|
|
السلام عليكم شلونكم بنات
انا مشكلتي مع زوجي بخييييل معاي يعني مصروفي
ما يعطينياه الا لما اقوله ويعصب حييل ومصروف
هالشهر ما عطانياه وكان عندي عرس اختي كلمته
قلت ابيك تعطيني مصروفي وابي فلوس حق
الصالون قال ماراح اعطيج حق الصالون بعدين قلت
ليش انا محتاجه وبعدين بس زيدني هالشهر لان
عندي عرس اختي واهو قال ماراح اعطيج فلوس
الصالون قلت اوك عطني مصروفي بس قال اوك
وبعدها مادق علي كلش استغربت ودقيت عليه مايرد
وادق وادق بعدين سكر جهازه بعدين انا استغربت
قلت يمكن صار فيه شي ليش مايرد وكلمت اخته
اسألها عنه قالت موجود عندي عاد انا طنشت ونمت
عند اهلي ولما قعدت دزيت له مسج ابي مصروفي
بروح الصالون مارد علي وغلق فونه عاد رحت خذيت
من امي وزعلت عليه بعدين دق علي لما خلص
العرس ورديت عليه قلت وينك من امس وانا ادق عليك
وماترد كل هذا عشان ماتعطيني مصروف قال خلاص
راح اعطيج وتأسف مني بعدين رديت معاه وانا حاطه
فبالي ان راح يعطيني مصروفي وكنت انطره
وماعطاني شي بعدين سافرنا ورحنا السوق قالي
اشتري اي شي تبينه من اهني انا دفييييع عاد انا
استانست قلت الحين باخذ اللي ابيه لان ماعطاني
المصروف دشيت h&m واسعاره رخيصه مو غاليه
خذيت 2 نفانيف اعجبوني قلت له ابي هذيل قال اوك
بعدين شفته ردلي قال هذيل اثنينهم ب 300 ريال
غالي قلت شنو؟ غالي بالعكس شويه 300 ريال قال لا
غالي قلت انا ابيهم عاجبيني قال لا ردي واحد عاد انا
ضحكت وانقص وجهي قلت لا خاطري فيهم اثنينهم
وبعدين مايغلى علي قال غالي 300 قلت ليش جم
بالكويتي قال 25 دينار قلت شويه قال لا ردي واحد
عاد انا تفشلت ورديت واحد وحيييييل حز بخاطري
واهو حيييل يدقق بالاسعار ويتهاوش بالمحلات اذا
الاسعار غاليه ومانزلوله بالسعر انا اتفشل اول مره
اشوف شخص جذي وذاك اليوم سألني قال انتي
تشوفيني انا بخيل قلت بصراحه اي انت حيييل تعصب
اذا جبت طاري الفلوس قال اي لان انا على قد حالي
اهو معاشه 1250 واحنا ساكنين مع اهله يعني
ماعنده اجار وماعنده مسؤوليه ولا عيال حتى ماجله
البيت مايشتري وانا كل مره اشتريله هدايا واهو
مايشتريلي شي وكل شي عنده غالي اذا في شغله
ب5 دنانير اوووف حيييل غالي عنده حتى حق نفسه
مايشتري وقلتله انا كنت محتاجه بعرس اختي
وماعطيتني مصروفي وانا كنت زعلانه عليك بس رديت
لك قلت يمكن تعطيني مصروف بس ماشفت شي
قال لا انا ع قد حالي اعطي امي 100 وانتي 100
وعندي اقساط 180 قلت لا مو على قد حالك وقمت
وخليته وتوقعت يستحي على وجهه ويسحب فلوس
ويعطيني بس كلامي ما اثر فيه حتى ذاك اليوم شرا
ذبيحه ب80 بعدين جاني قال انا تحسفت اني شريت
ذبيحه لو موفر فلوسي احسن انا انصدمت قلت شنو
هذا وربي يا بنات اني كله اخذ من امي اهو ما
يعطيني وانا الحين فبيت اهلي ما ارد عليه زعلانه اهو
فيه سلبيات غير البخل بعد 
واحنا صاارلنا 6شهور متزوجين حتى مايدلعني ومايشتريلي شي
ضحكني موضوعج
انا ماعتقد زوجج بخيل
اهيه وحده من اثنين
يا انه مايبي يعودج علي حياه البذخ
يعني مايبيك كل شوي تقولين له هات هات
واسمحيلي بهالكلمه
زوجج معاشه قوي ويقدر يشتريلج كل اللي تبين حتي مصروفج بالنسبه لي اعتبره قوي لان ماعندج عيال
بس مثل ما قلتلج زوجج مستحيل يكون بخيل بس حط في باله او احد مدرسه ان المره اذا عودتها تصرف من مصروفها راح تفتك من حنت عطني وعطني كل شوي
اما السبب الثاني احتمال زوجج قاعد يجمع حق شي
وبعطيج طريقه حيل حلوه تقدرين تكتشفين فيها اذا اهوه قاعد يستثمر اموال باسهم او اراضي
مو تروحين وتقولين له يافلان فلوسك وين تطير !!!
لا علي يوم يكون مروق قعدي معاه وبكل هدوء قوليله تصدق يافلان ….انا الاحظ ناس واجد في عايلتنا يستثمرون ويشترون اسهم واراضي ما شا الله احس هالشغله ذكاء فعلا الواحد لازم يطالع جدام ويامن مستقبله ومستقبل عياله…وتمي امدحي وامدحي هالشغله راح تلقين زوجج يا انه يقول ياليت معناتها فعلا ماعنده او راح يعترفلج ويقولج انا مسوي استقطاع او مجمع عشان مشروع
اهم شي عطيه الثقه عشان يفتح قلبه لج
والله يسخرلج اياه
شنو على قد حاله؟
الله يعينــج ويهديه لج …..
ويي طبع خااايس الله يعينج
طيب انتي اشتغلي شيلي نفسج ولامنته
شنو ع قد حالة مااشاءالله معاشة راهي يقدر يصرف ويعطيج اكثر
من 100 دينار حاولي تكلمينه وتضغطين عليه لانه هم مو حلوة تاخذين من أمج ؟
اكيد أمج تسألج وين ريلج ليش مايصرف عليج مو حلوة بحقج
واهوه مسؤول عليج لايصير بخيل عوديه مو تسكتين كلميه ..
والله يعينج