|
|
هاي بنات شخباركم ابي رايكم بحل مشكلة اختى المسكينه معوره قلبي وما ادري اشلون اساعدها.
القصه انها تزوجت واحد حلال وخوش ريال ومتجه حق ربه وصلاته بالمسيد وعايشه معاه حياة زوجيه عاديه في بعض المشاكل بس عادى تمر على كل اثنين وعندها منه طفلين ، المهم المشكله صارت مؤخرا يوم من الأيام راودها تفكير ان تتعبث بالنقال الخاص فيه جان تنصدم بمسجات حب وغرام من الطرفين مع بنت خالته انصدمت طبعا وواجهته جان يقولها انها بس مجرد تمثيليه بينه وبين بنت خالته عليها لأنه اهوى حاس انها ما تغار عليه والمشكله انه بنت خالته متزوجه وعندها اعيال المهم طافت السالفه على هذا الأساس وحاولت انها تنسى الموضوع وتعوضه عن النقص الى اهوى حاس فيه وحتى بنت خالته قاعده تحاول تجاملها لى شافتها .
ويا حبايبي تنعاد السالفه مره ثانية وتطيح على مسجات مره ثانيه بتلفون ريلها ويحلفلها ويتكفر انها بس مجرد بنت خالتى وما بينا شيء ، ساعات تلفونونات او مسجات والحين اهيا عند اهلى قاعده بحسرتها مع اعيالها ، ولأ اتصلت فيها وتهاوشت وياها لو انه كلامه صح جان ما انفعلت البنت والشيء الى مينني انها متزوجه قبله وعندها عيال اكثر من عياله ماني عارفه اشلون اساعد اختى
ارجوا منكم يا بنات تساعدوني برايكم
خليها تشد حيلها بالدعااااااااااااااااااااااااااااااااااااااااااااا اااااااااء وقيااااااااااااااااااااااااااام الليل والمناجاة ترى ماراح تلاقي علاج غير الدعاء عسى الله يهديه ويهدي بنت خالته
صح مثل ما قلتي ماكوا احسن من الدعاء لله
أختي العزيزة ……. المفروض أختج ما تترك بيتها لاي سبب كان لان هذا مرح يفيدها بشئ
ترجع بيتها وتدير بالها علي عيالها وبيتها وتفكر عدل شلون تخلي زوجها يترك بنت خالته
أه ….. ذكرتيني باختي اللي تزوج عليها زوجها بنت بنت خالته أي والله وكانت مطلقة وعندها ولد والمشكلة أختي كانت تعاملها مثل الاخت واكثر بس شنقول حسبنا الله ونعم الوكيل
أهم شئ لا تترك بيتها …… أخي لما زعلت وردت بيت أهلي تزوجها عليها
خل تدير بالها وتفكر شلون ترده لها
والاخوات ان شاء الله مايقصرون
اولا اختج غلطانه لما اتركت بيتها وجت واقعدت عند اهلج لان جذي زوجها بياخذ راحته معاها ويمكن تتطور الامور اكثر من جذي
ثانيا اختج غلطانه انها تعاملت مع الموضوع اول مره بتسيب وخلت زوجها يحط فباله انها غبيه مع احترامي لج ولها لانها صدقت الجذبه وطافت عليها (اسفه على لفظ غبيه بس منبطه جبدي)
ثالثا اختج غلطانه انها ما واجهت المدام الي ماخذه راحتها والمفروض توقفها عند حدها يعني لو صاير الموضوع نفسه مع المدام شنو بتكون ردت فعلها
واخر شي اقول ربي يفرجها عليها ويهون عليها هالمشكله
ياربي حسبي الله عليه وعليها وعساهم يحترقون بنار جهنم اذا استمروا بالهطريج
وعليها بالدعاء وليالي القدر يايه ………………عسي الله يفج عوقتها يارب
لوعوا جبدي ويع
الله يكون بعونها ياريت تحاول تتمسك ببيتها وماتخليه لها
ماقدر اتكلم اكثر لانه لو اكون مكانها مادري شبسوي
لا حول ولا قوه الا بالله
وتقول لزوجها اذا ما تسنعت والله لاعلم اهلك وابوك وامك وبجذي يخااااف ليش لان السالفه تفشلللللل بنت خالته ومتزوجه واكيد بيوقفون عند حدهم عن الفضيحه
انا اقول خل تشخل البنت هذي وتهدد بزوجها واهلها وشوفي شلون … وسجلي كلامهم ومسجات عشان يصير عندج دليل وما يقولون عنج جذابه جدامم اهلهم
انا من رايى ان بعد اختج غلطانه اللى هدت بيتها وريلها علشان نزوة زوجها
وغلطانه اكثر يوم صدقته انها تمثيلية
المهم
بنت خالته متزوجة هذا اهم شىء وعندها بيت ويهال واكيد قاعدة تلعب من ورى ريلها
خل اختج ترد بيتها وتجمع الادلة اللى تدين هالمره اللى ما تخاف من ربها وتهددها انها راح تفضحها عند زوجها الغافل وطبعا من ورى زوج اختج يعنى تسوى الموضوع مع بنت خالته
وهو يجى حسابه بعدين
بس اهم شى لا والف لا تترك بيتها وتخلى القرعة ترعى عدل
او اذا تبى اسلوب ثانى يحسسه بالمسؤلية خل تقط عليه اليهال يومين بس وهو راح تطلع عيونه
وبعدين يقدر قيمتها
مسكينه الله ياجرها
بصراحه مادري شقول ..بس خل تمسك اعصابها وتوسع صدرها وطول بالها ..وتقعد معاه وتسولف وياه وتوضحله انه تدري بكل شي بس انها مو راضبه عن هالشي بس لاتبين له بطريقه مباشره..وبالتفاهم كل شي يصير
ادري انها صعبه بس الله وياها انشالله
وخل تصبر والصبر مفتاح الفرج..ومن صبر ظفر
عسى الله يهديه انشالله ويبعده عنها يارب
وعليها بالدعاء وحنا بهالشهر الفضيل ….
وعسى الله يهديلها زوجها انشالله