|
|
السلام عليكم
بسالكم اذا الوحده اخذت مرضيات مدة اسبوعين ورا بعض اللي فهمته منكم ان يحولونها مجلس طبي …. شلون تعرف ان حولوها ؟؟ تروح المنطقة ولا المدرسه ؟؟؟؟ وعقب مايحولونها تروح تداوم وتنطر الموعد ولا تقدر تكمل مرضياااااات ؟؟؟؟
والسؤال الاهم : يسووون عقاب ويفنشون الوحده لما تاخذ كله مرضيات عشانها تعبانة ؟؟؟؟؟
واذا صار الخصم على الراتب … هل ان ينزل الراتب عادي ويخصمون منه كل شهر يعني نفس الاقساط ولا ماينزل ولا شسالفة بليز ؟؟؟؟؟؟؟؟؟؟؟؟؟؟؟؟؟؟؟؟
اذا طبياتج من حكومه ما يحولوونج وقالو بيخصمون مني ومدري يبين ع الشهر اللي جااااي
واذا من خاص يحلونج
والخصم
مرات اقسطا مررات دفعه اذا مافي اي مراجعه لج بل المجلس الطبي
انا من حكومه مرضياتي ماحولوني انا طلبت مجلس طبي
وارجو انج تردين عشان افيدج
التحويل راح يوصلج لما الموظفات اللي بقسم الإجازات والدوام يصحون من سباتهم العميق (( حسب تجربتي في منطقتي التعليميه))
انا رفيجتي خذت طبيه واهيا حامل بالتاسع
وولدتبالسلامه وداومت ولما صار عمر ولدها 6 شهور دزولها التحويل للمجلس الطبي
والمجلس الطبي اما يقول الإجازه مسموح فيها او ما يوافق عليها ويخصمون منج
بس بالنظام الجديد للغياب راح يخصمون في كلا الحالتين
لأنه اي غياب فوق 15 يوم يخصمون منج
واذا غيابج اقل من 15 يوم ما يخصمون
واذا خصمو فهم يخمون مرتين
مرة من معاشج اللي ينزل الحين
ومرة ثانيه من معاشات الصيف
وعاشت وزارة التربية وعاشوا اصحاب القرار
انا سعودية وناوية على الحج هالسنة ان شاء الله
وهاذي السنة الثانية لي بالكويت فمالي اجازة حكومية
قالوا بعض المعلمات اخذ اجازة خاصة بالخصم اسبوع وطبية الاسبوع الثاني
بس مادري كم عدد ايام غيابي ؟؟؟
محتارة مادري شسوي؟ اذا ممكن احد يفيدني او ينصحني
ومشكورين مقدما ً .
اخذيهاااااا اجازه خااصه خصم اذا مالكم اجازه من الوزاره و تقبل الله طاعتج ولاتنسينا من الدعاء
انا غيابي بالاشهر مو بالاسابيع ,,,
ومرضياتي من خاص ومتواصله ,,,
ولا حولوني مجلس طبي ولا شي ,,,
وخصموا مني الشهر اللي فات 100 دينار ,,,
وهالشهر خصموا مني 400 دينار !!!!!!!
وما ادري لي متى بيخصمون وجم بيخصمون ؟؟؟؟
وما ادري هل اطلب مجلس طبي او لأ ,,,
لأنهم ما حولوني مع اني من زمان غايبه ,,,
الله المستعان …
عاد المشكله انهم يخصمونهم مره ثانيه من معاش الصيف ومعاش التقاعد ,,,
يعني يطلعونها من جبدي ,,,
الله كريم …
ارجو منكم مساعدتي فانا دورت في كل هالمواضيع الي تتكلم
عن الغياب والمرضيات وطرحت موضوعي ولكن لم اجد مايريحني
والموضوع ان تم تنويمي في مستشفي حكومي يوم وبعدها عطوني راحة
4 ايام
وبعدها ببضع ايام تم دخولي مستشفي خاص وتنويمي يوم واحد
وبعدها عطوني راحة اسبوعان
فهل لهذه الايام خصم
ارجو منكم افادتي