|
|
السلام عليكم بنات
اول شي بعطيكم نبذه عن زواجي انا تزوجت من سنتين زواج تقليدي واول ما تزوجت ريلي كان يدرس بره فكنت بالسنة اشوفه 3 شهور اذا مو اقل وبفترات متباعدة يعني ماحصلتلي فرصة اعرفه عدل الا لما تخرج اهو تخرج شهر 8 يعني صارله بالكويت الحين 3 شهور
المهم اليوم ريلي قالي ابي اسمي بنتي ……. ( اسم حبيبته ) مع العلم انا ليلحين ما حملت ويقولي لا تفهميني غلط بس انا من قبل لا اعرفها وانا احب هالاسم وقايل بسمي بنتي جذي
جان اقوله انا مابي ومو راضية بس اذا انت تبي كيفك المهم ان قعد يحلف ان موهامته انا ادري انها مو هامته بس هالشي جرحني مشكلة ريلي انه عنيد يعني لو قلتله لأ بيسوي الي براسه مادري شسوي معاه حدي انقهرت وحزت بخاطري السالفة
يحب الاسم ولا ان شاء الله يموت فيه
انا مارضاها بصراحه
حلوة هذي السالفه يسمي بنته على اسم حبيبته
شكوووووووووووووووووووو
لا توافقين
ونفذيله الي يبيه عالثانيه انشالله اذا ربي رزقكم لها وخيه وحاولي تتقبلين السالفه وخلي عندج ثقه بنفسج والله كريم
وانتي اذا للحين مو حامل .. صكي الموضوع لكن اذا رجع فتحه حسسيه انه هاللي يقوله شي كبير مستحيل ترضين فيه ..
وقوليله انا بسميها على امك او امي .. اختاري اسم من اللحين ومسكيه! ..
والله قهر !
انا ماحب حتى احسسه ان اهي تهمني ودايما يقولي انا طبعي صعب ومحد تحملني كثرج وادري اني اضايقج والعوزج معاي بس تحملي لي متى اتحمل يعني تعبت
وعندي مرت حماي دايم تذكره وتذكرني فيها مادري ليش دايما تفتح موضوع حبيبته الله يسامحها
ومرت حماج ماعندها سالفه قوليلها بينج او بينها! ..
وتصرفج صح انج مبينه انها مو هامتج لكن
اهيا لو سمعت من برى بتستانس .. بتقول انه ذاكرها وعشانها ..
اهوا ليش ماتزوجها جواب هالسؤال اهوا اللي بيحدد لج !
يمكن حملتي ويبتي ولد هذا كله بيد الله سبحانه"
انتي لو فيج شوي شطاره جان قلتي له ماراح الاقي اعز واغلي من اسم امك والا امي اذا ربي رزقني في بنت البجر بسميها علي اسم خالتي اللي اهيا امك والبنت الثانيه اسميها علي اسم اميمتي والثالثه كيفك سميها اللي تبي"
ولاتخلين الشيطان يحضر بينكم ويعفسكم علي سالفه مالها رس ولا حس ولا صارت ولا استوت وين عقلج ياقلبي تعوذي من الشيطان ولاتزهبين الدوا قبل الفلعه هذا انا نصحتج وانتي بكيفج"
|
المشاركة الأصلية كتبت بواسطة أعرف قدر نفسي
 انت الحين ما حماتي صح ؟؟ قولي له انا فكرت وقلت اني بشتري خاطرك ورح اسمي لاني ابي ارضيك ( توك عروس كبري بعينه ) وان شاء الله جدامك ٩ شهور يحبك وتخلينه ينساها ويسنى امها بعد ذيك الساعه تتدللين عليه
|
عجبني ردج صراحه
هذا عن العقل
الغالية نونو بعد قلبي فديتج بردتي قلبي انا والله متعوذه من ابليس وكلش مابي ابينله اني سالفتها تضايقني وان شاءالله الله يرزقني ويسخره لي
كل شي بالتفاهم
ولين تحملين يصير خير
الله يرزقج
يعاند بكل سالفه الا سالفه فيها مره
وقفيله عظم في البلعوم ولا يتمادى
الصراحه وقاحه
واي يحر