سؤال ذوي الاحتياجات الخاصه يدخل الجامعه ؟؟

لسلام عليكم

عندي سؤال … و استفسار

احد من اهلي ذوي احتياجات خاصه عمره 17 سنه و عنده صعوبه في النطق بس

الولد ذكي ماشاء الله و يايب معدل يدخله الجامعه بس عيبه صعوبه النطق

اهله ودوه كذا جامعه و كل ما يسجل ما يرضون يدخلونه !! للعلم اهم ما سجل بالمجلس الطبي لان الولد مايبي

بس شنو انواع الاعاقات المسموح فيها للجامعات ؟؟ و هل حالته تسمح يكمل تعليمه

هلا يالغالية ليش ماسجل بالمجلس علشان حقوقه
وبالنسبة للجامعة اعتقد يقبلون مادام معدله زين حتى لو يسووله لجنه خاصة استثنائية.

والله مادري امه ودها يروح المجلس الطبي بس تخاف تحسس الولد ان في شي لان بالبيت ييعاملونه ان اهو مو معاق و الحمدالله قدر ينجح بالمدرسه و اييب معدل زين

بس لمه ودوه اكليه الاستراليه المديره سوتله مقابله و شكت انه فيه شي و سالت اهله و قالو لها هني اهي رفضت و قالت ان مايقبلون حالاته و همن في جامعهالامريكيه للشرق الاوسط مانجح بالمقابله

الحين امه تسال شلون عالتطبيقي يقبلون نفس حالته ولا لا ؟؟

ان شاءالله ينقبل

اتوقع انشاء الله ينقبل بس هذا لازم بوجود شهاده من المجلس الطبي
انتو سالو احسن

أي فديتج وهذا الصح لازم يتعامل مثل معامله الإنسان السوي .. وماشاء الله تبارك الرحمن تقولين النسبه يابها
اللي دخلته الجامعه .. لكن الغلط أن هو ما يعرف حالته ؟؟ ليش ما علمتوه ؟؟ أتوقع راح تتأثر نفسيته ؟؟
الله يعينكم أذا هو ما يعرف حالته شنو هي !! وإلا أنا فهمت غلط
بسيعني مو شويه جامعتين ما تقبله وهو عنده مجموع قوي ؟؟
إذا ما يقبلونه الكويت خ تقدم على برى أصلا أسهل له .. جني قرقة وايد