سؤال ضروري بخصوص اللزقات اللي تنحط بعد تجميل الانف. ريحوني الله يخليكم

السلام عليكم ورحمة الله وبركاته

بناات قاعده افكر هالايام اروح شيراز اسوي خشمي عند الدكتور داريوش سرخاني..لان الكل هاب فيه والكل يمدحه

بس قاعده احاتي شغله مهمه اللي اهي اللزقات اللي تنحط بعد العمليه.انا اللي خابرته اللزقات تقعد بالكثير اسبوع والا اسبوعين.. اعررف وايد من رفيجاتي مسوين خشومهم بالكويت وماحطوا اللزقات اكثر من اسبوعين……….. بس لاحظت كل اللي سووه بايران يقولون انه دكاترتهم قالولهم لازم يخلون اللزقه شهرين متواصل والشهر الثالث بس حزة النوم😢والله قاعده افكر اكنسل الموضوع بكبره بسبب هالموضوع شلون شهرين كاملين اطلع واروح واييي باللزقات شي واايد صعبب. زين انا ادرس بالجامعه يعني حتا ما اقدر اخذ اجازه… 😔مافي حل يعني الا اوقف قيدي وبروحي داشه الجامعه علا كبر وعمري 30سنه مو ناقصني تاخير ياربي😔😔😢
ومعقوله 3شهوور ما اطلع ولا انعزم ولا اروح مناسبات???
المشكله رفيجتي توها مسويه خشمها بالكويت ماصار لها شهرر..وماشاء الله حتا اسبوع ماحطت اللزقات اول 12سوته بالكويت.واخر 12مسافره حق راس السنه ماشاء الله

ادري قرقت عليكم وايد بس فعلا هالموضوع ماكان بالحسبان عبالي نفس رفيجاتي بحط اللزقه اسبوع وخلاص بس يوم دشيت منتداكم انصدمت الصراحه 😣

وموفقه يارب

الدكتور قالي لازم اول شهر اللزقات تحطينهم شهر متواصل

ويفضل الشهر الثاني بعد

الصراحه اللزقات وايد ساعدتني خلتني ما اتحلطم واشوف خشمي لان اول شهر بتحسينه مو راكب على ويهج ويمكن تبجين ودشين بحاله نفسيه

تحسين نفس شي مركب على ويهج وثقييل

حتى بتلاحظين اذا نمتي على جنب تحسينه بميل معاج من جذي الدكاتره يوصون شهرين تنامين على ظهرج

والشهر الثاني هم جذي يكون وارم

اما من بعد الشهرين بتستانسين بتلاحظين خشمج بتخف منه الاورام حييل وتقدرين تقطين اللزقات

فانا اقولج اول شهر ضرووووووري لزقات وثاني شهر عادي بس الاحسن تحطينهم

وفي ناس تحطهم ثاني شهر مجرد تغطي الارنبه لانها وارمه

وترا داريوش سرخاني طريقته غير عن محسن روشني من بعد ما يشيلج الجبيره يحطلج حديده تقعد شهر وبعدين عادي

وموفقه وكلها شهرين صج بتتعبين بس راح تستانسين وتتغير نفسيتج

واللزقات لما تشيلينهم تحت الحنفيه خليهم ينقعون ماي عشان ينشالون بسرعه وما يعورون الخشم

وانتي بعد سألي دكتورج خل يساعدج ولا تحاتين شي ترا والله سهالات

اقتباس:

المشاركة الأصلية كتبت بواسطة dalo0o3a cute شوفي حبيبتي انا صارلي شهرين واسبوع مسويه العمليه الدكتور قالي لازم اول شهر اللزقات تحطينهم شهر متواصل ويفضل الشهر الثاني بعد الصراحه اللزقات وايد ساعدتني خلتني ما اتحلطم واشوف خشمي لان اول شهر بتحسينه مو راكب على ويهج ويمكن تبجين ودشين بحاله نفسيه تحسين نفس شي مركب على ويهج وثقييل حتى بتلاحظين اذا نمتي على جنب تحسينه بميل معاج من جذي الدكاتره يوصون شهرين تنامين على ظهرج والشهر الثاني هم جذي يكون وارم اما من بعد الشهرين بتستانسين بتلاحظين خشمج بتخف منه الاورام حييل وتقدرين تقطين اللزقات فانا اقولج اول شهر ضرووووووري لزقات وثاني شهر عادي بس الاحسن تحطينهم وفي ناس تحطهم ثاني شهر مجرد تغطي الارنبه لانها وارمه وترا داريوش سرخاني طريقته غير عن محسن روشني من بعد ما يشيلج الجبيره يحطلج حديده تقعد شهر وبعدين عادي وموفقه وكلها شهرين صج بتتعبين بس راح تستانسين وتتغير نفسيتج

مشكوره حبيبتي انزين انتي مسويتهها عن منو????
وماعندج فكره عن شغل سراخاني?زين والا لا????
وشنو سالفة الحديده اول مره اسمع فيها!يعني اهي مثل الجبيره يعني?وبعدين انا اللي اشيلها بنفسي والا تحتاج دكتوور???ويعني عند ساراخاني اللزقات الدائمه بس شهررر???

انا مسويتها عند محسن روشني ..خالي رفيجه قاله اهله مسوين عنده وشغله عجيب واللي شجعني موضوع زقرتيه وتوكلت على الله وتسهلت حيييل وسويت عنده للعلم خشمي كانت في بلاوي والحمدلله

وبالنسبه لداريوش سرخاني هم خالي لووووول هو كان يساعدني قالي ربعه مسوين عنده وشغله مرتب

بس ثلاثه من رفيجاتي مسوين عنده ومخلي خشومهم نفس اريزو اخت مه لقا النتفه المدلقم انا عن نفسي ما عجبني يمكن هم طالبين منه جذي

بس والله حبيبتي يذمونه ويسبونه لان وحده صار فيها انحراف الثانيه خشمها خربان

بس ترا كل دكتور يغلط انتي اهم شي تسوينه تدعين الله والاستخاره ضروووري الاستخاره لان كل دكاتره ايران خصوصا شيراز شطااار حيييل

وبالنسبه للجبيره عادي انتي تحطين الحديده هو راح يعلمج كل شي لا تحاتين

واي شي ثاني تبينه من عيوني :*

اقتباس:

المشاركة الأصلية كتبت بواسطة dalo0o3a cute انا مسويتها عند محسن روشني ..خالي رفيجه قاله اهله مسوين عنده وشغله عجيب واللي شجعني موضوع زقرتيه وتوكلت على الله وتسهلت حيييل وسويت عنده للعلم خشمي كانت في بلاوي والحمدلله وبالنسبه لداريوش سرخاني هم خالي لووووول هو كان يساعدني قالي ربعه مسوين عنده وشغله مرتب بس ثلاثه من رفيجاتي مسوين عنده ومخلي خشومهم نفس اريزو اخت مه لقا النتفه المدلقم انا عن نفسي ما عجبني يمكن هم طالبين منه جذي بس والله حبيبتي يذمونه ويسبونه لان وحده صار فيها انحراف الثانيه خشمها خربان بس ترا كل دكتور يغلط انتي اهم شي تسوينه تدعين الله والاستخاره ضروووري الاستخاره لان كل دكاتره ايران خصوصا شيراز شطااار حيييل وبالنسبه للجبيره عادي انتي تحطين الحديده هو راح يعلمج كل شي لا تحاتين واي شي ثاني تبينه من عيوني :*

فديييتج ماتقصرين ياقلبي. بصراحه.مادري احترت. انزين دكتورج انا اول مره اسمع فيه المشكله:// انزين انتي رحتيله مع اي سفريات??انا بسجل مع حملة االانوار اهي متفقه مع دكتور سرخاني

وانتي رايج ان باول شهر اشيل اللزقات وقت الدوام وارد البيت احطهم???خو دوامي ساعتين بس وارد البيت

اقتباس:

المشاركة الأصلية كتبت بواسطة دراما كوين فديييتج ماتقصرين ياقلبي. بصراحه.مادري احترت. انزين دكتورج انا اول مره اسمع فيه المشكله:// انزين انتي رحتيله مع اي سفريات??انا بسجل مع حملة االانوار اهي متفقه مع دكتور سرخاني وانتي رايج ان باول شهر اشيل اللزقات وقت الدوام وارد البيت احطهم???خو دوامي ساعتين بس وارد البيت

انا سافرت مع خالي واهناك هو يعرف مترجم ايراني وهو سوا لنا كل شي حجز لنا فندق حلو وحط لنا موعد مع الدكتور وظل معانا بيوم العمليه عشان يخلص اجراءات المستشفى

وبالنسبه للزقات حبيبتي منو الحين مو مسوي تجميل ههههه اذا عادي عندج داومي بلزقات واللي يسألج قولي سويت عمليه لحميات وانحراف هههه

اهم شي لما تشوفين الدكتور تقوليله عن هالشي يصير تبدلين لزقاتج كل يوم لان سمعت مو زين على الخشم

وان شاء الله سهالات

بس حبيبتي انتي شنو مشكلتج تجميل جذي ؟ ولا انحراف ؟؟ شنو بالضبط ؟؟

اقتباس:

المشاركة الأصلية كتبت بواسطة Dalo0o3a Cute انا سافرت مع خالي واهناك هو يعرف مترجم ايراني وهو سوا لنا كل شي حجز لنا فندق حلو وحط لنا موعد مع الدكتور وظل معانا بيوم العمليه عشان يخلص اجراءات المستشفى وبالنسبه للزقات حبيبتي منو الحين مو مسوي تجميل ههههه اذا عادي عندج داومي بلزقات واللي يسألج قولي سويت عمليه لحميات وانحراف هههه اهم شي لما تشوفين الدكتور تقوليله عن هالشي يصير تبدلين لزقاتج كل يوم لان سمعت مو زين على الخشم وان شاء الله سهالات بس حبيبتي انتي شنو مشكلتج تجميل جذي ؟ ولا انحراف ؟؟ شنو بالضبط ؟؟

دلوعه فديتج مشكووره وايد اكثر وحده عطتني ويه انتي

لا والله انا مشكلتي تجميل بس مافيني انحراف ولا شي
والله للحيني محتاره وايد افكر بجامعتي افكر اوقف قيدي وارتاح بالبيت. علشان لا يخترب خشمي بس مثل ما قتلج ما ودي اتاخر لاني اساسا ماما عودا مالت الجامعه

اليوم باذن الله بروح حق مكتب الحمله واشوف شيقولونلي

وانا مستغربه من رفيجتي سوت بالكويت ورحت لهاعقب اسبوع والا 10 ايام مو حاطه لا لزقات ولا بطيخ

اي صح بسالج انتي الزراق والانتفاخ شكثر تم معاج ??يعني اكثر من اسبوع?خوقلت عادي اداوم بلزقات بس لزقات وزراق جذي يصيرر ضيم لا وعلا قولتج ساراخاني. يحط. حدايد يعني كديت خير بداوم بحدايدي بعد

وبسالج جنه سمعت انه مايحط فتايل وقت العمليه? ?

اقتباس:

المشاركة الأصلية كتبت بواسطة دراما كوين دلوعه فديتج مشكووره وايد اكثر وحده عطتني ويه انتي لا والله انا مشكلتي تجميل بس مافيني انحراف ولا شي والله للحيني محتاره وايد افكر بجامعتي افكر اوقف قيدي وارتاح بالبيت. علشان لا يخترب خشمي بس مثل ما قتلج ما ودي اتاخر لاني اساسا ماما عودا مالت الجامعه اليوم باذن الله بروح حق مكتب الحمله واشوف شيقولونلي وانا مستغربه من رفيجتي سوت بالكويت ورحت لهاعقب اسبوع والا 10 ايام مو حاطه لا لزقات ولا بطيخ اي صح بسالج انتي الزراق والانتفاخ شكثر تم معاج ??يعني اكثر من اسبوع?خوقلت عادي اداوم بلزقات بس لزقات وزراق جذي يصيرر ضيم لا وعلا قولتج ساراخاني. يحط. حدايد يعني كديت خير بداوم بحدايدي بعد وبسالج جنه سمعت انه مايحط فتايل وقت العمليه? ?

ههههههههههههههه لا عادي حبيبتي اخذي راحتج
ههههههههههههه ضحكتيني ماما عوده ترا عادي اذا بتعوضين اخذي كورس صيفي اهم شي ترتاحين بعد العمليه

حبيبتي ولا تقارنين تجميل الكويت بايران … لان مابي اسب وترا كل دكتور واللي دارس عليه اصلا حتى الاجانب يوصون تحطين اللزقات شهر كامل الا العباقره اللي عندنا

يعني لا سمح الله توج مسويه خشمج ويكووون حييل حييل طري ويتج طقه شنو بيصير فيه ؟؟؟ اعوذ بالله انحراف او يخرب اما اللزقات تخفف الورم وتحميه وتلمه

فمالج شغل برفيجاتج اللي سووه اهني لان غيييير

والزراق ظل معاي اسبوعين لاني ما داومات على كمادات الثلج

لما رحت الدكتور عطاني نفس شي منتفخ لونه ازرق قالي احطه بثلاجه بعد العمليه استعمله ثلاث ايام على مكان الزراق وبعده هم ثلاث ايام استعمله بس اخليه دافي

بس انا من التعب سحبت على كلامه وطول معاي الورم

والانتفاخ ترا ما يروح الا شهرين مابي احبطج هذا اللي صار معاي ههههه بس ما يبين بس تحسين ملامحج غريبه

وداريوش امبلا يحط فتايل ويشيلهم لج بعد جم يوم من العمليه وانا قلتلج لما تشوفينه قوليله عندي داوم وماقدر احط هالحديده اما اذا قالج لازم بعد شتسوين تخربين عمليتج

وموفقه يااااارب

اقتباس:

المشاركة الأصلية كتبت بواسطة Dalo0o3a Cute متى راح تسافرين اذا على شهر 2 واو وناسه المترجم قال لنا شيراز شهر فبراير ثللللللج هههههههههههه

ابشرررج تغيرت الخطه
شكلي بسويها بطهران. لان رفيجتي اللي بتروح معاي وصاحبة الفكره من البدايه قالولها تكاليف عمليتها بشيراز االفين ونص وطهران الف بسسس. اول مره اشوف فرق الف ونص…. اهي بتسوي شفط وشد… اما انا الخشم بطهران 850وبشيراز. الف..مادري ليش طهران ارخص من شيراز
اليوم بروح الحمله اساب عن التفاصيل. اذا ماعجبني الدكتور شكلي بهون عن السفره كلها
اهو المفروض نروح اخر شهر 1…مااتعرفين دكاترة طهران زينين والا لا??

وبخصوص دكاتره الكويت فعلا ماعجبني شغلهممم كلش.حتى خشم رفيجتي اللي سوته بالكويت ماعجبني

اقتباس:

المشاركة الأصلية كتبت بواسطة دراما كوين ابشرررج تغيرت الخطه شكلي بسويها بطهران. لان رفيجتي اللي بتروح معاي وصاحبة الفكره من البدايه قالولها تكاليف عمليتها بشيراز االفين ونص وطهران الف بسسس. اول مره اشوف فرق الف ونص…. اهي بتسوي شفط وشد… اما انا الخشم بطهران 850وبشيراز. الف..مادري ليش طهران ارخص من شيراز اليوم بروح الحمله اساب عن التفاصيل. اذا ماعجبني الدكتور شكلي بهون عن السفره كلها اهو المفروض نروح اخر شهر 1…مااتعرفين دكاترة طهران زينين والا لا?? وبخصوص دكاتره الكويت فعلا ماعجبني شغلهممم كلش.حتى خشم رفيجتي اللي سوته بالكويت ماعجبني

ماحس اغلا على حسب الدكتور اللي تختارينه

مثلا عندج بطهران رجب شيرواني علييييه مدح وشغله بموقعه عجييب وكنت بسوي عنده بس طلع عمليته فوق 4000دولار هذا غير المترجم سأل لنا وين مكانه وقال مكان سياحي يعني الاقامه هناك غالييه

اما دكتوري رخيص عمليتي مع المستشفى كلفت 620دينار

وشوفي هالموضوعين واحد عن دكاتره ايران والثاني تجربه وحده

مواقع إلكترونيه لدكاترة التجميل في إيران …. للفائده فقط !

الجزء الثاني من صور : عيميه وخشمي عيمي…

والله يوفقج ياااارب ويسهلها عليكم