|
|
السلام عليكم يابنات
الريجيم هذا كتب لي اياه دكتور وانا حبيت هالريجيم لان شامل كل انواع الاكل يعني ماتنحرمين من شي واللي تتبع هالريجيم بحذافيره انشالله تنزل 3 كيلو بناءا على كلام الدكتور واي ريجيم ثاني ماراح يكون مفيد ونافع مثل هذا لان باجي الانظمة الغذائية اذا كان ناقص فيها شي يعتبر ريجيم كيميائي مثل ريجيم الدهون او ريجيم الفواكه وريجيم الكربوهيدرات….الخ وانا الحمدالله صار لي شهر من اتبعت هالريجيم ونزلت كيلو لاني كنت متبعه ريجيم كيميائي اللي اهوا ريجيم الدهون عند دكتور ثاني وقال لي الدكتور اللي اراجع عنده انها بداية زينة وان جسمي قاعد يتعود على النظام اليديد والشهر هذا قال انشالله راح تنزلين 3 كيلو، الشهر الياي عندي موعد ونشوف النتيجة
الريجيم الله يسلمكم اهوا :
الفطور:
نص كوب حليب خالي الدسم
حبة فاكهة مع شرائح من الخس، الخيار، الطماط…. الخ
نص خبزة (اسمر)
بيضة او جبن قليل الدسم
الوجبة الخفيفة (1):
نص كوب حليب خالي الدسم مع شابورة
الغداء:
60 جرام (تقريبا بحجم نص كف اليد) لحم/ دجاج/ سمك مشوي او مرق او مسلوق مع 8 ملاعق عيش ابيض (مشخول) او معكرونة او حبة بطاط مشوية مع 4 ملاعق عيش او نص خبزة او نص كوب عدس مع ربع خبزة او 4 ملاعق عيش
كوب خضار بالاضافة الى صحن سلطة كبير (طبعا يفضل انج تاكلين السلطة اول شي)
حبة فاكهة
نص علبة روب خالي الدسم او كوب لبن خالي الدسم
الوجبة الخفيفة (2):
ربع كوب حليب خالي الدسم مع شابورة
العشاء:
نفس الغداء
الوجبة الخفيفة (3):
ربع كوب حليب خالي الدسم مع شابورة
ملاحظة:
– تقدرين تشربين شاي او قهوة بس بدون السكر اللي نستعمله اشتري سكر تروبيكانا من الجمعية احسن بوايد لان مافي سعرات حرارية وهم في بعد مشروبات مثل الكابتشينو او اللاتيه.
– تقدرين تشربين عصاير بس تكون نص كوب او قلاص
واذا عندكم اي سؤال ولا استفسار سألوني بليز
قمت اكل توست مع جبن قليل الدسم وحليب خالي الدسم
سوري وايد سألت
وعسى الله يوفقج
بس بالنسبه لسكر التروبيكانا ما انصحكم فيه لان فيه ماده الاسبارتيم ووايد حذرونا منها فدورى شىء غيره مايحتوى على الماده هذى وانا مره استعملت سكر للريجيم علبته صفره بس ناسيه اسمه مافيه هالماده