رد على الاخت الحبيبه لوجين الله اسامحها

حبيبتى لوجين …صراحه صدمتينى بموضوعج اللى كاتبته عنى .

..انا كنت مسافرة صار لى ظرف طارئ …وتونى واصله فحبيت اشوف المنتدى ..فلما دخلت صراحه صدمتينى بخبر القطو انه للبيع ….انا والله انى مابعته ولا خذيت فلس واحد …والمفروض انج تاكدين منى اول شى قبل لا تكتبين اى شى ضدى وانت تعرفين رقمى …ولو انا ما ابى القطو ما تعنيت للبيت عندج …وانت على علم بكل اللى صار معاى اول بأول وانا كنت على اتصال معاج ..وكنت ابلغج باللى صار معاى …وقلت لج القطو بدا يتعب وانتى بكرامه صار معاه اسهال ..وصار اسهل فى كل مكان ….ورحت حق الدهماء وطقوه ابرتين وقالوا لى جيبه بكرة واللى بعده …وخفت عليه من كثرت الابر …علما ان كانت عندى هملايا ومن كثر ما كانوا يعطونها ابر ماتت .وانت تدرين انى ماكنت عجزانه عن علاجها وخليتها فى المستشفى الجديد اللى بجنب الدهماء بس قالى الدكتور انه من كثرة الابر متحملت وماتت..وانت عارفه هالشى …وبعدين وديته حق الدكتور البيطرى وعطانى دواء حق الاسهال عزكم الله …مرتين باليوم ..وصار زين لما بلغتج ..وبعدين صار لى ظرف وسافرت وماكان عندى احد يستقبله لانى الوحيدة اللى من اهلى احب انى اربى القطاوة …وخليته عندة يعتنى فيه لما اوصل ..والله شاهد على انى لما عطيته كان اكله مخصوص له وفيتاميناته معاه ..وانا بكرة ان شاءالله من الصبح راح اروح له واخذ القطو منه وانا راح اعرف اشلون ثانى مرة اعرضه للبيع ..وانت روحى بكرة وراح اتشوفين بنفسج انه مو موجود ..وراح اخذة ووديه للطبيب بس طبعا مو الدهماء ..وجزاج الله خير

شنو السالفه
^_*

انشاءالله تتصافى القلوب

عسوله شاكرة مرورج …وان شاءالله مافى قلبى شى على الاخت لوجين

al-sha5a
هلا حبيبتي انا ما تهمتج بشي انا بعيني شفت القطو اهناك معروض للبيع

انا توني اكتب بموضوعي اني كنت على تواصل معاج بعدين شنو صار اتقولين انا تركت القطو في مكان !! عند محل بسوق الحمام عند مختار البنغالي ؟ ليش عيل معروض للبيع اهناك ؟ و لا تقولين لي هاذا مو قطوج و قطوي اثنيناتنا نعرفه عدل

انزين شصار ع القطو

عايش زين ياكل ..

اخيه

خلاص يابنات سالفه وعدت وانتم تمون خوات

حبيبتى لوجين ….مو انتى اللى محترة انا اللى والله اطبخ بس انتظر متى يطلع النهار عشان بس اروح حق هالبنغالى …وعلمه اشلون اعرضه للبيع …وبعدين انا ما قلت لج انى تاركته باى مكان ..ولا زوجى صار عندة حساسيه …الظاهر انج مضيعه بينى وبين وحدة ثانيه ..حتى راح اذكرج لما دقيت عليج بخصوص القطو وكلمتج عنه وانه تعبان ..قلتى لى من شنو تعب ولما قلت لج انا اللى شريت منج الذكر الابيض اللى جيت مع ولدى …تذكرتينى …وكنت مضيعه فينى مع وحدة ثانبه …وانا قسما بالله ويشهد على ربى انى ما كلمتج ولا عندى علم ان قطوتج ولدت الا لما قريت الحين بموضوعج هالشى ….وانت ماقلتى لى ان اذا بغيت ابيعه ابلغج ..انا اخر مرة كلمتج فيها من شهرين لما بلغتج عن تعبه ..وبس وانا لما شفته صار زين ما دقيت ولا حبيت انى ازعجك …ولا تفكرين انى ابيعه ولا راح ابيعه ..اذا انا ادور لى الحين نثيه هملايا…بكرة ان شاءالله انا اعلم مختار الكلب شغله …اذا ما بلغت عنه البلديه ..

ابوشه حبيبتى انا ما فى بينى وبين لوجين الا كل احترام ومحبه ..وهذى اخت عزيزة وغاليه

حبيبتي حقج علاي ان غلطت فيج انا مابي اجيب سيرتج بأي شي مو زين بس اللي شفته جرحني و قهرني و جنني شلون صار القطو عند مختار و شلون وصل لهل حاله من المرض الله يخليج انقذيه من الحاله اللي اهوا فيه و قلت لج انا موجوده لو احتجتي أي شي لو بتتركين البيت مره ثانيه و ما عندج حد تأمنينه على القطو جيبيه عندي انتي تعرفين عنواني و انا بدير بالي عليه عزيز مكرم لما ترجعين بالسلامه و انا ما بيني و بينج اي شي غير الموده و الأحترام بس انصدمت شلون القطو وصل لهل مكان انتي قلتيلي مات عليج قطو كنتي شاريته من نفس هل مكان فشلون تردين و تحطين قطوج بنفس المكان مره ثانيه …

لوجين الله يلوم الي يلومج ياقلبي من حرتج ادري

واختي الشاخا باجر روحي شوفي هالبنقالي الحقير

وانا حاسه فيج لانه الظروووف تخلي الواحد يسوي اشيآء

ماوده يسويها .. وحصل خيير بنات

مو مشكله بنات سوء تفاهم وباجر كل شيئ ينحل ان شاء الله وأنتو تظلون خوات وأكييد البنغالي حب انه يستفيد من ورا القطو المسكين بجم دينار

حبيبتى ..انا كنت مضطرة انى اخليه عنده …بس والله ان الاكل انا جايبته من عندى مع الفيتامينات ..بس ماهقيت انه توصل فيه لدرجه هذى ان يكون ماعندة ذمه ..ولا يخاف من لله ..والقطوة اللى ماتت هملايا من مستشفى الدهماء من كثر الابر اللى عطوها وصارت قويه بالنسبه لها فما تحملت …والله يشهد على انى للحين هى فبالى ومحترة عليها ولا همنى كم راح اكلفنى العلاج لانهم فى ذمتى …واذا انا راح اسافر ثقى انج بتكونين اول وحدة راح ادق عليها وخلى القطو عندها ..لانى ادرى انج ثقه …بس انا ماكنت متخيله انه يبخل عليه من الاكل وانا اللى جبته له الاكل …مو دافع من جيبه شى ..انا مانى زعلانه منج لانى قلت لج من قبل انت اخت عزيزة وغاليه …والله لايجيب الزعل بينا ان شاءالله .

ما تنلامين لوجين حبيبتي من القهر ,,

و al-sha5a يا قلبي معذووورة ..

سوء تفاهم و الحمدلله انحل ^_^

بس هندي الفقر ما اوصيكم فيه وروه شغل الله

و ابشركم سوق الحمام بيصكرونه ,, عليه 7000 – 9000 غرامه هياااا

حبيبتي حقج علاي بس الظاهر انه نصب عليج لا كان يوكله من الأكل اللي جبتيه معاه و لا معتني بصحته القطو صار جلد على عظم و كل شعره طاح و كان ناوي يبيعه من ورى ظهرج و يتبلى عليج هل لي ما يخاف ربه انا ما بنام باجر من الصبح بروح اتخانق معاه و بخليه يتغلغص بواحد من قفاصه القطاوه و بخليه يجوع حتى يحس باللي يسويه …

الله يسمع مننننننننننننننج و يتسكر بس خل يطلعون الحيوانات من القفاص و يحطونهم داخل بيوت فيها ناس تهتم فيها …