رسالة صدمتني ؟؟ اخت الزوج

السلام عليكم

وصلني مسج من اخت زوجي

ما عمرها ارسلت لي ولا رسالة

اليوم ارسلت

والله منتي على شكلك ياما تحت السواه دواهي

انا انصدمت من الرسالة

اقول لزوجي او لا ..

وش رايكم اطنش الرسالة ؟؟؟

او ارد واقول ايش تقصدي ؟؟

حبيبتي اكيد لا تستكين كلميها وقوليلها عسى ماشر

خيييير

وتاكدي لا يكون مقلب باخر الرساله اذا انتي مابينج وبينها شي

والله يهدي الجميع

تقبلي مروري

^_^

كلمى زوجج اول وقولى اللحين جدامك بدق وبحط سبيكر عشان تسمع شسالفتها

اكيد لا تسكتين طرشي ليها مسج وحطي فيها عيون @@ !

اي صح .. لو آنه منج جاان سويت جذي

طرشي لها مسج قولي لها عسى مااشر يالغاليه شصااير ؟

ولا تقولين حق زوجج علشان ما يكبر الموضووع

او ارسل رسالتها مره ثانية

لا ترسلين شي سكتي علشان تظل متخوفه لا تبردين حرتها فيج

قولي ألزوجج قولي شسالفتها اختك

ويستحسن اتكلمينها جدامه..

لا حبيبتي لا تقولين حق ريلج عشان ما تكبر السالفه فهمي منها
شسالفه اذا شي جايد حاولي تحلينه بتفاهم ويها اذا كان بينكم مشاكل من قبل واذا ماقدرتي عليها خلي ريلج يتدخل
والله يريح بالج

عرفي شسالفه اول بعدين شوفي تقولين حق ريلج ولا لا

انا منج اقول حق زوجي واخلي زوجي اهو اللي يدق ويكلمها يقولهاا شفيج دازة مسج جذي عشان تموت من الخرعة حق المرة الياية

لا تسكتين راويه زوجج وكلميها جدامه

صج ياما عشنا وشفنا ..
بس نصيحة لاتطرشين ولاشي عشان مايكبر الموضوع

المشكلة ما بيني وبينها اي شيء

والحمد لله