|
|
السلام عليكم ورحمة الله
شلونكم يابنات وشخباركم
حبيت تشاركوني حياتي السابقه والحياه الحين الله المستعان
اول ما انخطبت كنت طايره فيه وهو كان يعزني ويدلعني بس شوي جاف وتميت مخطوبه 9 شهور وكنا وايد نتهاوش بس فيه حب
تزوجت وحملت عقب شهرين وطبعا نفس المعامله
وبعد ما ولدت صار التغيير
دلعني دلع ماشفت مثله
طبعا على طول قاعد معاي في البيت على طول نسولف مع بعض ناكل كل وجباتنا مع بعض وكان يساعدني في كل شي في الغسيل والتنشير حتى مرات اروح بيت امي وارجع مغسل لي الثياب ومنشرهم
ومايرضى ابد ان اطلع السطح اشيل ثياب يخاف علي من الشمس والله
ويساعدني على ولدنا ولما يروح الدوام يتصل 3 مرات عالأقل والله
ولما ازور بيت اهلي او بيت ربيعاتي يتصل ويسأل عني
وماقصر معايمن سفرات وذهبان وهدايا ومايروح مكان الا لازم يرجع بشي في يده لي والله
وتميت في هذي الحياة الورديه سنتين ونص
والحين للاسف الشديد كل شي تغير
مانتكلم مع بعض الا اذا ابقي شي ومايكلمني الا اذا يبيني اسوي له شي
مايساعدني في شي مطلقا
وعلى طول برع عنده اشغال حتى ماعرف وين يروح ومتى يرجع
ولا وجبه نجتمع فيها دايما انا بروحي مع عيالي
وطاف يوم زواجنا ويوم ميلادي ولا حتى تذكر
وعلى طول ينتقد مايعجبه شي
وعلى اي شي يعصب
وانا ماعتقد بيرد نفس قبل ولا قادره اتأقلم مع الوضع الجديد
ماقول الا الله يهديه
وان شاء الله يرد لج مثل اول
ربيعاتي يعني حبايب قلبي او خواتي
جم صار على زواجكم
|
المشاركة الأصلية كتبت بواسطة كويتيه شقره
 هههههههههه ضحكني رد توته
ربيعاتي يعني حبايب قلبي او خواتي |
يسلموع المعللومه
لازم يتغيرون مره فيه اهتمام ومره عادي
الظاهر كنتي تمدحين رجلك كثير والناس ماتعطي خير
الله بهديلك زوجك وعليك بقيام الليل ولاتيأسين من رحمة الله
وخليك دائمة الاستغفار
وبشرينا اذا تحسنت اوضاعك
والله يصلح لج انشالله
تقربي منه يمكن ناطر منج شي
غيري بحياتج ترا مرات الروتين يقلب الواحد
لا تصيرين نكديه و تغشمري معاه على طول
والله يرده لج مثل قبل و احسن
ماسالتى مانقشتى بس جذى يتغير وانتى ساكته!!
وتدوم المحبة والسعادة عليكم