سؤالي لكل وحدة داشة الأدبي

مافي ردود كلش

مادري والله انا علمي
امم اتوقع تصيرين محاميه و اخصائيه و مدرسة " عربي & دين & اجتماعيات & اقتصاد وهالمواد "

وان شاالله افدتج
وانتي صلي استخاره قبل لاتختارين =)

اتوقع يصير تدخلين علوم ادارية او مدرسة (قرآن ودين- عربي -e-دستور- اجتماعيات -علم نفس-فنية-بدنية-اقتصاد-فرنسي-تاريخ-فلسفة)-اخصائية اجتماعية -نفسية- سكرتيره)-محامية-واذا ما خاب ظني اعتقد الحين تربية اساسية يقبلون ادبي مدرسة حاسوب بس مو متأكدة وغير جذي تقدرين تدرسين بجامعة خاصة اذا كلللش ما جبتي نسبة تدخلج المكان اللي تبينه….و الله انا علمي واقولج انه مو سهل ولا صعب اذا درستي اوووووووووول بأول يطلع سهل…و تخصصاته اوسع من الأدبي و مالج شغل بكلام غيرج انا كنت ادبي وحولت علمي و بالبداية تحسفت بعدين قلت لا الحمدلله واولا و اخرا صلي استخارة وتبين شي انا حاضرة

كل شي تصيرين بس ماتدشين لا هندسه ولا طب
وبالنسبه للتطبيقي ماتدشين التكنلوجيا

انا انصحج بالعلمي لانه حتى لو مايبتي نسبه كل مكان يقبلج

بالعكس انا انصحج بالادبي اذا كانت درجاتج بالمواد العلميه موشي وميولج مو علمي
فتوكلي على الله واستخيري……..
وترى الادبي سهل واذا شديتي حيلج وحفظتي وفهمتي كل شي سهل انج تتفوقين بعد
انا الحمدلله تخرجت من الادبي بنسبه حلوه ودخلت الجامعه مع اني كنت شاطره بالمواد العلميه خصوصا الرياضيات بس حسيت نفسي احب المواد الاجتماعيه اكثر وكنت دايما ادخل قسم الاجتماعيات اشوف الابلات مبتسمات ويضحكون بوجهي وارتحتلهم حيل عكس ابلات الفيزيا والرضيات عبوسات ماعمري شفتهم يضحكون….
وكل شي اقدر اصير الا الطب والهندسه>>>>>عشتووو انا ميته فيهم ما احب هالمهن ما ادري ليش……………..
وموفقه يارب وامانه عليج بلغينا شنو راح تدخلين
ااوكيك ياكيك…

مثل ما قالو البنات كل شي عدا الطب والهندسة

وانا اخر سنة ادبي بس تبين الصراحة مع النظام الموحد الادبي والعلمي نفس الشي ما عدا العلوم يعني االرياضيات معاج 11 و12 سواء كنتي ادبي او علمي ..

وانا عن نفسي مرتاحه حييل بالادبي..

بالتوفيق.

انا ادبي
والحين ادرس ادارة اعمال…

وايد اماكن يقبلونج بالادبي ومو شرط مدرسه اذا ماتبين…

شوفي حبيبتي صراحه العلمي مو صعب يعني سهل اذا درستي له يعني بس يبيه دراسه

ولا يجذبون عليج البنات ويخرعونج العلمي مستقبله رووعه

بس اذا ميولج ادبيه دخلي ادبي

والادبي يقبل اعتقد كلية البنات الجامعيات بـ 64

بس على فكره انا علمي

عندج الحقوق و كلية أدب أنجليزي و هذي الكلية تدخلج اي شي البنك و الشركات و السفارات و النفط

السلام عليكم

كل عام وانتوا بألف خير

يعني أقدر أصير بالأدبي مدرسه حاسوب

اوكي يقولون ان العلمي مجالاته وايد بس على علمكم أنا مزاجية اذا اشتهيت أدرس درست و اذا مالي خلق اقرا الكتاب ولا أفهم ولا أحفظ

بس نصحوني اني أدش الأدبي لراحه البال والمواد سهله
والكل يقول شاللي حادج تدشين العلمي تعب وغثى وكل يوم ماسكه الكتاب وما تهدينه

وبنات —->> الإرشاد التربوي قالوا ان فيه امتحان على ما أظن يعلمج اذا الميول أدبية أو علمية

بس% 85 أدبي 15% علمي يمكن تنقلب مادري

ومشكورين على انكم رديتوا على سؤالي

حبيبتي اذا انتي ميولج ادبيه ليش تدخلين العلمي ؟
لاتضيعين سنينج عشان انتي تبين العلمي لأن نسبة القبول فيه اقل من الأدبي !

بالنسبة لأماكن التوظيف .. كل مكان ..
بس ماضنتي مدرسة حاسوب .. لأني بالتجاري كت بسجل تخصص حاسوب قالت لي لازم علمي !
هالكلام قبل سنين يمكن تغير الوضع الحين

بالتوفيق