زواج الخليجية من زوج عربي مو خليجي

السلام عليكم ورحمة الله وبركاته
كويتيات خواتي العزيزات صراحة انتن حيل تريحون الواحد اذا بغي يأخذ رأيكم في شيء
خاطري تقولون لي وجهات نظركم في موضوع زواج الخليجية من زوج عربي مو خليجي
الله يسلمكم أنا يتقدمون لي كثير ريايل من دول عربية مع احترامي لهم جميعا والنعم فيهم بس مو مقتنعة في اني اتزوج من عربي
على الرغم من انه فيه واحد عربي نعرفه اهو وعايلته من سنين مسكين اهو حيل يحبني وراغب في الزواج مني من زمان ولهذا اليوم خاطره في ان اكون زوجته والله يابنات اهو الولد خلوق ومحترم ووضعه المادي زين بس اهو يبغاني اسكن معه في دولته بس انا مااقدر اعيش بره انا عادي عندي اعيش في دول الخليج واتزوج خليجي بعد
اخوي ايقول اختلاف العادات والتقاليد والمعيشة راح تأثر عليج سلبا ومع الايام يمكن ماتقدرين على العيش بره الخليج وانا اعرف نفسي مااتحمل وافكر في مستقبل عيالي ان يكونون غير عن جنسيتي الخليجية

ماادري يابنات انتو شنهو وجهات نظركم في زواج الخليجية من زوج مو خليجي هل عادي هذا عندكم ؟
وهل تتحملون العيش في غير دول الخليج ؟
وهل هذا يأثر على مستقبل عيالكم من جميع النواحي؟
على العلم من عيالنا الخليجين اذا بيتزوجون من بنات الدول العربية ماعندهم مشكلة عكسنا احنا

حبيبتي انتي ابخص بحالج

وانت اصلا مو مرتاحة لهذا الزواج بالرغم انه يحبك وانتي عندك ان الحب مو كل شي

انتي شوفي نفسك تقدرين تعيشين نفس عيشتهم

فصلي استخارة وربي يوفقك

الريال الخليجي يقعد في ديرته مع زوجته الغير خليجية بس الخليجية لا ,تضطر انها تعيش في ديرته و كل ديرة تختلف حتى لو كانت خليجية وحده تصيرلي ماخذه اماراتي و عايشة معاه هاك صرلها 11 سنه الحمدلله مرتاحه بس مهما كان اسمها غربه عرفتي بس انتي تقدرين تشرطين انج تقعدين في ديرتج معاي وحده بالدوام ماخذه لبناني و عايشين بالكويت من 20 سنه تقريبا و مرتاحين الحمدلله

أنا رايي من راي أخوج ..
هما عاداتهم غير عن عاداتنا وطبايعهم غير .. اوكي حتى لو واحد زين بس هم يبقى في اختلافات بوايد شغلات ..
والعربي وين مايروح مرده بيرجع ديرته فليش تبهذلين نفسج

لا انا كلش ما أأيد هالشي

احس في بهدلة حق الخليجية و حلات الثوب رقعته منه و فيه

وعليكم السلام ورحمة الله وبركاته

في مثل كانت تقوله يدتي الله يرحمها " اللي مو من دينك ما يعينك " ما قالوا بالمثل الاصل والفصل والجنسية

وبعدين في شغله انتي تقولين يؤثر على العادات والتقاليد وبالعيال ومستقبلهم انتي لا تنسين راح تتبعين زوجج خلاص البنت اذا تزوجت تتبع ريلها مو اهلها حتى لو بتعيشين برا . . . المهم طبعا اهوه حقوقج كزوجة ما تضيع من سكن ومصرف وغيره اما اذا على العيال ومستقبلهم لا تخافين اذا الزوج اولا يصلي واخلاقه عالية هذا اهم شي اكيد بيربيهم صح وبعدين اذا وضعه المادي ممتاز هم لا تحاتين

والله ولي التوفيق . . .

أنا ما اييد هالشي باجر صار ما صار لا سمح الله سحب العيال عنده بديرته ويتشتتون

مااااادري احس وااايد صعب
اوكي مثلا وحده كويتية تاخذ اماراتي او قطري (خليجي)اوكي
بس بره بره لااااااااااا

وكل واحد ووجهه نظره 🙂

أعرف وحده كويتية ودكتورة بعد تزوجت واحد مصري والحين عندها عيال
يعني في ناس عادي عندها
بس عن نفسي كلش ما أيد هالشي

انا خطيبي مب قطري لكن من نفس عايلتي ووافقت عليه لانه مناسب لي

يعني اهو مثلي بس فرق الجنسيه

ويعني انا اشوف اذا مناسب للبنت من حيث العادات والتقاليد وانه يكووون من اهلها مافيها شي لو وافقت

والله حبيبتي
انا متزوجه من واحد حتى مو عربي اصلا
بس امه كويتيه ومواليد الكويت المهم انه يكون شخص زين ويقدرج
دوم حطي هالقاعده ابالج تزوجي اللي يحبج مو اللي انتي اتحبينه
وهذا رايي وانتي كيفج حبيبتي هذي حياتج

ما أيد زواج الكويتيه من الاجنبي …يعني العربي على قولتج يمكن انتي ماعليج شر لكن اعيالج اللي بتجيبينهم مافكرتي بمصيرهم؟؟؟

حلات الثوب رقعته منه وفيه يا اخيتي ….يمكن ماتفكرين بهالشي الحين ماتفكرين بعواقبه بس بعدين بتحسفيييين واتقولين اخخخخخخخخخ ليتني ماتسرعت

شكرا لكم يابنات على هالردود ياللي تجبر الخاطر
اصلا احنا في المدينة ياللي عايشة فيها مافيه وحدة سعودية تزوجت عربي كلش من جيت على الدنيا وللحين ماسمعت ابدا
احنا ماادري يمكن الرفاهية ياللي عايشين فيها تخلينا ما نتحمل نعيش بره السعودية ماعدا دول الخليج نحن الخليجين نعتبر دولة واحدة تقريبا من حيث العادات والتقاليد والاعراف والمستوى المعيشي والرفاهية
اصلا انا لسافرت بره اقرب شيء مثلا سوريا مع احترامي لهم مااتحمل معيشتهم ابسط شي حتى سيارة مايملكون كل عايشين على التاكسي والميكرو باص واحنا متعودين ان البنت اذا بتتزوج شخص لازم يكون عنده سيارة حتى لو كحيانة وعلى قد حاله ويسكنها في مكان راقي ويأمن لها حياة كريمة

كلام اخوج عدل
صعبة تعيشين برة ديرتج وبعدين عن اهلج

انا ما اايد وحدة تتزوج غير عن جنسيتها

انا ماخذة عربي

عااااادي جدا .. بالعكس الحمدلله متهنية ومبسوطة معاه الحمدلله

وبالنسبة للاولاد ,, اهم شي ابوهم يكون ملتزم وفاهم .. يعني شخصيته انه يقدر يربي بطريقة واعية

اما الاولاد والبهدلة .. هذي ما اعتقد فيها .. لانه الحافظ رب العالمين في كل شي مو الجنسية

وبالتوفيق وين ما رحتي وين ما جيتي