زوجي يخونيي وماكو فايده تكفوووووووووووووون ابي رايكم

زوجي ماكو فايده منه ما يدري عن بيته وكله هايت ولا اذا ايه البيت تلفونه 24 ساعه يرن ومسجات وطبعا انا متأكده ان يكلم لانه اشكثر كلمت ارفيجاته وصاروا صديقاتي علي العلم ان عندي منه بنات 2 وقبل هذا برمضان ايلي طاف تهاوشت معاه واوصلت السالفه للمخفر لانه مد ايده علي وحولوني المستشفي وسوا فني عاد مستديمه شرخ بالاذن ويوم الهوشه سب امي واهلي وطردهم من البيت وصار بينا قضايا وبعد 19 يوم هاده البيت وما خلي احد ما كلمه عشان ارجع وقال حق اهلي خلاص ماراح ارجع حق الخرابيط وابي بيتي وعيالي وبعد فتره ردت ريما لعادتها القديمه رجع يكلم ويواعد البنات ولا بعد يزوج عرفي والحين انا متهاوشه معاه عشان نفس السالفه وطاح علي اكلم ارفيجتي واقول لها انه ريلي يخون وطبعا اهو زعلان عشان قلت حق ارفيجتي مو زعلان ليش قلت خاين يا ربي ما ادري شسوي معاه وما اقدر اقول حق اهلي مره ثانيه لانه اهلي الحين اكرهوه واصلا مو راضين ارجع له بس رجعت عشان عيالي شسوي معاه

العوي عوي

خلي يولي عنج وشوفي حياتج مع عيالج لين يعرف قيمتج

لاتورين الريال ضعفج يستغلها

وااي الله يعينج …ملاقا الي قاعد ايسويه اففف
شووففي اذا دورتي وراه بتتعبين خلج حاقره وماجنج تدرين عن شي وصدقيني مع الايام بيمل
وانتي حاولي تعتنين بنفسج وتغيرين ستايل بيتج من ناحية الترتيب تخلين عيالج هاادين والبيت هاادي وجوو راحه وحقري ولاتنبشين من وراه
وانتي حببيه بالبيت وفيج وعيالج ومع الايام يتغير بس عليج بالصبر
وصدقيني هلنصيحه وحده سوتها وريلها صار شي ثااني …الله يوفقج

الله يعينج ما اقدر اقول غير جذي

لا حول ولا قوة بالله

هذا عشرته صعبه

الله يكون بعونج

هذا مايستحي ولا يتوووب قولي حق اهلج وهالمره امشي بشوورهم

كيف يستقيم الظل والعود أعوج

يا ربي سبب هالطلاقات كلها من هالفساد الأخلاقي

شقولج بس عورتي قلبي ، الله يعينج

والقعدة معاه مامنها فايدة

يا انج تحقرين جنج ما تشوفين شي و تحطين أعصابج بالثلاجة و تشغلين نفسج بعيالج و بنفسج و تونسين نفسج

او انج تردين بيت اهلج و تشترين راحة بالج

انا شخصيا انصح بالحل الاول بس بشرط تكونين قادرة اتحملين مو ادورين وراه و تحرين عمرج مع ان ادري صعب ما ادورين واتنبشين يبيلها قوة ارادة بس الله معاج

اقري البقره كل يوم
اكثري الاستغفار
و عليج بقيام الليل ركعتين كل يوم و ادعي م قلب ان الله يشرح صددرج و يسر امرج و يصلح شأنج

انا مو متزوجة فنصايحي مو من تجربه بس ما حبيت ما ارد عليج حاسة فيج و الله

الله يصلح امرج يا قلبي و الدنيا رايحه ترى لا تحرين نفسج على شي

الله يعينج وصبرج ربي
الجيئي لله وتهجدي باليل واكثري من الستغفار
الاستغفار يدفع البلاء

الله يهدي لج ويسخره ويهدي سركم يارب

اشتري راحتج وراحة بناتج ولاتعيشينهم برعب
مع احترامي بس ريلج مو كفو زواج
بس ماقول غير الله يسامح اهله الي زوجوه
الله يساعدج ويفج ضيقتج حبيبني
عورتي قلبي

اعي له و لتدعين عليه

الله يهديه و يوخر عن الخرابيط

و بعدين انت بشطارتج لهي عن هالبنات و عن المغازل

اشغلييييييييييييييه باي شي طلعي روحي تعالي كل معاه

خل يتابع شي معين و يلهى فيه

و ان ما فاد ذكريه بان كما تدين تدلن

و الدنيا سلف و دين

والله يعينج

وانا كلاامي من كلامها …

والله يهديلج اياه ويسخره لج ياارب

الله يعينج والله

نفس الراي

الله يعينج ياقلبي