوفقج ياعهوده وينولج اللي بالج ويرزقج من خيره >>شرايج بهالدعوه ههههه
جبرتي خاطري الله يجبر بخاطرج
ماقصرتي يالغلا بجربه ان شاء الله ..