|
|
مساء الخير…
بكتب مشكلتي واتمنى خواتي يساعدوني لأني صدق مب عارفه شو اسوي
كلمت مستشار نفسي قالي كلام مافهمته ومااستفدت منه و مستشار أمور زوجيه نفس الكلام مافهمت منهم شي و مااستفدت منهم
مشكلتي مع ريلي(مالجه من شهرين بس ) من تصرفاته و أسلوبه وياي
لاصق فيني بشكل مو طبيعي يعني يكلمي 24 ساعه اذا مر نص ساعه و ماكلمني يحرق الفون والواتساب والبيبي كل شي
ماينام الا لما يكلمني صاير جنه بيبي وانا امه
مايعطيني فرصه اشتاق له بحكم انه يكلمني دايما
صاير مايطلع من البيت ابدا مع ربعه بس ماسك هالفون ويكلمني
و اذا قلتله شي او تناقشت معاه بهالموضوع يزعل مني و يمد بوزه دلوووع و زعوول
أتمنى انكم فهمتو مشكلتي وتساعدوني انا عمري 19 و هو 21 لاني مليت منه و صرت بارده مافي مشاعر ومااحس اني احبه ولا اشتاق له و صرت اختصر الكلام معاه واسكر عنه و يقولي ليش متغيره
بليز مابي حد يقولي احمدي ربج ريلج يحبج و يهتم فيج و قولي الحمدلله غيرج مب لاقي هالشي
لا بس جد هالشي ينرفزني و مللليت منه
توكم بداية المشوار
وطبيعي هالشي لانه شي جديد عليه
ويمكن يستمر معاه لين سنه بعد الزواج
بس بعدين انتي اللي بتلحقينه ملاحق
نصيحه لاتحسسين نفسج انها مشكله لانج بتقعدين تفكرين ٢٤ ساعه شلون تفتكين منه وبالتالي تكرهينه
دق عليج مروقه ردي مالج خلق لاتردين وانتهينا
و فعلا لما قلتله عن هالشي بس بطريقه غير مباشره قال بعدين انتي الي بتلحقيني و تجلبين الدنيا اذا مارديت عليج .gif "Eh S(22)")
بس الحين عندي امتحانات ومااكلمه وايد ف احس تعود و صار يكلمني كل يوم مرتين او ثلاث بس
الحمدلله
ومثل ماقالو توة معرس فريش لازم هالحركات عندي لج فكرة بادري انتي راح ينغر ويقؤل اشتاقتلي وراح تسؤيها كل مرة جذي بيثقل و يفج شؤي وزوجج شكله من صنف اللي يخلي زوجته مثل امه واهو البيبي نفس ماقال طارق الحبيب
انا عكسج لي 4 سنين متزوجه هو مايدق ولا انا ادق الا بشي ضروري والسبب انحرج ماكو سوالف شنو اقول الا بالواتسب ممكن اعبر بصور وهالسوالف
حتى بالاربعين مايدق ولا ادق استغرب من اللي يسولفون بالساعات شنو يقولون