زيادة الرواتب ؟

السلام عليكم
اشلونكم بنات شخباركم
قبل اسبوعين نزل قرار من مجلس الوزراء ما ادري ديوان الخدمة ان راح تكون فيه زيادة 50 دينار لأصحاب المعاشات المتدنية ( ابي شنو يقصدون بالضبط او شنو اهي نوع الوظائف اللي يحق لها الزيادة ؟)
ارجو الإفادة وشكرا

وعليكم السلام

هلا والله … انتي شلونج؟

الزياده لاصحاب المعاشات اللي تقل عن 600 وشي .. وبس لرب الاسره سواء كان رجل او امرأه .. يعني مو للكل

مشكورة اختي سمووو على الإفادة

بس على فكرة اهي راح تكون ايتداءا من متى ؟
يعني متى راح تنزل بالمعاشات ؟
واذا يحق للزوج ما تنزل حق زوجتة ولا الاثنين ياخذون ؟

للي معاشاتهم اقل من 760 او 50 جني قريته هني بالمنتدى

اتوقع انهم بيرفضونها
لانه مافيها عدل
يا يعطون الكل و يا ماكو مانبي شغل حق ناس وناس

اصلن هم كل شي يرفضووووووونه

موبعيده يرفضون هالخمسين بعد

والله اقتراحاتهم مسخرة في مسخرة !
كل يوم اقتراح ..
وكل يوم كلام !
رقصونا والله العظيم !
آخر شي قالوه ان الزيادة للمتزوجين ام العزابيه ياكلون هوا !
ليش بالله !!
السوق واحد مع العزابية ومع المتزوجين شنو الفرق يعني !
قرارات فااااشلة ومافي دراسة لأي موضوع يطرحونه !
مجلس الخمه !

والله انا سمعت يعني مو من مصادر موثوقه ان اللي اخذوا كادر قبل سنه او اقل ما راح يعطونهم 50 ….بعد انا مو متاكده …حبايبي لاتفكرون وايد ولا تعورون راسكم شغلوا بالكم بشء افيد

بس حق رب العايله سواء ريال او مره وبعدين هذولي كملوا فيهم الزيادات يعني اللي خذوا كوادر وغيره الحين تقريبا الكل اخذ بس اللي يضحك شنو بسوي ال50 دينار ؟؟؟؟؟؟؟؟؟؟ من صجهم والا يتقشمرون الخمسين الوحده تدش فيها جمعيه تشتري بطاط وككاو ماتسوي شي اصلا اللي بيزيد يزيد 100 او 200 او 150 مو 50 لا راحت ولا يت خصوصا لرب الاسره