زوجي لسانه قذر؟ شالحل؟؟

بنات زوجي لتهاوشنا يصير لسانه قذر كلكم جذي ولا بس انا
يعني اعطيكم مثال انتي خرا انتي خايسه انتي حقيره

ومره تهاوشنا يقولي والله لهيييينج شنو اهينج وين قاعدين عاد انا قلتله ماخذني من الشارع عشان اتهيني مانولد اللي يهيني واهلي موجودين يسكت عاد
بس فيه هالطبع هالخايس يقولي انتي اسلوبج حقير انتي معقده انتي نظرتج خايسه وكلاااااااااااام كثيييييييييييييييييييييييييير
شنو الحل معاه
صدقوني انا لاتهاوشت معاه احترمه ماغلط عليه بس اعطيه ذيج النظرات اللي فيها رفعة حاجب
ولاتنرفز وقام يغلط اقوله الحمدالله والشكر هدي هدي شفيك شاد حيلك يعني بطريقة تنقيد
بنات قولولي طريقتي غلط ولااهو قليل ادب ؟
يعني شنو يبيني اسكت انجعم مااعاتبه بأي شي ولااتنقد اي شي اخاف بعدين يدوس على راسي ولايحسبلي اي حساااب
قولو شراااايكم؟؟؟؟؟؟؟؟

حبيبتي انا طليقي كان جذي وكان بعد يقول اكثر من جذي كااااااان يدش بشرفي وانا ماكنت ادخل احد من اهلي بمشاكي فكان يزيد لما

الله فكني وتطلقت منه , حبيبتي لازم تقولين حق اهلج عشااااااان يوقفونه عند حده

الله يعينج حبيبتي

لا رفعة حاجب ولا عناد
تمسكني لين تتمكنين ، الزوج ما يبي له معاند
ولا تحطين راسك براسه
كلميه بأدب شديد وباحترام ولا تعاملينه بنفس الأسلوب ومع الوقت بتتلاشى هالكلمات

شوفي لمن يقولج جذي سكتي عنه لا تردين عليه عشان يستحي شوي بس تبين الصج اغلب الناس جذي لمن تعصب تغلط كل شي تقول بس بعدين لمن تهدي اعصابهم يتحسفون فهذا انا اشوفه شي طبيعي وفي ناس تعرف تتحكم باعصابها ما تغلط
الله يهديه

العاشقه هو خوش واحد يعني طيب وحنووون معاي بس مشكلته انه لسانه قذر مثل خرا حقيره معقده خايسه تفكيرج منحط يعني هالكلام وهالكلام يغثنييييييييييييييييييي
ماودي ادخل اهلي لانه اهو زييييين حيل وياي بس عنده هالمشكله وودي احلها برروحي فأبي منكم طرق تعامل

انا رايي من رايها و الله يعينج حبيبتي و يصلحه لج تقبلي مروري بس انتي هم صبري و طولي بالج

الحمدالله والشكر
مشكله الرياييل

اممممم انا كنت بقولج خلي اهلج يتدخلون بس انتي مثل ماتقولين اهو زين بس مشكلته وقت ما يعصب

الي ملاحظته اسلوبج حلو معاه يعني تنقدينه على نفسه وهذا شي طيب خلج على هالطريقه وشوفي شنو اخرتها معاه

طريقتج صح ولا تردين عليه ولا تكلمينه وصدقيني مرة على مرة بيتغير

انا بقولج شيى مرات احنا مانتكلم بس نظرات عيونا تعطى كلام عن الف كلمه

لاتنرفزينه زياده بنظراتج وحاجبج لاترفعينه اكو رياييل مايون بهطريقه بالعكس يزيدون وينهبلون
انتى سكتى بدون رياكشن

خلج عادى واذا هدا وهبط هنى نقدى على نفسه لان بوقت العصبيه راح يزيد اعصاب

بس اذا هدا كلمى وزعلى قولى له انا ام عيالك تقولى جذى ومن هلحكى ومثل ماقالو تمسكنى وتمكنى مدام زين حسافه صراحه وكلش كلش هدديه قولى بقول حق ابوى يتفاهم معاك شوفى شنو ردة فعله

صرآحة
معنه اهوه غلطآن ..
بس طريقتج و وصفج لنظرآتج وكلآمج له غلط غلط غلط
يعني انتي تنرفزينه زوووووووود ‘ لمآ يعصب لا تنرفزينه و خلي نظرآتج له نظرآت برآآءة وجنج بتبجين
ومدام انتي قلتي انه طيب وحنووون اكييد رآح يحن قلبه ولا يتحمل هالنظرآت

وعموما ترى الريآييل لسآنهم مآخذ على هالوضع
لانهم مع ربعهم يقولون هالكلآم على غشمرة @@ < معني ضد هالشي بس هذا الوآقع

واذا كآن هآدي وبعد ما تمر نوبة هالعصبية
قعدي معآه وقوليله صآرحيه انج تنجرحين من كلآمه لج
وقوليله انته تهين كرآمتي ما اتحمل ‘ انا زوجتك شرفك شلون ترضى لي هالكلآم القذر اللي تقوله؟
بس بهدآوة وبدون نظرآت رفعة الحآجب

وان شاء الله يهديه لج

من رايها حبيبتي
والله يهديه

تحاشيه كثر ماتقدرين ولاتردين عليه هو يقولج هالحجي عشان ينرفزج وتسبينه مثل ماهو يسوي ..
وانتي ركزي ع الجانب الايجابي زوجج طيب وحنون ومو دايم تتهاوشون يعني خلاص تقاضي عن اسلوبه
لان الرجال مو كامل وصدقيني مع الايام راح يتغير انتي بس لا تراددينه ولا تعطينه نظرات خلج بريئه
سوي نفسج تكسرين الخاطر عشان مايسب ترا الرجال قلبه مثل الطفل بسرعه ينقص عليه … ولا صفا الجو بينكم
عاتبيه باسلوب حلو واحرجيه …

السلام عليكم

أختي الغالية

الله يعينج بس يعني صحيح أسلوبه موشيء بس والله زوجج أهون من غيره في أزواج لسانهم أوسخ من جذي ويقطون كلام قذر يوصل للطعن بالشرف والعياذ بالله

والحل هو لا قال لج هالكلام ردي عليه بكل بساطة وبدون تعصب ولا رفع حاجب : أنا ما أسمح لك تكلمني بهالأسلوب والمفروض أن مستواك يكون أرقى من جذي . وطلعي من المكان وروحي مكان ثاني . وكرري هالتصرف أكثر من مرة وراح تشوفين شلون راح يتعدل أسلوبه .

شوفي اذا اهو زين معاج بس تشوفينه بدا يسب دشي دارج وصكري على روحج الباب وحقريه

حبيبتي لا تنرفزينخ زود بالنظرات والتنقد
ريلج نوعيته عرفتها
نفس اخوي
بس مرت اخوي اشطر منج
لاشافته طلع من طوره وقال يسب تسكت عنه ولا تحاجيه كلللللللش ولا نظرات ولا شي
ولا طخ وهدى تلاقينه اهو اللي ينقد على عمره
و ايي يراضيها وهني عاد اهيا تلعب لعبتها تقعد اتشره عليه بس هم باسلوب هادي و ذرب بعيد عن التحدي
يعني انتي يوم قلتيله شلون تهيني و اهلي و مادري شنو هذا كلام صح بس ماينقال وهو بقمة عصبيته
لانه بيزيد
لاطخ قولي اللي تبين