() زوجة مع وقف التنفيذ .

ملحوظه قبل ماتقرين لازم تعرفين :-
اني كتبت وانا مادري شنو اكتب يعلم الله اني مهمومه ومن غير تفكير فتحت صفحة موضوع جديد وقعدت اكتب فأعذروني لو كان كلامي غير مفهوم اعتبروها خربشت طفله لاتفهم اي شي او اعتبروها فضفضة لا اكثر ولا اقل

بخاطري ابجي مثل هالطفلة يمكن اطلع الى بقلبي وارتاح
مو قادره اكتب مشكلتي لكن بخاطري فضفضة يمكن يمتد صداها والاقي اجوبه لاسئلتي

ليه لما الزوجه تصون بيتها وتحب زوجها وتحاول قد ماتقدر تريحه وتكون الزوجه المطيعه المريحه المبتسمه تلاقي الزوج يصد يجفى يترك من غير اسباب

والقهر لما يوديج لبيت اهلج زياره عاديه وتحسين انج وانتي رايحه ان هالشخص بايع من غير اسباب وتنقلب الزياره لإقامه دايمه
لاتقولون ليه هالزوجه ماسألته وينك وليش ماجيت تاخذنا للبيت لانها من مده واهي حاسه ان هالزوج بايع بس ماله وجه يقول ما ابيج لانج زوجه حنونه ما ابيج لانج زوجه مطيعه ما ابيج لانج زوجه ساعدتيني وقت ازمتي المالية

كلمات لي زوجي

المسمار اللي ما يتحرك يصدأ والمشاعر التي ما تثار تتلبد يازوجي

ها اذا انت تغير كل مافيك من مشاعر و قسى قلبك وجف بحر حنانك

ونسيت تلاعب وتلاطف وجداني

ها اذا انت تسيئ التعامل معي مع الانسانه

الانسانه الى ياما عطت من صحتها

وعطت مع عمرها وفلوس

كنت لك شهرزاد يمكن تكون لي شهريار لكنك كنت لي السياف

كنت لك الذهب يمكن تكون لي الفضة لكنك كنت الحديد

اضحكتك ايام يمكن تضحكني لحظات لكنك بكيتني اشهر

صحيح من قال افعل خير تلقى شر حكمة وصدق فيها يازوجي حكيم

عطني دلايل للتجافي وتبرير وشنو الدافع الى يخليك تعيش في جفاي

آه يا زوجي لا حشى ما جاك نقص وتقصير ولاهتوقعت ان منك هذا جزاي

واذا كانت هذي نيتك واصل بحياتك تلقى وانا القى من بيجبر عزاي

ماعاد فيه وقت للاسف والمعاذير واصل جفاك ولاتفكر بارضاي

قلبي خلص الى ياما شاف منك التعازير والى صار لي منك فيه الكفاي

اسال الله العظيم رب العرش العظيم ان يفرج همج

بس وانا اختج طنشي العمر مرة

غلا تعرفين والله اني كنت ماسكه نفسي بس مادري ليه من شفت دعوتج ادموعي صارت انهار

آمين الله يسمع منج

بجيتيني

الله يعينج ويفرج همج
ويعوضج خير يارب
اذا عندج عيال تماسكي عشانهم
اذا ماعندج تماسكي عشان اهلج
وبالاول تماسكي عشان نفسج

حبيبتي
خيولي الحياة ماتوقف عليه
وعوضج عند رب العالمين اجر عظيم باللي بذلتيه
لاتتضايقين انتي تستاهلين الاحسن
وحسبي الله ونعم الوكيل ردديها ومايحصلج الا الخير

ياعمري يا جنان من شفت الصوره تمنيت انا اللي ابجي مكانها يمكن يطلع ربع اللي فيني
بس شقول خليها على الله وعسى ربي يفتحها علي وعليج ونلقاها عند رب العالمين
حسبي الله ونعم الوكيل بكل ظالم

ياقلبي فديت دموعج الى غسلت همي

المصيبه ان توني والده وجايبه بنت تشلع قلب الى ماله قلب الا ابوها ماحركت اي احساس فيه

صح الحياه ماتوقف عليه بس حرام اني ضيعت عمري عليه

وصدقتي الله عوضني بارنوبتي بنتي فديت اترابها

الله يسمع منج يا قلبي ويهون عليج ويعوضج احلى اياااااااااااااام عمرج قولي امين

والله ياحبيبتي اني انسانه غشمرجيه ومرحه حدددددددددددددددي وماكنت اعرف للحزن طريق بس الله يسامح الى كان السبب

ونعم الله اي والله اني اقط احمالي واوكلها على الله وارتااااااااااااااح

الله يسعد قلبك ومايكون للحزن فيه مكاااان يارب
انا مره قريت جمله اعجبتني (( الزوج هو شريك في الحياه فقط وليس هو الحياه بكاملها ))
وانتي قلتيها ربي عوضك ببنتك الله يحفظها لك انتي اهتمي بنفسك واشغلي نفسك باشياء تطورين فيها ذاتك ولا تخلين الزوج شغلك الشاغل …
ترى الحزن والتفكير السلبي والله مايجيب لك غير التعب والظغط ولا تنسين ان فيه اموره بحياتك ماتبغى تشوفك الا فرحانه ومستانسه وقويه

وخليها على اللي عينه ماتناااااااااااااااااام وادعيه واستغفريه وان شاءالله حياتك تتغير للافضل

فديت دعائج الى يثلج الصدر ويريحه

معاج حق بس مرات الانسان يتغلب عليه الحزن الله يبعد عني وعنكم الاحزااااااااااان

أسأل الله العظيم رب العرش العظيم ان يفرج همك ويذهب غمك ويجازيك بعد الصبر احسانا

عورتي قلبي والله يفرجها عليج ….