زوجي وزراج المسيار

السلام عليكم حبايبي حدي منقهرة من ريلي هذا وانا حامل رفع ضغطي تخيلو قبل فترة اكتشفت عندة ايميل ما قالي عنة كلش وقدرت ادخل علية يعني صرت هكرز

لقيت سوالف وبلاوي بس من ربعة قلت عادي رياييل وكل يوم ادخل واحيانا امسح الشغلات الوصخة قبل لا يبطللها ويشوف البلاوي واهو ماشك بشىء طبيعي الوضع بس لقيت رسالة من مسيار اون لاين الله لا يوفقهم اميين انه قبلو عضويتة عندهم مت من الحرة وطنشت هالحجي قبل شهرين الحين النا عند اهلي تعبانة من الحمال صارلي اسبوع اريح جان ادخل مسيار واسجل بنات المهم طلبت بحث حطيت دولتنا والعمر وكان البحث اخف تخيلو 77 صفحة للكويتيين من 29 الى 32 طلعوا بلاوي لا وبعضهم حاط اسمة الكامل او صورة واحنا ياغافلين لكم الله جان ينغزني قلبي على لقب ما ادري شلون قلت اهو زوجي وسبحان الله نفس المواصفات شوفو شسويت
أولا حطيت اللقب وكتبت اني نسيت الكلمة السرية
طلبوا الايميل حطيت ايميل زوجي ( السري خاشة عني ما يدري اني طاقة كرت كل شوي اشيك علية)
ثانيا رحت بطلت ايميل زوجي والصدمة كانت اهي
&
&
&
&
&
مطرشين لة مسج من مسيار الزفت تخيلو طلع احساسي بمحلة اهو لقب زوجي خذيت الرقم السرى الجديد ومسحت المسج
ثالثا بطلت الموقع باسمة ورقمة السري الجديد ما لقيت شيء بالبريد صادر او وارد
بس شوفو شروط الاخ شنو طالب يبي مطلقة كبيرة 35 وفوق وجميلة وجسم متناسق ومثقفة ورومانسية لا وتحب السفر حق الهياتة معاها وعندي يسافر ويا ربعة شفتو القهر
طبعا الحين ما راح يقدر يشوف عضويتة احسن زين سويت فية يستاهل
حدي محترة ومقهورة والله اني مو مقصرة الله العالم ما بي اقول عن نفسي او تعاملي لاني واثقة من نفسي ما ادري ليش جذي يمكن هبة الرياييل يسوونها تسلية بس والله محترة وانا حامل حسبي الله ساعدوني وريحوني

يمكن بس جذي مجرد تسلية مو صج

موشرط اذا كاتب جذي يعني اهو يبي لا بالعكس انا اتوقع يتسلى بس
لاتكبرين الموضوع حبيبتي انتي حامل ومو زين عليج الزعل لاتضايقين روحج

اختي هدي اعصابج عشان الي فبطنج موزين جذي
بعدين ابدا لاتواجهين زوجج بالموضوع (يمكن تكون تسلية وبالمواجهه ياخذها جد بالعناد)
وداومي علا شغلتين
1)الصلاه والدعاء والاستغفار (فلا يرد القضاء الا الدعاء ) وشغلي سورة البقرة يوميا 24ساعة ماتطفينها
2)اهتمي فيه اهتمام يبدا منج انتي غيري في نفسج كلميه كلام حب اهتمي فيه عدل عدل والله يوفقج

نعم غيري من نمط حياتكم وما تلتهي عنه حتى لو انك حامل .. زيديه حب واهتمام ورعاية ورجعيه بذكاء

حبيبتي انا ما راح اواجة لو شنو بقعد اراقب من بعيد اولا
بعدين والله مهتمو بشكلي حيل وانا حامل لبس حلو وعالموضة وتسربحات واحلى العطور وكل شيء يعني حمالي ما اثر عللى والمعاملة احلى الكلام والحركات ومسجات ورومانسية والله مو مقصرة من ناحيتو ومهنمة بلبسة واكلة وكل شيء موفرتة بعد شيبي؟

الله يهدية ويسخرة لج

حبيبتي لا تحرين روحج ولا شي

ترى الريال اذا من صجه مفكر بهذي السالفه ما يلجأ حق النت

ماكو ريال بيتزوج يروح يتزوج من النت بعدين صدقيني اهو عارف ان ثلاث ارباع الي بهذي السايتات رياييل يسوون روحهم حريم عشان يأذونهم

انتي من صجج مصدقه ترى تلقينها بس لقافه

بيشوف شسالفه

طمنتيني حبيببتي
بس هذا مسيار اي شىء ويخلص يمكن يبي زواج تسلية علشان جذي المسيار عاجبة؟

زين ماسويتي والله بس ياقلبي لا تعبين روحج ولا شي

ماراح يحصل احد يعطيه وجه با ها الموقع لان انا شفته كثيرر البنات اللي فيه

بعدين انتي حامل لا تعبين روحج من ها السوالف يرتفع ضغطج

وبعدين تلقينه شوشت عرس مع ربعه

الله يهديه انشالله

ريلج من النوع لي تحسينه خربوطي شوي ؟ يعني طايحه عليه من قبل
شوفي خوفج يلعبون براسه ويسويها صارحيه وكلميه00 بس من غير هواش وصريخ
يعني بالتفاهم وبكلام خجيله من نفسه 00 خلي يستحي وقوليله انج مومقصره عليه بشي
يمكن ليش اننتي حامل وتعبانه بتسلي لاتكبرين الموضوع وايد وايد مالومج حبيتي ادري
شي يقهر والله 000 تري في حصائيه تقول اكثر الريييل يخونون لم حريمهم حمل والنفاس
وبعدين يرجع علي حالته

ماكو شي اسمى زواج تسليه يبلي روحه مع وحده اليوم اهي راضيه بالقليل واهو ماعنده مشكله بس باجر بعد شهر اثنين سته

بتقوله حالي حال مرتك ابي ياهل يسليني وابي وظيفه شغلني لازم اعتمد على نفسي وعشان اتوظف ابي سياره وجملة حالي من حال مرتك راح اتكرر وايد

فأطمنج يا حبيبتي ماكو ريال يحب هل حنه وهل طلبات وعوار الراس عشان يومين ويبتلش طول عمره فتأكدي اكيد اهو راح يقول

اناشلي بهل طلايب ولا من النت بعدددددددددد اي شي خلني على الاولى ساتره بيتي وعيالي

صدقيني الموضوع كل لقافه بلقافه رياييل هل ايام عندهم حب استطلاع بايخ ومايصيرون اوادم الا لما ينجووووووون

طمنتوني الله يطمنكم

يمكن حب استطلاع لا اكثر وزين سويتي بس ها ديري بالج لاتخلينه بروحه يعني اسبوع تريحين عند اهلج ماتدرين شنو يسوي بالبيت بروحه

يمكن يحس بالملل والشيطان شااطر ,,الخ ,,

قعدي عنده ياقلبي ولو تعبانه وتبين تريحين روحي يوم وهاليوم تكونين مشبعته فيه

الله يصبر قلبج