سؤالي هل من الممكن يكون حمل مع الاستحاضه؟؟

السلام عليكم ورحمه الله وبركاته

شلونكم يا الغاليات ؟؟

بنات بس بسالكم

انا اخر دوره يتني تاريخ 4-17 وغسلت تاريخ 4-23
بعدها استحضت مرتين (( استحضت تارخ 4-28 ورحت حق الدكتوره وعطتني حبوب اعشاب ووقف الدم وعقب ما خلصت الحبوب رد نزل مره ثانيه بتاريخ 5-8 وكلمت الدكتوره بالتلفون وعطتني حبوب تنظم الهرمونات بس ما تمنع الحمل))

قالتلي الدكتوره سوي تحليل شامل وسويت والحمدلله كل شي سليم!
وعلى اساس حبوب الهرمونات التي عطتني الدكتوره المفروض ان الدوره اليوم او باجر تنزل علي ..

بس سؤالي .. الاستحاضه لها علاقه بالحمل؟
يعني هل ييمكن يصير حمل ايام الاستحاضه ولا لا؟
وشلون تكون حسبه الحمل مع الاستحاضه؟

ياليت الي عندها معلومه او مرت هالشي تقولي
وشكرا

انتي دورتج مو منتظمة ؟

والله ما عندي فكره

شوفيي حبيبتي ممكن تكونين حامل ,,,, لاني اعرف بنات ينزل معاهم دم وقت الحمل ,,, وآنا ينزل معاي دم كل شهر مثل الدوره مع اني حامل ….. بس انتي تأكدي وسوي تحليل للحمل ,,,, والله يرزقج إن شاء الله ………….

اي ممكن يكون حمل و خواطر بلييز سآل اذا ينزل دم كل شهر شلون تعرفين انج حامل؟

تسلمون حبايبي
ان شاء الله يطلع حمل .. ان شاء الله باجر او السبت اسوي تحليل

اي ممكن لان نزول الدم ممكن تكون علامه حمل لان ينزل دم وقت الاخصاب

اي صح نزول الدم ممكن يكون علامة حمل

ان شاء الله تكونين حامل

عادي حبوبة انا ينزل علي دم لين الشهر الرابع من الحمل
وفي ولدي الثاني ما عرفت اني حامل لين كبر بطني وبداوا يعلقون علي

علشان جذي آخذ كل الوسائل ومع هذا احلل كل شهرين تحليل بالبيت
ومو بس آنا خواتي وخالاتي وامي.. يعني وراثه " حجي الدكتور"

على العموم الله يرزقج بالذرية الصالحة ويوفقهم ويخليهم لج