|
|
قوة بنات وامهات …. شلونكم ….
انا عندي بنتي عمرها 3 سنوات ….بس ريحة حلجها كريهة وخايسة لمن تتكلم …. مادري شسوي وياها ؟؟؟ شنو تنصحوني فيه …. هل هذا شي طبيعي علشان الأسنان ؟؟؟ فيه وحدة كانت عندها هالمشكلة ولقت لها حل ؟؟؟
ساعدوني الله لا يهينكم ….. قبل لا اوديها للطبيب
يلا بااااااااااااااااي
الصبح ابلش معاها بالمعجون و الفرشه .. بضميييير ولو انها تتتحلطم
ثانيا اريقها عدل .. و اغديها عدل .. انا من بديت اجبرها على الاكل المفيد . مثل التبوله و الخضار .. وايد خفت الريحه
بس يمكن انتي بنتج غير .. فالاحسن انج تستشيرين طبيب العايله عادي اللي بالمستوصف
و ان لقيتي حل دائم بلغيني و لج الاجر
فـ الأحسن ياقلبي وديهـا الطبيـب ..
وما تشوفون شـر ان شاء الله …
بالنسبة للأمهات اللي قالوا من معدتها ….. شنو السبب ؟؟؟؟ يعني معدتها اشفيها ؟؟؟؟؟
يعطيكم الف عافية وعساكم عالقوة….
يلا بااااااااااااااااي
أسباب الرائحه كثيرة ومنها:
1) تسوس الأسنان : يجب ان البنت تفرك أسنانها قبل النوم و الصبح بعد الأفطار + ممنوع تنومين البنت وهي ماكله شي بعد ما فركت أسنانها يعنس كالما انها فركتهم بالليل ما يصير تاكل أو حتى تشرب اي شي غير الماء واذا أكلت أو شربت ترجعين تفركين اسنانها مرا ثانية.
2) اللتهاب اللوز أو الحنجرة: بعض الروائح تكون بسبب التهابات داخلية غير واضحه بالعين … يجب ان يتم مراجعه الطبيب للفحص و التأكد منها.
3) وجود التهابات بالأذن أو الأنف : طالما ان هذه الأعضاء و اللي هي الأذن و الأنف و الحنجرة مرتبطين ببعض فإن أي اللتهاب بواحد منهم يبين مفعوله على باقي الأعضاء. علشان جذيه لازم تروح الطبيب يفحص عليها.
4) نوعيه الأكل : الأكل اللي ينهضم بالمعده يطلع ريح خلال مرحلة الهضم .. هذه الريح يا أما انها تخرج مع البراز أكرمكم الله أو انها تخرج من الفم.. واذا كانت نوعية الأكل غير مفيده دائما فإن هذه الروائح مثل اللي تصبغ بالمعده و تجعل هذه الرائحه الغير مستحبه دائمه فيها. حاولي الاكثار من الأكل الصحي الطازج و الغير معلب…
و شكرا 
مشكورة اختي على توضيحج ….. يعطيج الف عافية وغرشة عسل مصفى لكم كلكم ….
يلا باااااااااااااااااااااي
انا اتووقع انهاا عادي يعني لان من 3
تبده تطلع الراائحه الكريه مثل كل البشر بس تفرش تنتهي