زوجي والكبد الوبائي

بنات انا وحدة معروفه في المنتدى وسجلت بنك ثاني حتى اقاربي مايعرفون خصوصياتي

اول شي انا كتبت الموضوع والمشرفات مانزلوة لكن الحين اتمناهم من قلبي ينزلونة ويعتبرونة لوجه الله تعالى مساعده من عندهم

والله اني بهم مايعلمة الا الله….

قصتي طبعا باختصار..

انا متزوجة من سنة تقريبا

زوجي اول ماتقدم لي وقت الخطبة قالو لنا انة مريض بالكبد الوبائي بس من خلال معرفه اخوي بهذه الحالات لانة بالمستشفى قال هذا المرض بسيط وعادي واغلب الشباب الحين فيهم هالمرض

المهم وافقت بعد ماراحو اخواني واستفسرو من الاطباء المتخصصين

واهله قالو لنا هو مايحس باي الم نهائيا مثلة مثل الانسان الطبيعي بس انة في دمة هالمرض وخامل بعد يعني ماله اعراض بجسمة

وافقت انا

ولازم اني اخذ تطعيمة ثلاث مرات بخس شهور قبل الزواج حتى تعطيني مناعه 10سنوات

والحمدلله اخذت هالتطعيمات الثلاث بالموعد المحدد

وبعد التطعيمات طلب مني الدكتور ان اجلس معه حتى اعرف طبيعه هالمرض

وجلست معه انا واخوي

وقال المرض موخطير نهائيا …..نسيت اقولكم اني وقعت على مسوليتي اني تزوجتة وهو في مرض معدي

قال بس اذا اخذتي التطعيمات الثلاث ماعليك خوف نهائيا وحتى الاولاد بالمستقبل ماينتقل لهم

المهم وقعد ينصحني ويفهمني وقالي لكن هناك ثلاث اشياء اذا عملتيها ينتقل لك المرض حتى لو اخذتي التطعيمات

اخوي قاله شنو

الدكتور قال

اذا نقل زوجك دم لك ..ينتقل لك المرض

واذا السائل المنوي للرجل وصل للفم هم ينتقل المرض حتى بعد الجرعات

المهم بعد ماتزوجت

وقت العلاقة الخاصة زوجي يطلب مني (لعق القضيب) <<كتبتة باللغه العربية حتى تكون كلمة مؤدبة وماتخدش الحياة

وانا ارفض طبعا لاني اخاف ينتقل لي المرض

وانا فهمتة كثير ان الدكتور قال هالكلام بس هو مومقتنع وكل ماصرت علاقة بيننا نتهاوش وتصير بيننا حروب من النجرة والهواش وحنا عرسان يعني تو ماكملت الشهرين ولحد الحين صارلنا سنة وهو كل ماجاء الليل ويصير هالشي بيننا يطلبة مني

والله يبنات كرهتة وكرهت الجماع وكرهت كل شي ماغير افكر اتطلق منة واخلص

اقولة يعني يعجبك يصير فيني المرض يقول لا والله مايعجبني بس انا مصدقت اتزوج حتى اتونس وانتي تمنعيني من الوناسة

ولازم يعلق بالتعليقات البايخة والله تقعد بقلبي مانساها

وقت ما ارافض يقول خلاص نصيبي هذا ولازم اصبر<<كذاب ياليتة يصبر اليوم الثاني يطلبة

او يقول انا شنو صاير نصيبي معك تخيلت عروستي بتونسني كل ماطلبت شي بس انتي لاا

وكل ماتهاوشنا نقعد لليوم الثاني وحنا زعلانين وبس يجي اليل يراضيني وتصير العلاقة ونزعل من جديد

والله طقييييييييييييييييييييييييييت من الضيق والطفش طبعا ماقدر اشكي همي لاحد لان عيب والله اقول لاهلي ليش مابية لانة يطلب مني هالطلب واخاف تصيبني العدوى؟

مع انة والله انسان طيب وحنون وكريم يصرف علي بشكل خيالي وانا موموظفه

وبعد انا اتمنى من قلبي البي له طلباتة لانة يستاهل بس اخاف من العدوى وانا كلش كلش وحدة ضعيفة وزني قليل فاكيييد ماعندي مناعه ومباشرة ينتقل لي المرض

بالله حبايبي شنو تنصحوني واش اسوي اعتبروني اختكم امانة جاوبوني

امانة يامشرفات لاتحذفون الموضوع الله يوفقكم

الله يعينج اهو مو فاهم حجم الموضوع

الله يعينك ويوفقكم ويهدي سركم …
طيب اسفة ع الجراة بس ممكن يلبس واقي

بعدعمري الله يعينج

اهو ماله ذنب وانتي مالج ذنب طبعا

بس لازم يستوعب الموضوع

ميخالف تحملي
ترا وقت الشيسموونة مايحس عدل علا نفسه
سوري بس عشان اوضحلج

وانشالله انتي باللين فهميه مرة ومليون اكيد بيستوعب

او صيري جرييئة وروحي معاااه عند الدكتور خل يبطها بويهه
عشان يصدق ويخاف

اذا زوجج زين وبس هالعلة فيه تحملي

بس ماسألتي شلون علي اليهال؟ في حال حملتي؟ هل في خطر لاسمح الله ولا لا

يا حياتى الله يعينج ويشافى يارب العالمين.

تسلمين حبوبة والله موفاهمة انا خايفه على نفسي وهو اهم شي وناستة

ماجاء في بالي الواقي ب من كثر حنتة واجبارة لي اذكر مر قلتله غلفة بنايلون وزفني وهاوشني يقول لهدرجة انا وسخ عندك وزعل مني

بعد قلبي ام مريومة

والله هو زين معي وصفاتة الحسنة شكثرها وصفاتة السئية امكن ثلاث او اربع وكلها عادية يعني انسان طيب لدرجة كبيرة بس ينقلب واحد ثان وقت الشيسمونة

كذا طبيب نسالهم يقولون لاماينتقل للطفل اذا مانتقل للام

وحتى الطبيب قالي في بعض الامهات فيهم المرض بس مع تطور العلاجات والتطعيمات الحين صار ماينتقل للطفل

بعد قلبي تسلمين

عمري ماعليه احتسبي الاجر عند الله
واهو فقير صح في هالحزه الواحد يغيب عن ادراكه اشوي
بس خلج على موقفج ومرده بيمل
لاتقصيرين في الاشياء الثانيه
وراج اعيال بتربينهم وانتي صاحيه

بعد قلبي شادن

صحيح انا ناوية اكون عند موقفي ماغيرة بس والله الهواش اليومي يغير الحياه ويكرهك بكل شي حتى اذا رحت لاهلي احيانا امي تقولي شفيك زعلانة يعني يبين الزعل ماقدر اضبطة

وهالحاله كرهتني بالزواج

تاكت ايسي حبيبتي وبسم الله عليج اهم شي لاتكرهين الزواااج خخخخ
استانسي فليهااا على قولتهم مرده بطططخ

تاكت ايسي =تاكت ايزي مو اتقولين مااعرف انجلش خخخ

شوفي ياقلبي انتي فهميه حجم الموضوع وانه خطير باسلوب
والحل يلبس واقي

الله يعينج حياتي والله
على يوم يكون اهوا مزاجه اوكي قعدي معاه وتفاهمي وياه وقوليله ان هالشي مو زين وانج تبين تسوين اللي يبيه لكن هم تخافين
مو وقت الشيسمونه تصير نجرة وهواش حرام جذي
الله يعينكم ان شاءالله وكل مشكلة لها حل ان شاءالله باذن الله