زوجها يبجي بنص الليل شنو الحل برايكم؟

مساء صباح الخير

بنات بقولكم سالفه رفيجتي و ابي نصايحكم علشان اقولهم اياها و اهي اكيد بتشوف الييقنعها و يناسبها
هذي البنيه حبت واحد من ٤ سنين تقريبا على اساس انه يتزوجها بس صارت مشاكل بينهم و قالتله لو ريال وخر عني ما ابيك المهم الريال فعلا وخر و تزوجله وحده ثانيه و ياب منها ولد و طبعا رفيجتي انهارت لما درت و شكثر يوها خطاب ما توافق.. المهم الولد الي يابه طلع فيه مرض شي بالتنفس على اساس يوديه امريكا بس الله ما كتب و مات البيبي عمر بالاشهر و بعدها بفتره قصيره طلق المرا لان صارت بينهم مشاكل لانها كله تقوله انت السبب لانك ما لحقت عليه و انت اهملت ولدي و جذي
المهم راح عقبها بفتره قصيره خطب رفيجتي و طبعا وافقت عليه الحين بيكملون ٦ او ٧ شهور مع بعض بس مشكلته انه كل يوم تقريبا يقد بالليل يبجيلها انه اهو السبب ابموتت ولده و انه اب مهمل و انه ما يستاهل انه يكون اب و من هالجحي.. السؤال الحين تهقون لازم البنيه تحمل و تييبله ياهل؟ او انها تنطر و تحاول تعالجه من هالحاله؟ مع العلم انهم بس يسافرون و يغيرون جو ينسى الموضوع شوي و اول ما يردون تردله نفس الحاله و اهي ما يابت طاري حق ولا اي انسان و مو مقصره معاه بالعكس تحاول تهديه بكلامها الحلو و يرد ينام بس تقريبا ٥ او ٤ مرات بالاسبوع يقعد من النوم جذي

ايه لازم تساعده شوي شوي وتهدي باله وما تزن عليه
لان شيس واضح تعرض لازمة نفسية قوية
وضروري تغيره جو بالبيت والسفر وتشغله دايما وتدعي لربنا لان هو الشافي المعافي
وتدعي من قلبها له انه ربنا يسخره لها ويهدي باله

الله يعينها

ما عليه خل تطول بالها شوي
و الله يهديه
اهيا جست نبضه اذا اهوا يبي عيال ؟
و لا مأجل الموضوع ليمن تتعدل نفسيته ؟

اللهيرزقها بالعيال اللي يعوضونه الضنى غالي

اي خل تحمل وتنسيه وتحمله مسؤولية البيبي الجديد عشان يمكن ينسى

و نصيحه لااااااا تقول لاي احد من اهلها او اهله عن حالته خل تعالج امورها بنفسها وتستر عليه

مو حلوه تقول يقوم بنص الليل يبجي

واذا فيها فيها خل تعرضه على دكتور نفسي بس هاااااه لا ياخذ علاجات ولا شي

بس يفضفض ويرتاح

خل تهاديه
تفهمه انها كتبت اللهوهذا قدر ولده مكتوب انه يموت
وتقوله مافات شي تونا بااول العمر بنيب بدال الياهل 10 وكلهم بتعوضهم

لا حبيبتي لازم تحمل وتييب بيبي لان هشي الوحيد الي بنسيه
ويمكن ما ينسى بعد بس ع الاقل يلهى
وثاني شي اهيا لمن تكون حامل راح يستانس وبهالفتره راح يقوي نفسه ولمن ييب بيبي صدقيني بيسانس واهوا راح يعالج نفسه

خليها تحمل علشان تعوضه وينسي ولده اللي مات ووبعدين شفيع له وهالشيء مو بيده وهذا الي الله كتب له المفروض يكون قوي ايمان

خل اول شئ تعالجه بعدين تحمل يمكن اذا حملت وهو بهالحاله تزيد عليه

حرام !!

كسر خاطري والله !!
مدري الله يعينهم ويصبر قلوبهم ويرزقهم بالضنا اللي يدخل الفرح بقلوبهم يارب ،

الله يعينها ويصبر ريلها على فراق الضنى

مشكورين بنات اهي تقول انه ولا مره طلب منها الا ايام الملجه قالها انا ودي تيبينلي عيال و اكون انا ابو عيالج و انتي امهم بس عقب الزواج كلش ما يب طاري و اهي خايفه تحمل و السبب انه تسوء حالته او يصير وسواس بس ما اتوقع انه يتقبل انه يتعالج او يروح حق طبيب

الافضل انها تروح تستشير دكتور نفسي لانه ادرى بهالامور دام انه ما راح يتقبل او
يرضا يروح لاي دكتور
وتكون هي وسيلة المساعده نفسها بدون مايحس زوجها ومنها تستفسر من الدكتور ان في حالة حملها هل
راح يتعب اكثر او عادي راح يلهى بالبيبي ويخف جرحه من السالفه القديمه ؟؟

الله يوفقكم ويهدي سركم ويشافي زوجج يا نظر عيني