زوجي ضربني والسبب طليقته قولوا شلون اتصرف معهم

تزوجت مطلق له ولدين ولد وبنت اعمارهم بين 4 و6سنوات عند امهم يجون عند ابوهم في الويك اند كان زواج تقليدي وعائلي زوجي تزوج بعد طلاقه بسنتين طليقته بنت عمه وعلى كلامه صفحة ماضي وطواها سبب طلاقه مافيه تفاهم
مشكلتي اني اغار بقووة من حقي اغار كل اسبوع تجي تجيب العيال قلت له خلني اجيبهم قال لي
امهم تجيبهم صعبة اقول لها لاتجين
هي اصلا بتجي لان تزور عمها ابو زوجي وهي علاقتهم معها قوية وايد انا ساكنة معهم لازم بشوفها وبتشوفني وتشوف زوجي
داخلة طالعة البيت واحيانا تضل تتغدى او تتعشى بالله عليكم كيف اتحمل وجودها معنا وهي كانت زوجة لزوجي شاركته كل شي
زوجي عيبه عصبي من افتح معه السالفة يقعد يعصب ويصارخ ويقول لي كان وفرتي على نفسك هالتعب ولاتزوجتيني ؟؟ ذا كلام ينقال
من تجي عندنا اضل على اعصابي طول الوقت وهي مب راضية تتزوج على قولتها بتربي عيالها خايفة تكون تبي ترجع لزوجي واذا تبي ترجع ليش مارجعت من قبل ماحلى في عيونها الابعد ماخذته
افكار تودي وتجيب راسي بينفجر من التفكير
الي صار ان في يوم كانت عندنا ومتجمعين حمواتي وخالتي وعمي وزوجي فتحوا سالفة موقف كان في زواجها زوجي استرسل في الكلام معها وهي تسولف وتضحك
وقتها بغيت احذفها بمزهرية
تهاوشنا بعدين وشد وجذب بيتنا قلت له اذا تتصرفون جذي قدامي الله اعلم شنو تسون وراي
ماوعيت الابطراق قوي على خدي وهو يصرخ تحملت غيرج وجنونج اما ان تطعنين فى شرفي ذي مااسمح لج
واذا بتضلين جذي مب مجبورة تعيشين معي
لنا ايام علاقتنا باردة مجرد سلام وعليكم السلام لااعتذار لامني ولامنه لواهلي مب مسافرين جان رحت لهم
احبه وايد مااقدر اتحمل هالعذاب النفسي واعيش بخوف وبلاامان ان يرجعون لبعض

انتي غلطانة ، الريال اكثر من مر قالج مابينه وبينها شي الا العيال واذا كان يبيها ماطلقها من الاساس ،، ليمتى بتعيشين

روحج وبتعيشينه بنكد ،، لازم يصير عندج ثقه كبيره بنفسج وفيه حتى لو تتصنعين الثقه بس ترى هذا اهم شي انه يشوفج

واثقه من نفسج وانج عارفه مكانتج عنده ،، بعدين انتي قاعده تفتحين عيونه عليها اكثر …….ديري بالج

اذا يابت اليهال انتي زوري بيت اهلج او طلعي مع صديقاتج او لهي عمرج باي شي مو ملزومه تقعدين معاهم

ولا تنكدين عليه بافكارج

مادري اللي تسوينه طبيعي إت أي زوجة تسويه لأن تصرف طبيعي ناتج عن غيرة زوجة تحب زوجها
مع إن غلط لازم تكونين أحكم من جذي بوااااااااااااااااااااااااااااااااااايد وتتصرفين صح وتكونين واثقة من نفسج
وحتى لو كان فيج شك المفروض ما تبينين بالمرة ولا تحطين سالفة الردة فبال زوجج
هذي نصيحتي وانتي بكيفج
موفقة حبيبتي والله يهدي زوجج ويخلي لج يااااااااااااااارب

انا ماالومج

بس شنوو بايدج تسوينه ..؟ بذكائج انقذي الموقف

فكرري لو يبيها جان بهالسنتين ردها

بس انتي لاتحلينها بعينه

هو طلقها بسبب المشاكل .. واخذج عشان يعوض حياته معاها بحياه احسن

لما انتي اتهاوشين معاه .. وتجي هي ويشوفها تضحك وتكشخ

شنو بيدور براسه .. ممكن يقول المره اعقلت وبينا عيال ليش ماارجع لها

فاانتي لاتعطين مجال .. حسسيه بالفرق .. ونسيه ريحيه ضحكيه اكشخي له

خليه بس يذكر قبل يقول فرق حييل

خليه يقول انا مو مجنون ارد لطليقتي واترك هالسعاده

ترا غيرتج من حقج .. بس ماراح تفيدج بالعكس بتزيد مشكلتج

فخلي هالغيره بنفسج لاتظهرينها

وهوني ع نفسج .. لاتنسين انها بنت عمه يعني معرفتهم فيها من قبل زواجه فيها

وكونها تجي لبيتكم ياعشان عمها وقرابتهم .. يالمره صج ودها ترد له وتراويهم انها سنعه وحبوبه

فلاااتعطينها مجال

اذا جت اكشخي وتقربي من خالتج وعمج

لاتعطين لاحد مجال يقول لزوجج ردها

خلي الكل يشوفج احسن منها

صدقيني مع الايام هي بتزهق وتنشغل

والا ماتفكر تتزوج لو غيره

لو هامها العيال جان حاولت تصلح زواجها قبل لا يصير الطلاق

وزوجج انتي ماشكيتي منه الا من هالسالفه

يعني يمكن يكون الطلاق بسببها

فاانتي صيري فعلا غير طليقته

وتعايشي مع الوضع كانه ولا شي

عشان مايصير بعدين شي

وموفقه يالغلا

الله يعينج ع الغيره تذبح : (
تحمليهاا حبيبتي لين تزوج او تمل وماعاد
تجيكم بنت عمه بعد ماتقدرين تمنعينها

،

كل ممنوع مرغوب لاتفتحين عينه عليها وهو حاط في باله مابينهم الا عيال ولاتحلينها بعينه ديري بالج والله يعينج

لو بدو ياها كان اخدها من سنتين ، وبعدين اكيد قبل ما ياخدك كانت تروح وتيجي بالسنتين هادي ،

بس انتي تصرفك طبيعي لانه اي وحده الها مشاعر وقلب رح تكون بردة فعلك ، وزوجك

مع احترامي الك ليش يقعد معها ويصير بينهم حديث قدام الكل؟ زوجك مفروض ما يقعد

بالمكان يلي هي فيه وانتي مفروض ماتقعدي معه احترام لنفسك وذاتك ، ومفروض اهله

يتفهمو هالشي انه لما تيجي ما تجتمعي انتي وزوجك فيها ، هي جاي تشوف العم مو الطليق .

حبيبتي لاتخسرين زووجك انا معك ومن حقك تغاارين

بس زوجك مو حاطهاا بباله بس انتي كذا تفتحيين عيوونه من جديد

حاوولي تراظيين زووجك ولا تفتحيين معه مووضوع طليقت مره ثانيه

وحببيه واجذبيه لك ونسيييه كل شي ..

الله يووفقكم

الله يصبرج ويسخره لج >>>امين

واااي واااي الله يعينج الريايل المطلقين ماوراهم الا المشاكل وعوار القلب

معاها والله يهديه ويسخره لج ياااارب

لاتحطين الشغله فباله
وبعدين شسالفتهم الرياييل على اي سؤال تكون اجابتهم طراق

الله يكون بعونج يااختي بس ياليت تتصرفين بحكمه وعقل مو تتصرفين بجنون لا يااختي بيني لطليقته انها لاقامت عندج ولاقعدت

وهم هشي بينيه لزوجج ادري صعبه عليج بس تحاملي على نفسج وخلج طبيعيه ومثل ماقالو العضوات لاتفتحين عيونه عليها