زوجي والفيس بوك ساعدووووني

السلام عليكم ورحمة الله وبركاته
بنات انا متزوجه صار لي 3 سنوات واكتشفت ان زوجي يخوني بس ما واجهته بالموضوع والله اني حاولت اني اصلحه بس كل محاولاتي فشلت نفسيتي تعبت منه وياني القولون وشاب شعر راسي من تصرفاته
المهم مره قعدت انبش وراه بالمواقع اللي زارها بالاب توب ماله ولا الاقيه داخل الفيس بوك وعرفت نكه وقررت اني اسجل من وراه بالموقع ودزيت له طلب صداقه وقبل صداقتي والاخ ما قصر سدح رقمه على طول ولايميل ماله وماشاء الله عليه حده رومانسي وذرب
اللي ابي منكم يا بنات انكم تساعدوني اني ادبه واخليه يحرم يخوني عن طريق الفيس بوك تكفون بنات ساعدوني والله حدي تعبانه منه

والله مادري شقولج .. ! صدمه هذي

بس ديييييييري بالج تقولين انا نبشت او انا ضفتك !!!!!!!!!!!!

والله لا تخربين بيتج بإيدج بلحظه غضب ..

بيني وبينج اغلب الريايل جذي !! خصوصا الادمان على النت !!

بس انا انصحج

تحاولين تكلمينه وتقولين انا مقصره معاك ومن هالكلام ..

بعدين بعيد الشر صح خذي خيانه بس احسن من انه يكون لا سمح الله شارب خمر او يطق او او او او او ..

صح ولالا ..

اذا يت على هذي تقدرين انتي تعدلين اسلوبه وطريقته

سوري ماقدر افيدج اكثر لاني مو متزوجه بس كلام عفوي طلع مني والسموحه

الله يعينج

واي من هالفيس ما وراه الا الخراب

و شفتي اشكثر الشغله سهله ؟ على طول يقط الرقم و الايميل

الشيطان شاطر

شوفي انا من رايي مشي عليه الفلم قوليله ابي اشوف صورتك

واهو طبعا ما راح يمانع ولا اقولج قوليله افتحلي الكام

و خلج بعيد عنه طبعا يعني بيت اهلج مثلا قوليله انت مو زوج فلانه ؟

و بعدها دشي الفيس بوك و كتبي حرام عليك تهون فيك العشره و تخون مرتك

على اساس انج صديقة مرته و شايفته و عارفه زوجته يعني خليه يتخصبق

و بعدين طنقري عليه بعد فتره قوليله وصلنلي كلام و سمعت حجي و الناس قامت تتشمت

بس لا تبينين ان انتي الي ضايفته سوي روحج ان صارت فضيحه كبيره وهو ماكو شي

بس عشان يخترع و يعرف ان الكويت صغيره و ضيفيه جم نك و سوي روحج عرفتيه

اتمنى تتقنين الدور و تعلمي اللف و الدوران يعني لا تروحيله تقولين له ليش تخون وانا نبشت من وراك

لا طلعي روحج من السالفه انتي الغلطانه و الحق معاج و خليه يتاسف بس خرعيه بالاول و تحياتي

مادري شقولج الله يهديه لج ياااارب

ماحب الريال اللي يدخل النت
الحمدلله والشكر جنهم مراهقين
زين فتشتي وعرفتي حقيقته وماتميتي على نياتج
احييج

واللي تقول غير هالحجي ماعندها سالفة
واجهيه قولي له شنو هالتصرفات ؟؟ ومعاج حق بالمواجهة لان مو انتي الغلطانة – اهو الغلطان واللي يبي له مواجهة
وقفيه عند حده !! حلفيه عالقرآن وقولي له والله ان كررتها لاعلم اهلي عليك وماقعد عندك
لان ماعتقد لو اهو اللي صادج تخونين عالمسن او الفيس بوك ماظن بيسكت عنج

واعتقد مافي فرق بين خيانة المرة وخيانة الريال << واللي تقول غير هالحجي مخها معقد وتفكيرها متخلف

بنات الي تقول غير هالحجي راح تموتها دوولي لووووووول ضحكت ضحك على ردج

انا مع الاخت (m&m)
فكرتها ممتازه و كذا تضمنين انه ما يقلب عليك او تخربين بيتك
لان الرجال اذا احد واجههم ببلاويهم طبقوا مبدا ( قابلوهم بالصوت لا يغلبوكم )
و طلع نفسه البريئ المظلوم

الله يعينج قلبي شوفي مره فوزيه الدريع تحجت عن هالنقطه ان المره لما تطيح ع زوجها واهو خاينها بس بدون لايدري تفول احسن لايدري لان هذي اسمها سياسة التجاهل ريح قليبج مرده لج والله يعينج صراحه

الله يهديه لج ياااارب

لا حول الايميل ممكن دردشة لكن الجوال الله يعينك
زوجي ايميلة مليان حريم لكن يدردش معاهم على كيفة لاني واثقة فية

يابنات والله العظيم انتوا على نياتكم مبين انه واحد مو وحده ماتشوفون يقول ابي اادبه يعني وحده منكم تاخذ ايميله وتادبه شالخرابيط هههههههههههههههههههه والله سوالف قديمه حدهاااااااااااااااااااااا

صح كلامج الله يعينا عليهم وعلى الصايعات اللي ماادري وين اهلهن عنهن

اختي صاحبة المشكله سوي مثل ماقالو البنات الله يهديه ويسخره لج

حياتي لا تثقين وايد وديري بالج عليه الثقه مو كل شي ودام عارف انج واثقه ومخليته عادي ممكن بعد يقول لج اكلمهم بس دردشه مو مشكله ومو بعيده بعد يقول لج بطلع معاهاا طلعت صداقه خوو انتي واثقه فيه والسالفه دردشه :/

وصاحبت الموضوع..

الله يكون بعونج حياتي .. البنات ما قصروو والله يهديه ويصلح حاله ..