رفيجاتي العزيزات متى افتك منكم و اتزوج !

السلام عليكم شلونكم يا احلى كويتيات اليوم عندي موضوع خفيف للفرفشة و هذا اول موضوع انزله فا اتمنى اني القى منكم التشجيع ..
كلنا لما كنا عزابيات نشوف اشياء يسونها المتزوجين و تشوقنا و نقول اللللللللللللللللله متى ايي اليوم اللي نتزوج فيه و نسوي هالشي … لكن لما تصير الصجية و نتزوج نكتشف انه هالشي عادي و ما يونس وايد ! اعطيكم امثلة بالنسبة لي اول قبل الزواج ما كنه نتأخر بالطلعة خاصة اذا كانت مع الرفيجات او مع خواتي فا كنت اقول متى اتزوج عشان اتأخر مع ريلي و كانت امنية حياتي اني اروح السينما عرض وايد متأخر و لما صارت الصجية و تزوجت و رحت السينما بليل مع ريلي حسيت انا الوضع عادييييييي حده و بالعكس انا اللي صرت ما ارضى نروح متأخر لانه ادووووووووووووخ هيهيهيههيهيهيهيهيههيي
شي ثاني اول اذا قاعده مع رفيجاتي ابمطعم و الجو حلو و رومانسي اقولهم افففففففف كلش ما ودي تكونون انتوا اللي مجابليني و لما تزوجت و قمت اروح مع ريلي هالمطاعم اوكي استانس حرام الظليمة شينه بس ابصراحه الطلعة مع الربع و الرفيجات اونس لانه السوالف و الضحك اكثر .. الريل مجابلته طول الوقت بالبيت فا ماكو ذيك السوالف الزايده
فا الحين ابي كل وحده تقولي شنو الشي اللي كان يشوقها بالزواج قبل لا تتزوج و اكتشفت انه شي عادي عقب و شكرااااااااااااااا ناطرتكم يا حلوييييييييييين

بالنسبه مافكرت بهالشي ماكنت اعرف متزوجات الا خواتي واتشفق لعيالهم ولولادتهم علشان اقابلهم

ولاني صغيره تزوجت فما يمدي حتى افكر

ـــــــــــــــــــــــــــــــــــــــــــــ

اهتمي بنفسج وقت الدوره مع افضل عصيده <<< بالصور

https://www.q8yat.net/showthread.php?t=754155

.

ما ادري ليش ،، كنت استانس من اسمع وحده زعلانة وزوجها راضاها
او اشوفه لقطه بفيلم اجنبي وحده متهاوشة مع زوجها بعدين يراضيها ويضحك معاها وتحط عينهها بعينه وتدمع ويلمها حيل
كنت كله اقول اللااااااااااااه وناسة ابي اتزوج بس عشان ازعل ويراضيني

لما صارت الصجية
حسيت ملاااااااااقة اصلا من يراضيني ادزه واقوله وخر عني مالي خلق هههههههههه او مابي اتكلم بالموضوع ،،

لااااااااااااااااااااااااااااااا

لاااااااااااااااااااااااااااااااا

بليز لا يصير صج

لا تتبخر احلامنا وامانينا <<فلم هندي

محسوبتكم من حزب الطماشه

اشوه يعني ما كنتي متخيلة شي و انصدمتي فيه هذا اهم شي

لووووول تصدقين مي حتى انا هالسوالف تشوقني بالتلفزيون اكثر من الصج

لووووووووووووووووووووووول ميخالف الاحلام حلوة عيشها مثل ما عشناها بس لا حراااام مابي احبطج في اشياء حلوة بالزواج لا تخافين هيهيهيهي

اي عاد الرفيجات مالج غنى عنهم اكيد العلاقة تخف شوي بعد الزواج بسبب اللوية بس ان شاء الله ماكو قطاعه

يبتيهاااااااااااا ع الجرح ):

كانت امنيتي اتزوج عشات اركب سياره سبورت ويا زوجي ونقز عالبحر الفير ههههههههه صارلي سنه متزوجه وكل مايقولي امسي اقوله دايخه مالي خلق

هذا حال الاغلبية بس الف الحمدالله و الشكر على النعمه

لوووووول هذا نفس وضعي مع السينما

انا كنت متاثره بالافلام المصريه وعلي بالي طلعه ورده وماكو مسؤؤليه وعلي بالي كله مقابلني ويتغزل زين مايشعر فيني ….طلع لاشاعر ولارومانسي ولاطلعه ههههههههههههه طلع كراف وتعب ومسؤوووووليه ووشيء واقعي كنت كل اللي اتمناه بالاحلام والافلام هههههههه