|
|
قوة
شلونكم
بنات انا صار لي سنة متزوجة … الحمدلله وضعي تمام مع ريلي
بس في شغله حازه بخاطري … انا ماعتبرها مشكله ابد … بس حبيت افضفض لكم
يا بنات انا لمن اطلع مكان وين ما كان الجامعه
كلش ريلي مايدق علي … ساعات يدز واتس اب بس في ايام تمر كلش مايدز
لمن اروح لاهلي كلش مايدق علي بس لمن ايي ياخذني
اطلع مع خولتي … او بنات خالتي مطعم او سوق مايدق
انا ادري ان ماعندي سالفه بس والله يابنات لمن اشوف اللي حولي ازواجهم يدقوت ينكسر خاطري
مرات اقعد بروحي ابجي … انا المفروض ما اقارن ادري
بس مرة بنت خالتي قطت علي كلمه قالت فلانه عمرها ماطلعت ويانا ودق تلفونها
بنات زوجي مايمر يوم الا يقول لي احبج وايد وايد يقولها باليوم
ما اطلبه طلب وردني ابد
الحمدلله مرتاحين
مايقصر علي باي شي
بس ساعات استغرب شلون يحبني وجذي مايهمه متى ادخل ومتى اطلع ولا يدق علي
ما اقولكم دايم مطنش بس اغلب اوقاتي وطلعاتي مايدق علي
بس لمن ارجع البيت يسال شصار وشسويتي وياخذ تقرير
انا مابي حل … بس ودي اعرف في وحدة نفسي … هل هالشي طبيعي
انا ابي يكوت طبعي اني عادي ماهتم دق او لا
اب
مع ان لما اكون معاه بالبيت حيل احسه متعلق فيني
بس استغرب لما اطلع مايدز ولا يدق اللهم مره او مرتين بالكثير
اتوقع طبع ريلي نفس طبع ريلج يحب يتفاعل معاج وانتي جدامه مايحب من ورى التلفون .. يقول ماله معنى ..
واصابعك مو سوا الرياجيل كل واحد وطبعه
انتي من نفسك لاتعطينها اهميه هالشغله ولاتدققين فيها علشان ماتكبر براسك وتصير لها اهميه
وموفقه خير حبوبه
بس انتي دقي عليه و قوليله انا بالمكان الفلاني
او الحين بدش السينما
او بعد اشوي بنمر المكان الفلاني تبي اجيب لك شي
او دزيله واتس اب
ممكن تدق ابي اسمع صوتك
ادعيلي بالتوفيق
المهم انتي قلتي انه لما تدشين البيت يقعد يسال يعني تهمينه
في ريايل وايد ما يحبون الكلام في التلفون
يمكن اهو مايتصل عشان مايبي يزعجج أو يضايقج ..
ترى تفكير الرياجيل غير تفكيرنا ..
وعاادي سئليه شوفي جوابه ..
بس بنظري المسألة جدااا عادية ..
الله يوفقج ويهنيج ..
..
وكان يبيني اطلع من الشقه اذا كنت بروحي
عقب صار يدق ويسال وينج ووين رحتي
ومو حلو يسال دامه يدري اني طالعه مع اهلي
اهو قالي اذا رحتي لاهلج وبتطلعين مع امج عااااادي لاتقولين لي
اهم شي امج معاج
عقب صار يدقق ويسال وين رحتي ووين جيتي
عوديه تتصلين
ترسلين
خليه يتعود ع جو المسجات والمكالمات
عوديه علي كثرتها
يبيلج اقل شي 4 شهور ولاتملين من بروده
بعدين اقطعي هالشي فجاءه
بيكون تعود يفقدج
فيه ريايل جذي وايد
بس هذا مو معناته انه مو مهتم فيج… بس اهو طبعه جذي
انتي حاولي تعودينه على هالشي
انج تتصلين عليه وايد و تقولين انج حابه تسألين و تتطمنين عليه
و على طول تسمعينه كلام حلو
و انشالله يتعود
صوري صورة بمكان انتي فيه ودزيها سوي تفاعل مع الوقت بيحس انج تبينه يدق وتبينه يكون وياج ، يمكن اهوا
شاايف انه جذي معطيج حرية وفجه منه شوي ومخليج تغيرين روتين انج كله وياه ترا عادي في رياييل جذي
من زود حبه .
الشي اللي مضايقج حاولي تغيريه فيه لا تنطرين يتغير الرياييل صعب يتغيرون بس ممكن يتعودون على شى فا هني دورج عاد