زرع العدسة داخل العين

السلام عليكم بنات
https://www.alexdoctor.net/index.php?id=361

بنات ابي اسال من سوت هالعملية او تعرف احد سواها .. وابي اعرف وين ويجم ؟ وشنو نتياجها .؟

وشكرا لكم …

ما أعرف ياقلبي …

يضحك يقول .. حبة ترمس .. خوش دكتور .. خوش تشبيه .

الله يوفقج .. بس لغرض تجميلي وإلأا علاجي ؟؟

سامعة فيها بس ما اعرف احد سواها

والله يشافي الجميع

مشكورة لا طبعا علاجي هذي العملية للي ما ينفع وياهم الليزر او الليزك ويصيبهم دوار من ضعق البصر

انا وايد تعبانة من هالموضوع وحسب معلوماتي بالكويت وايد غالي .. العين الوحدة اقل شي 700 وفي مصر بالف جنيه … تخيلوا الفرق ..

تسلمين يا ام عيون خضر …

ماتشوفين شر حبيبتي ام جوري اهنيه بالكويت ماسمعت عن دكتور ايسويها

بس جايز د.امل الدريني اهو اشطر دكتور بالعيون بس مشكلته المواعيد وايد بعيده

وفيه بدبي شي المغربي من جم سنه وحده من معارفنا سوتها هناك والحمدلله مرتاحه

انتي سألي وان شاء الله ربي ايعافيج حبيبتي

ما اعرف حبيبتي بس ان شاء الله تسوينها بالسلامه

تسلمون يا الغاليات …

سلامات ام جوري ..
والله مشكلتنا مشكلة مع ضعف البصر .. الله يشافينا ويشافيج ..
انا قبل سويت موضوع شوفيه :

https://q8yat.net/showthread.php?t=265655

قبل بالمدرسة كانت معاي بنت ومسويه زراعة عدسة لونهم رمادي فااااااااتح طبعا اللون خيال ماتلقين مثله .. بس غرضها علاجي ،، المهم بالغبار البنت تتلعووووز وعيونها يصير لونهم احمر .. يعني مو نفس العين العادية لااا ..

والشي الثاني اللي خلاني ابتعد عن فكرة الزراعة انها قابلة للذوبان ،، الله لا يقوله فرضاً كنت اطبخ وقب الفرن علي ساعتها بتروح عيوني ..

وبعدين بيني وبينج نظري كل جم سنة يهبط .. قبل كان سالب واحد ونص بعدين صار 2 و .. و .. لين وصل سااااالب 6 وانا توني صغيره عمري 19 .. يعني كل مرة بروح اسافر اسوي صيانة للعدسة .! وشلون أجيك على نظري !

ماا ادري بصراحة كشيت من هالسالفة ..

……..

وتعرفين اللي برايكم شباب اسمه صالح مسوي زراعة عدسة

ههههههههههه عاد تدرين فكرت اروح لمبنى تلفزيون الراي وبعد مايخلص من البرنامج اسأله ..

…

وااااسفة ع الاطالة .. وعقبال يصير نظرنا نظر نسر

عفوا للاخت روج كرزي .. زراعة العدسه ما فيها تغيير للون .. و مو قابله للذوبان ..و مصنوعه من السيليكون و غير قابله للتمدد مثل العدسه الطبيعيه .

ارجع حق اختنا ام جوري
العمليه موجوده بالكويت ..و يسوونها في مستشفى البحر ..و العسكري .. و مستشفى شركة النفط .. اذا تقدرين تسوين عند هالاماكن تصير ابلاش .. بس ما عندي فكره عن المستشفيات و العيادات الخاصه .
و اعرف وحده تو مسويتها في مستشفى شركة النفط بالاحمدى .. الحمدلله النظر يتعدل عن اول .. و بدايتها مؤلمه و تالي مع القطرات و الالتزام بطريقة القطرات يخف الالم (القطرات شي كل ساعه و شي كل 3 ساعات) و لابد تلبسين نظاره شمسيه بعد العميله
و ممكن يسونها ببنج موضعي او عام .. و تطلعين بنفس اليوم .

و ما تشوفين شر .

صج عاد … انا عندي بطاقة بالعسكري لان زوجي بالحرس الوطني

خلاص اجل اروح يوم الاحد باذن الله .. والله كريم
انا مشكلتي الدوخة على طول حتى مرات ما اقدر اسوق اصير مثل النعسانة ومرات انام

انا مشكلتي انه عندي التهاب بالاذن الوسطى بعد مما يضاعف هالدوخة …
شكلي بمر على كل الاقسام بالمستشفى

ما بي ملونة انا عيوني لونها حلو ههه
عاد تصدقين ما احب لون عيونه احسه جنه قطو شوارع ههه استغفر الله العظيم ..

بالنسبة للعدسة اللي تنزرغ ما تذوب ولا شي .. شوفي الرابط اللي حطيته ..

الله كريم بروح العسكري واشوف ..

اليوم حطوووو عن الساالفه وتذكرتج والله….شووفي درباالج لان هذي العمليه حتى امريكاا مو معترف فيهاا…وفي دوله وحدة تسويهااا بس….يعني درباالج من اي دكتووور ثاااني

هذااا الموووقع….
https://www.newcoloriris.com/index.html

اي عدل هالمذيع صرح انة مسويها وبالعكس ما اشتكى منها وبصراحة لون عيونه ما شاء الله

هلا حياتي مشكورة يا الغالية بس هذول يغيرون لون العين وانا ابي بس لتحسين النظر وانا الحمدلله لون عيوني راضية فيه …
راح ابلغكم باذن الله اذا رحت العسكري باخر التطورات ..