|
|
انا بنص التاسع وراس البيبي ليلحين فوق ومادري يصير يلفونه لي ولا خطر
اللي مرت بنفس تجربتي ياليت تفيدني لاني خايفه يولدوني قيصريه
وجزاكم الله خير
انج اتطولين بالسجود وقت الصلاة
وبعد تمشين المشي يعدل الوضعيه بس لازم تمشين سيده من دون لفات المشي زين حق التوسع يسهل لهم الولاده ووزين لعضلات الرحم
هذي طريقتين
ووحده قالت >> وتحلف انها مشت سيده في حديقه او شي جذيه وماخذه معها سجاده وبعد المشي سجدت تقول الحمدلله تعدل وضع البيبي
اتمنى اني افدتج
انا سمعت انه الحباي زين
اذا لا عادي
اذا بجر ان شاءالله يتعدل
و اذا ما تعدل ممكن تولدين طبيعي بكل سهوله بس يبيلج دكتورة شاطرة
مثل د.سلوى الرفاعي تولد طبيعي اذا الراس فوق و تكون الولاده حالها حال اللي راسه تحت
الله يسهل عليج
انا بعد نفس حالج بالظبط صارلي اسبوع بالتاسع وراس البيبي ليلحين فوق بعد شوي بروح مراجعتي عند دكتورة نزهت بالسلام واااااااااااي
ان شالله تقولي ان افتر البيبي ونزل راسه تحت لانها كانت قايلتي لي نص التاسع اذا مافتر البيبي راح تفره لي وانا حدي خايفة واذا مافتر بعد
ماتحاول تفرة راح تولدني قيصرية واااااااااااااي حدي خايفة انا ببجري والدة طبيعي الحمدللة فإن شاللة الله يهون عليج وعلي وعلى كل
حااامل ويقومنا احنا وبيبياتنا بالسلامة …
اهيا من الثامن كانت تقولي احبي وطولي بالسجود وحاولت كثر ماقدر بس للاسف مافتر والله حتى مشي قاعدة امشي بس ماله كاتب يفتر وفي
ناس تقول سبحان الله مرات مع الطلق واللويه بروحه يفتر حزة الولادة الله كريم .