مراحب ابلاتنا ..
شلونكم ..؟
.gif "Eh S(8)")
سين سؤال .. محد عنده خبر اذا بيفتحون مدرسه من مدارس المستقبل في منطقة الاحمدي التعليمية ؟؟
مراقب التعليم الابتدائي بمنطقة مبارك قال اكيد راح يبطلون بس متى مو متأكد ..
محد سمع شي ما شيات ؟؟
في ابلات من هالمدارس معانا هني ؟؟ بليز بغيت اعرف شنو وضع ابلات الانجليزي فيها ؟
شلون نظامهم ؟
و مشكووووورين
هلا مشغولة ومحتاسة انا ادرس بوحدة من مدارس المستقبل رياضيات وعلوم .. بالنسبة حق ابلات الانجليزي وضعهم عادي نفس المدارس الثانية بس احنا وابلات العربي الي وضعنا غير واي استفسار انا حاظرة
هلا والله كويتية حلوه ..
شكراا عزيزتي على الرد ..
بغيت اعرف .. نصاب ابلات اانجليزي شلون ؟ اكثر من 15 ؟
كل الابلات كويتيات ؟
حصصهم متى ؟ لها ساعه معينه و لا مثل حصص المدرسه .. بأي حزه ..
حصص الانجليزي فيها ابله وحده مو ؟ يعني انتو ابلات العلوم و الرياضيات مالكم شغل فيها ..
اعتقد ماله داعي قعدتهم مع ابلة الانجليزي لان شغلها غير ..
لهم نادي بالمدرسه ولا يدرسون بالصف عادي ..؟ و حزتها وين تروحون انتو ؟
و اي شي بخاطرج قوليه لوول
اذا بعرف متى يفتحون بالاحمدي … وين ممكن اسأل .. لا تقولين منطقة الاحمدي التعليمية … لان لحد يوم الاربعاء اللي فات الشئون التعليمية و مكتب مراقب الابتدائي ما يعرفون شي اسمه مدارس المستقبل !!!!
سوري كثرت عليج الاسئله .. بس بخاطري اعرف عدل … لان ناويه باذن الله انتقل لها بس بدرس الوضع عدل عشان ما اتفاجئ ولا اتحسف
شنو مدارس المستقبل ممكن اتفيدينا اختي
خل اشرحلكم بالتفصيل.. الصف عنده مدرستين اساسيتين مدرسة العربي والي تدرس خمس مواد ( عربي واسلامية وقرآن ووطنية واجتماعيات ) ومدرسة الرياضيات الي تدرس ثلاث مواد ( رياضيات وعلوم وتربية حياتية ) وحق رابعة وخامسة بس رياضيات وعلوم ماكو حياتية…. وباجي المواد عادي يعني الانجليزي والحاسوب والبدنية والفنية عادي ماكو فرق عن المدارس الثانية.. يعني تدرس صفوف وايد مثل المدارس الثانية وممكن يتغير نصابج على حسب المدرسة.. انا ادرس رياضيات بس صف واحد عندي ادرسهم رياضيات وعلوم وتربية حياتية نصابي 9 حصص ولازم احظر مع ابلة العربي بس في حصة العربي واهي لازم تحظر معاي حصة الرياضيات بس يعني العلوم ماتحظر بس الرياضيات تساعدني واساعدها شنو بعد مممممم التحظير وايد مريح تحظير جماعي نجتمع كل الي يدرسون مرحلة معينة حصة وحده نناقش الاهداف ووحدة من الابلات تطبع التحظير وتوزعة علينا وكل اسبوع على أبلة يعني ماتحظرين الا كل 4 او 5 اسابيع مرة يعني سهالات تحظرين كل يوم وسايلج بس …. في شي بعد عقب الطابور في 10 دقايق فترة متابعة ماندرس على طول نسولف مع البنات ونخليهم يسولفون او اكلمهم عن شي معين صار بالصف غلط وماعجبني او اي شي كيفج مممممم شنو بعد اي بالنسبة عن ابلات الانجليزي عادي في كويتيات وفي مصريات عادي .. باختصار انا مرتاحة ماعندي الا صفي وبناتي مجابلتهم مثل الروضة اطلع بحصة الانجليزي بس والحاسوي والموسيقى وهالسوالف يطلعون اهما من الصف ولي الخيار اني اقعد بباجي الحصص او اطلع بس مجبورة احظر حصتين العربي كل يوم بس ماسوي شي اذا وحدة تلعب انبهها وحزة الكتابة افتر عليهم …. واي سؤال انا حاظرة
هذي وين المدارس وهل هي خاص ولا حكومه وشنو مميزاتها عن المدارس العاديه
كويتية حلوة2 … لا خلا و لا عدم حبيبتي
مشكووووره على الرد الوافي و المفصل ..
انا من احلام حياتي المهنية ان يكون عندنا نادي انجليزي خاص حقي بروحي … ادرس طلبتي فيه و اقعد فيه طول اليوم اسنعه و ارتبه و اجهز واسائلي للحصة بسهوله .. بس مليت من الفراره بين الفصول بقشي على ظهري
عندكم نادي للانجليزي ؟
شكثر يزوركم الموجه ؟ و المديره كم مره تدخل حصصكم ؟
motamashkesa
هالمدارس حكومية … موجوده بمبارك الكبير 2 بنين و بنات
و بالسره 2
بحولي 1 و بالعاصمة 1
و يقولون راح يفتحون بالاحمدي بسمو معروف لا وين و لا متى ..
اي صج كويتية حلوة … اذا بسأل وين اروح ؟ الوزاره ؟
انتي كنتي بالمدرسه و عقب حولوها لمدارس المستقبل و لا انتقلتي لها ؟
كثرنا الاسئله .. بس طولي بالج علي .. عساج عالقوه
انا من احلام حياتي المهنية ان يكون عندنا نادي انجليزي خاص حقي بروحي … ادرس طلبتي فيه و اقعد فيه طول اليوم اسنعه و ارتبه و اجهز واسائلي للحصة بسهوله .. بس مليت من الفراره بين الفصول بقشي على ظهري
فعلا اتمنى هالشئ علشان الوحده تبدع
السلام اعتقد بل بكل تاكيد بانه لا نية لافتتاح مدارس المستقبل فى الاحمدي
السلام عليكم اعتقد بل بكل تاكيد بانه لا نيه لافتتاح مدارس المستقبل فى الاحمدي