|
|
السلام عليكم
مبروك علينا المدرسات والاداريات قرب نهاية العام الدراسي و مابقى الا القليل وهانت وبنفارق وجه الناظرة و الوكيله … واكيد اللي مدرستها شينه كاتبة طلب نقل من الحين عشان جذي شرايكم نساعد بعض ونكتب اسوأ واحسن اداره مدرسيه عشان نسهل للي يبون ينقلون خصوصا لما يصير التوزيع بالمنطقه التعليميه ما يقطونها بمدرسه خايسه و يقصون عليها
من خلال خبراتكم و خبرات خواتكم وصديقاتكم قولوا لنا المدارس الزينه والشينه ورجااااااااااءاااا تقولون بأي منطقه
وبسألكم انا الحين مقدمه طلب نقل بس متى اشغل واسطتي بالوزاره عشان ينقلوني ؟؟ شهر 6 ولا 5 ؟؟
انتي اي مرحله تقصدين؟؟؟؟؟؟؟؟؟؟
وبعدين الواسطه شغليها بالصيف اكيد
بدون ما نحدد اي مرحله كل وحده تكتب الزين والشين سواء ابتدائي او متوسط او ثانوي او حتى روضه عادي المهم نستفيد كلنا
وينكم يا ابلات لا حس ولا خبر …. ولا عشان باجر السبت حايشكم اكتئاب خخخ
ام الخير بالعارضيه يمدحونها حيلللل
في بالرابيه مدرسة زيد الحرب ابتدائي صبيان ناظرتهم اسمها لميعه مادري اذا لي الحين موجوده هناك ولا لا ( العام كانت موجوده ) … ادارتها فوضى يعني تأخير عادي و اللي تشتغل نفس اللي ما تشتغل يعني الناظرة ما تدري عنج خير شر
بشيرة بنت النعمان ابتدائي بنات الجهراء الواحه يمدحونها حيللل و اخصائياتها من احسن ما يمكن و الناظره محترمه و متدينه وما تحب الصراخ
العجيري ابيتدائي صبيان الجهراء الواحه الناظره قذرررره و اسوأ الصفات فيها اهي و ما عندهم وكيله بس مدرستين اوائل حوريه و جميله و الثنتين خايسااات و الاداره كلها زفت من ناحية السكرتاريه و منفذات الخدمه و كل شي والمدرسات و الناظرة تعامل الناس مثل الطلبه صراخ وهواش و تعطيج شغل مو لج … مو صاحيه
اميمة بنت النجار الجهراء العيون نفس الكلام عن العجيري ناظره خايسه بس مدرساتها زينين و الاداريات زينين بس الناظرة مو شي و ما تحترم الاوادم والوكيله ما عندها شخصيه ومافي عداله بتقسيم الشغل بس البنات بالاداره عسلللل والمدرسات بعد
مدرسة نفيسه بنت اميه ابتدائي بنات الفردوس الناظرة طيبه حيللل بس نفيسه عفيسه ماكو تنظيم و الوكيله ما عندها شخصيه عشان جذي ما تعطي شغل واجد حق اللي تحبه يعني حزازيات و اللي تعطيها درع و تقهويها كل يوم تحطه فوق راسها ..بس الناظرة عايشه داوود خوش انسانه
ثانويه الفردوس بنات الناظره خزنه الراجحي كانت مدرسة تربيه اسلاميه بنفس المدرسه والشهادجه لله محترمه جداااا و التزامها الديني مخليها خوش انسانه و صج عندها ذمه وضمير و اذا دشيتي المدرسه شوفي شلون قاطه الفلوس وصارفه على التنظيم وترتيب الاداره كأنج قاعده في بيتج مو مدرسه وانصح الاداريات يروحون يشوفن شلون وناااسه ومريحه
المطوعه شريفه متوسط بنات الجهراء خااااااايسه الوكيله والناظرة عادي عندهم يزفونج اشكره جدام الله وخلقه جنج تطرين منهم
يللا بنات كملوا
انا بتربيه منطقة الفروانيه التعليميه ودي انتقل روضه بمحافظت الفروانيه يعني العمريه او خيطان الي تعرف روضه نظرتها عسل او حتي ابتدائي اتقولي وشكرا لاني صج بنتقل
كويتيه 26 انا سيم سيم طلب مال انتي … ابي روضه او ابتدائي بنات زينه بالمنطقه الرابعه بس الاولويه للروضه هههه
في بالعميريه مدرسه ابتدائي بنات رووووعه يمدحونها بس ما اعرف اسمها …. الناظرة تساعد المدرسات وما تحضر حصصهم وفوق هذا تمدحهم جدام الموجه و تقول خوش ابلات مع انها ما تدري عن هوى دارها …. وحده هناك تقولي وناااسه
اشفيه مهجور
اللي تتاخر دقيقة الصبح تأخرها ساعة عقب الدوام والمدرسة فاضية ما فيها احد لالاوفوق هذا توقع افادة تنحط بملفها.
التحقيقات شغالة بالمدرسة بسبب وبدون سبب المدرسات رايحات جايات على المنطقة التعليمية
الشغلة الثالثة اللي تستأذن أيام الامتحانات لأي سبب من الأسباب تقعد للساعة وحدة جذية لعااااااااااااانة .
وغييرة وغيرة بلالالالالالالالالالالالالاوي والناظرة النسرة هذي مالقت احد يوقف بوجها مو كانت بمحافظة العاصمة ومايبونها وجت اهنية ولقت انشاللة طال عمرج وحاضرين اش تبية اكثر من جذية والله يابنات احنا نروح المدرسة كأنا مخنوقين من القهر وعلى اعصابنا ما اقول غلا حسبي اللة ونعم الوكيل