روضة مدرسة المستقبل بالفحيحيل ام روضة مدرسة الرؤيه ؟ مقارنه

السلام عليكم بنات الله يجزاكم الف خير انا صج محتاره ما بين روضة مدرسة المستقبل بالفحيحيل يم المنطقة التعليمية او روضه الرؤيه بصباح السالم ( كلهم ثنائية اللغه ) ؟ بغيت من الاخوات اللى عيالهم بالروضه بهالمدارس يعطونا انطباعهم عنه؟ من ناحية الانجليزى والعربى والتدريس والتاسيس ؟ لا تخلونى ترانى حدى متضايقه وابى قرار

مرحبا حبيبتي أي والله أنا نفسج بعد أبي اعرف شرايكم فيها المستقبل ماني عارفه ناس تذم وناس تمدح والابتدائي تأسيسه زين عندهم ولا لأ لان ولدي g1فيها هالسنه وخوفوني من مستواها مع أني أشوفهم دراستهم أول بأول ومدحولي الباكستانيه الي بالاحمدي عليها وماني عارفي تكفون نبي رايكم بأمانه

انا ولدي في لمستقبل kg2

اول سنه له فها بس شفت ان في نتيجه يكتب اسمه يعد من 1الى 20 وكتب الاعداد بالعربي الى4 والانجليز ال5لحد الحين ويعرف مناطق الجسمبالانجليزي ويام الاسبوع واذا عطوه واجب يحله ابروحه ما اتعب في تدريسه مجرد اراقبه…

وانشاالله يوفه ويوفق الجميع

هلا حبيبتي انا ابتكلم عن المستقبل بما ان عيالي اثنينهم فيها ولدي الكبير كان فيها من kg1لي الحين بg1يعني 3 سنوات فيها وبصراحة قاعدة اشوف تطور حيل بمستواهم يعني الولد تخرج من الروضة يقرا قصة كاملة من 4 جمل طبعا يكون حافظ هالكلمات وين مايشوفهم بمكان ثاني يقرالياهم والاعداد طبعا يعد لي 100 شفوي بالانجليزي والعربي ويكتب من 1 لي 20 انجليزي وعربي وحافظ نص جزء عم يعني واللة المدرسة حلوة وطريقتهم بعد حلوة وعيالي حابينها الحمدللة
بسسسسسسسسسسسسسسس المصيبة هالسنة قاعدة اشوف ضغط وزحمة موطبيعية وهالشي مخوفني لان اعدا الطلبة بالصف واجد موشوية وولدي الصغير الحين kg1يغني اجزاء الجسم بالانجليزي ويعرف الالوان والاعداد لي 3 بالعربي بس توهم مبلشين يعني المدرسة حلوة بس الخوف من كثافة عدد الطلاب بس
وسلامتج

اي ونسيت اقولج انا المدرسات اللي جربتهم وعجبوني مس سوزان انجليزي ومس فاطمة لبنانية فظيعة للعربي هذا للkg1
اما قريد 1 اشوف مس داليا عربي هم قمة الولد حيل ماشي معاها الحمدللة ومس كوريتا للانجليزي
وابلات الkg2نصيحة مس نجوى للعربي ومس دانيا للانجيزي

مشكلة الرؤية ان مدرسيين الانجليزي عرب لانهم ما يبون يوظفون غير مسلمين وهذا يعتبر عيب من عيوب الرؤية ونقطة ضعف في تدريس الانجليزي
مدرسة ولدي على سبيل المثال مصرية

مشكورين بنات على الردود . وياليت اذا فيه تجارب ثانيه من اخوات اخريات يحطون ها حتى تعم الاستفادة للجميع والله يجزاكم خير .

بنت البحرين ولدج لماكان kg1 كان بالمستقبل ولا مدرسه ثانيه ( اى مدرسه ) ؟ مشكوره

السلام عليكم اختي
انا خريج مدرسه الرؤية 12 سنه خبره بسوالفها وخرابها :d
صراحه رايي فيها من ناحيه الدعايه اللي مسوينها على المدرسه وايد ماتعكس اللي داخل المدرسه الأداره اول شي فاشله من أولها لي أخرها بشهادت الأساتذه اللي فيها واللي طلعوا منها والطلاب مغشوشين برساله المدرسه واهدافها بس انا اتحدا اذا كانوا مخرجين احد يعرف يقول جملتين على بعض بالانجليزي ومثل ماقالت قبل شوي ( اي اسم ) ماعندهم مدرسين كفاءه كلش ومتوهقين بالدفعات الخريجه مفشلتهم بكل مكان يرقعون يمين يخسبقون يسار يعني باختصار مدرسه نظامها قاعد يتشكل على التجارب على الطلاب بكل المراحل يعني يبيلها ستين سنه ياالله يفهمون شلون يعدلون اداره المدرسه وبعدين ميتين سنه عشان يعدلون مناهج المدرسه ويخلونها على الأقل شي يندرس ويفيد حق جامعه الكويت او اي جامعه على هالأرض و لا والغريب انهم يبون 3 آلاف دينار الا شي حق الثنوي مادري على شنو والله حتى المدرسين مستغربين شلون ياخذون منا هالمبلغ على هالتدرس .
هذا باختصار تجربتي ورايي بهالمدرسه كخريج منها وللأسف انخدعت فيها و انشاء الله استفدتي

مسحل بالمنتدى بس عشان ارد على هالموضوع واطلع , فمان الله

مدرسة المستقبل حلوة ولدي فيها kg 2
كبداية حلوة وماشاء لله عليه بدا يكتب

مشكور اخونا ولد الرؤيه مع ان ممنوع دخول الرجال بس مسامحينك عشان عطيتنا معلومه عن مدرسه الرؤيه
بصراحه انا ماني مقتنعه فيها اختي مدخله بنتها وولدها فيها واحس مستواهم مو ذاك الزود قاعدين على المدرسات بالبيت يعني هذا دليل على ان المدرسات ما يعطون من قلب ومستواهم اي شي

ولد الرؤية اذا ممكن عندي استفسارات اكثر عن المدرسة
لاني نقلت ولدي من البيان ثنائية اللغة الى الرؤية
يعني كليت المقلب
اذا ممكن تدز لي ايميلك على الخاص او ارسلك جم سؤال على الخاص وتجاوبني
لاني محتارة ارجع ولدي البيان والا اوديه الابداع

لا كان بالحكومه