زميلتة فى الدوام

مرحبا بنات اشلونكم شنو موقفج لما زوجج المحترم يشوف موظفة معة فى الدوام بالافنيوز وانتى معة ويوقف يسلم عليها وتسولف معهة عن الفلم اللى توه شافتة فى السينما ويعطونج طاااااااااف شنو ردت فعلكم يا بنات

والله ماادري شنو نيتهم

عن نفسي لو انا ادل وياهم بالحديث وما اعطيها مجااال
ولو بينهم شي من الي ببالج جان ماسلم عليها ولا كلمها جدامي
هذا يدل على حسن نيته وانه مافي بقلبه شي والدليل كل شي يسويه جدامج
صفي النيه

صفي النوايا على شان السفينه تمشي و ما توقف و ما سولف معاها من وراج !! و بعدين ليش ما شاركتيهم الحديث !!

حبيبتي انا زوجي كان بالجامعه كنت امووووووووووووووت حره اذا وحده سلمت عليه بره سواء بمجمع ولا شي بس الحين عادي تفهمت ونصييحه انتي حسسيه انج واثقه من نفسج وعادي سلمي عليها وضحكي لها ورحبي فيها اهو راح يستانس ويفتخر فييج طبعا انا اقصد اذا كانت مجرد زميله وانتي عارفه ريلج شنو اخلاقه وترى يبين. انا لم داومت عرفت ان الزماله عادي طول ماكان في حدود واحترام تصير بعض السوالف الخفيفه انا ريلي قام يستانس لم يشوف دكتورة او زمييله يعرفهم علي علطول ومره وقت الامتحانات كانوا يقعدون مده بالجامعه كنت اسوي حلو قهوه وحركات وكنت بيدي اروح واودي وكان يطييير

موقف عادي جدا وما فيه شي

لا طبعا مايسلم عليها الدوام شي وبرى الدوام شي ثاني والعلاقه لازم تكون رسميه ومحدوده بالدوام
برى الدوام ماتعرفه ولا يعرفها .. هذا كلام زوجي يوم سالته ..

والله عن نفسى ما صادفنى الموقف بالنسبه لى لمن اشوف زميل بره الدوام جنى ما اعرفه لانى سيده بالدوام ما عندى سوالف ضحك كله شغل بشغل اتوقع ريلى نفسى انا لمن اشوف زميلتى بالدوام مع ريلها بره ما اروح جان خاطرها تسلم تينى احسن مو مجابله ريلها واسلم عليها

اهيه مافيها شى بس المفروض يعرفج عليها ويقول هذى مرتى وتسلمين عليها
لان الوضع يصير غلط وانتى واقفه ماتدرين شتسوين
بس طوفى عادى

عادي ارز ويهي واقوله منو ما عرفتنا على بعض واسلم عليها

عادي ان يسلم ويسولف بس مو عادي يكشت فيني لازم يعرفنا على الي بيسلم عليه

مره شفت رئيس قسمنا وتوني بنحاش ولا ريلي يسبقني ويسلم عليه وهات يا سوالف
لووووووووول وانا بقلبي اقول لو انا بادرت وسلمت جان دفني وانا حيه

اموت حره وتقوم الدنيا عندي ماكو شغل وشكو تسولفله عن الفلم

يقولج اللى على راسه بطحه يحسس عليهاا…
لو فيه شي بينهم تلقينه سوا نفسه ماشافهاااا وعطاهاا طـاااف ولا سلم عليهاا
بس هذا يدل انهم مافى بينهم شــي مجرد زملاء…وكان سلام عاادي وبرئ ويكفى انتى موجوده معاهم
بس تعالى انتى الحين غرتي انه سلم عليهاا…وهي مقابلته بالدوام داااااايم
يعني اذا يبي يسولف معاها يستغل وقت الدوام موو وانتى معااه
بعدين اهم شي الثقه بالزوج…بيني له انج واثقه فيه وانج اكبر من هالسواالف
ترى الرجال يحب لما تكون الزوجه واثقه منه..ومن اهم اسس الزواج الناجح الثقــــــه بالطرف الاخرر
ولاتدوخين عمرج

موفقين

3adii ana dwami ham feh zmla2