زوجي العزيز خالتي العزيزه لا اطيق العيش معكــم !!

ياناااااااس اكرههم ما احبهم !!!!!! ليش ما ادري .. الحياه تغيرت علي .. عمري 21 سنه واحس من تزوجت ان عمري 40.. مادري ليش احس اني اكرههم . استانس اذا رحت لهلي .. نفسيتي تعبت تعبت حتى الحمل ما حملت .. احاول احمل يمكن شي يتغير .. ياربي زهقققققت

هو ليش ؟ متزوجته تقليدي؟ مجبوره فيه ؟ كارهه صفه فيه ؟ مشاكلكم وايد!!!
ماكو نار من غير حطب

اسم الله عليج حبيبتي تعوذي من ابليس واذكري الله

ودايما ادعي ادعيه تحببج فيهم وتحببهم فيج

غناتي انتي ماذكرتي ليش ماتحبينهم شنهي الاسباب

لين ذكرتي اسبابج بتعرفين ان شاء الله الحلول

حبيبه قلبي الزواج مب لعبه والطلاق بعد مب لعبه

الله يوفقج حبيبتي

تكرهينها اوكى ممكن نتقبلها
بس تكرهين زوجج قوية

اي صح كلام البنات ليش تكرهينهم انتي متزوجه غصب ولا شنو
استغفري ربج وتعوذي من ابليس
ولا تفكرين الحمال
لان لما تعرفين انج تحبين زوجج
مو تغير
باجر تظلمين ريلج والبيبي
والله يهديج

مايصير تكرهينهم بدون سبب لازم يكون في سبب

فضفضي لنا كلنا اذان صااغيه اقصد عيووون مفتحه

بنتظااارج

خليج مع الذكر والقران والله بغسل قلبج عليهم …
بس وش الاسباب صدقيني احنا في زمن ماحد يتحمل احد …
بس لازم نرجع لربنا وندعي ان الله يهدينا ويصلح حياتنا ويبعدعنا الكراهيه والبغضاء لان هالشي من اعمال الشيطان …
واعوذ بالله من الشيطان الرجيم …

عادي اختي ماكو حياة اساس بنائها الحب
ياما ازواج عايشين ويا بعضهم ماكو حب يمشون حياتهم بس00

الا اذا فيه صفات تخليج ما تحبينه
الله يهدي سركم

يمكن انج للحين ماتعودتى عليهم وموضوع الحمل ماثر فيج وتطلعين الحرة فيهم

شلون يعني تكرهينهم ؟؟

ممكن توضحين مشكلتج اكثر ؟؟؟؟؟؟؟؟؟؟؟؟

تدرين طلعت من الموضوع ورجعت مرة ثانية !
الباط جبدى تبين تحملين؟شلون تبين تحملين من واحد تكرهينه شلوووووووووووووووووون؟؟

تكفين شلون تقعدين انتى وياه بمكان واحد وانتى تكرهينة؟
أول شى انتى فاهمة معنى كلمة أكرهه؟
اذا فاهمتها مصيبة

لاحوله ولا قوة الا بالله
اكيد في سبب للكرهه

زوجج بلعناها خالتج شكو المسكينة حبيبتي وضحي اكثر
مو معقولة ما في سبب يخليج تكرهين ريلج

ياريت حبيبتي تتكلمين يمكن نقدر نساعدج