زوجك وجميلات التلفزيون تغارين ؟؟؟

قوه بنات
بدخل ع الموضوع سيده
لاحظت ان الازواج طايحين بحركه باااااايخه
يقعد يتغزل بمذيعه ولا ممثله بدون اي مراعاة لمشاعر زوجته
كأنه يبي يحرقها على نار هااااااديه ويبي يجرحها بشكل غير مباشر
بنت خالي طلبت الطلاق من هالحركه زوجها يتعمد يجرح مشاعرها ويقلل من اهميتها ويجرح انوثتها
يحسسها انها ولا شي عشان ميريام فارس وتخيلوا البنت احلى مافيها شعرها جناااان ناعم وغزير وطويل وبدال مايتغزل فيها ويقولها ياليت شعرك مثل شعر ميريام

كل الناس يلومونها ويقولون وش هالخبال طلاق مره وحده بس انا بصراحه مالومها ماقدر اعيش مع واحد يحسسني اني ولا شي حتى الشي الحلو فيني مو مالي عينه
مادري اذا بالكويت عندكم هالحركه بس السعوديين اغلبهم يسوون هالحركه اذا بيقهرون زوجاتهم
لاااا وكل واحد منهم له ممثله ولا مذيعه مهووووووس فيها يدور بأي قناة تطلع ويدور اخبارها بالانترنت
بصراحه شي يقهرررر
كل وحدة تمر بنفس هالحاله تفضفض

اهو غلطآن اكيد دآمه مآ احترم مشآعرهآ
بس اهي هم المفروض مآ تسكت
طبيعي يتمآدى انآ ريلي مثلآ مستحيل يسويهآ
لان يدري مآ رآح اسكت
يعطيج العآفيه

انا عن نفسي الحمدلله ريلي عمره ما سوا جذي بالعكس كله ينادي بالبيت باسكال ( يقولون اني اشبه باسكال مشعلاني )

والحمدلله ريلي يشوفني احلى وحده بالدنيا

لوووول
خليه يتغزل يعني طايل منهم شي
بيحط حرته فيني
ثانكس قلبي على هيك مواضيع

هههههههه ردودج اتينن

عندي اللي يسوي جذي مايستحي …,
وزين تسوي فيه خلي ميريام فارس تنفعه …

انا مره انقهرت منه لمن مدح ديانا كرزووون..

يقوول بنت ال … ولا يبييين عليها انها كانت دبه ونحفت …

انا انقهرت بس سكت .. لاني ادري انه قايلها من باااب السوالف بس … وهم عشاان ماابين اني ناقصه عقل واغااار من اشيااء سخيفه كذا ؟؟؟؟

ياحليلي عااقله خخخخخخخ

الثقة حلوة ومطلوبة

لوووووووووووول

خل يذبح عمره واهوا يفكر فيها ويطالعها شدعوه بتطل بويهه عاد

بس انا طبيعتي مو غيوره بهالاشياء اغار عالاشياء الي تسوى بس

ونفس ماانا لي ممثل اموت بشكله واحبه عااادي خليه يحب وحده شنو المشكله

ولاتنسون شي الله جميل يحب الجمال وخله يطالع وانا موجوده احسن

اب اب

انا زوجي الصراحة مايسوي هالحركة ولو يسويها عادي عندي خلي يمدح فيها من الحين لباكر يزيد فيها شي لو بينقصني شي زاثقة من نفسي

انا ريلي كان كله يمدح انجلينا جولي جدامي و يقولي ليكون عبالج انتي انجلينا جولي وانا مادري؟؟؟؟ و لمن زعلت يسوي روجه يتغشمر واانا ادري ان من صجه

سويت له سالفه و قلت له اذا مو عاجبتك ردني بيت اهلي

و قلت حق امي ان كله يضايقني بهالكلام و انا مابيه و امي كلمته و حده تحسف

و الحين حتى لو تعجبه وحده ما يتجرأ يقول عنها شي جدامي

الله يهدي الرياييل ..

صدق بعضهم يرفعون الضغط ><

::

::

مادري اذا بالكويت عندكم هالحركه بس السعوديين اغلبهم يسوون هالحركه اذا بيقهرون زوجاتهم
لاااا وكل واحد منهم له ممثله ولا مذيعه مهووووووس فيها يدور بأي قناة تطلع ويدور اخبارها بالانترنت
ليه عايشه في البيوت السعوديه كلها علشان تحكمين عليهم كلهم
يمكن المحيط اللي انتي عايشه فيه يسون كذا
انا الحمدلله زوجي ماعمرها مدح احد عندي ولا اشوف اخواني يسون مع حريمهم كذا
تقبلي مروري

حليمه المشكله ههههههههههههه
ابتلشنا فيها هالبنيه لووووووووووووول

انا الحمدلله مكرم زوجي عنهم .. لا يتغزل و لاشي

يشوف و هو ساكت .. و ماحس انهم يهزونه

حتى لو فرضنا شفت فيه عيون الاعجاب .. مايهمني ابد